Síðdegisútvarpið

22.ágúst

Decca Records, sem er í eigu Uni­versal Music Group, hef­ur gert út­gáfu­samn­ing við ís­lenska tón­skáldið Gabrí­el Ólafs. Gabrí­el, sem er 23 ára, er fyrsti Íslend­ing­ur­inn sem gef­ur út verk sín und­ir merkj­um Decca Records en frá ár­inu 1928 hafa þekkt­ustu tón­list­ar­menn sög­unn­ar á sviði klass­ískr­ar tón­list­ar og djass gefið út plöt­ur sín­ar á veg­um þess. Gabríel kemur til okkar í Síðdegisútvarpið á eftir.

Jó­hann­es Svavar Rún­ars­son fram­kvæmda­stjóri Strætó seg­ir að þrátt fyr­ir há­væra gagn­rýni í garð fyr­ir­tæk­is­ins á sam­fé­lags­miðlum hafi í heild­ina gengið vel að ferja fólk niður í bæ á Menn­ing­arnótt. Marg­ir hverj­ir kvörtuðu sár­an yfir því að vagn­ar væru ým­ist of fáir, of sein­ir eða keyrðu oft­ar en ekki fram hjá fólki. Frítt var í vagn­ana á laug­ar­dag­inn var, en það er orðin hefð fyrir slíku á Menningarnótt. Jóhannes Svavar mætir til okkar á eftir og ræðir við okkur.

Í morgun hófst alþjóðlegt siglingarmót á Pollinum við Akureyri. Mótið heitir Rs Aero Arctic og sstendur það til miðvikudags. Þetta er fyrsta alþjóðlega mótið í kænusiglingum á Íslandi í aldarfjórðung, síðan Smáþjóðaleikarnir fóru fram í Reykjavík 1997, og það fyrsta á Akureyri. Siglingarfélagið Nökkvi heldur utan um mótið og við heyrum í formanni félagssins, Tryggva Jóhanni Heimissyni.

Fyrir skemmstu opnaði Hafnartorg Gallery, nýr áfangastaður með áherslu á mat, menningu og verslun dyr sínar við Geirsgötu í Reykjavík með glænýjum verslunum og veitingastöðum í hjarta miðborgarinnar. Opnunin markar tímamót í uppbyggingu svæðisins milli Lækjartorgs og Hörpu sem hefur staðið yfir í um 10 ár en er senn að ljúka. Í tilefni af tímamótunum heyrum við í Finni Boga Hannessyni þróunarstjóra Hafnartorgs á sjötta tímanum.

Kastljós hefur göngu sína að nýju að loknum fréttum í kvöld. Baldvin Þór Bergsson ritstjóri Kastljóssins kemur til okkar á eftir og ræðir það sem framundan er.

En við byrjum á þessu. Ekki hefur verið virkni í gígnum í Meradölum síðan í gærmorgun. Ekki er ósennilegt að gosrásin sé að stíflast, að sögn hópstjóra náttúruvár á Veðurstofu Íslands. Fluglitakóði hefur verið færður úr appelsínugulum yfir í gulan og björgunarsveitarmaður segir færri leggja leið sína að gosstöðvunum. Á línunni er Jóhannes Þór Skúlason framkvæmdarstjóri Samtaka ferðaþjónustunnar.

Frumflutt

22. ágúst 2022

Aðgengilegt til

22. ágúst 2023

Þau Andri Freyr Viðarsson, Guðrún Dís Emilsdóttir og Hrafnhildur Halldórsdóttir halda landanum vel upplýstum um menn og málefni á leið úr vinnu á daginn. Þau fylgjast vel með fréttum og dægurmálum og spila nóg af góðri tónlist.