Ein mynd segir meira en þúsund orð er frasi sem hefur gjarnan verið notaður yfir sterkar áhrifaríkar ljósmyndir, en í ár eru 200 ár liðin frá því fyrsta varðveitta ljósmyndin var tekin. Við forvitnuðumst um ljósmyndun í dag, en Fókus, félag áhugaljósmyndara var stofnað árið 1999 og er í dag blómlegt félag. Stefán Hrafn Jónsson, formaður félagsins, er ástríðuljósmyndari og hann kom í þáttinn í dag og sagði okkur frá félaginu, ljósmyndaástríðunni og bara eins miklu ljósmyndatengt og við munum koma að á um það bil 15 mínútum.
Í Bæjarperlum vikunnar fer Hinrik Wöhler í Öræfasveit. Þar ræðir hann við Svanhvíti Helgu Jóhannsdóttur, sem hefur búið í Öræfum alla sína tíð. Hún er kennari við Fjallaskóla Íslands, leiðsögumaður og félagi í björgunarsveitinni Kára. Svanhvít ræddi um jöklana, gönguleiðirnar, ferðamennskuna og landslagið sem mótar lífið í Öræfum. Því næst kom Hinrik við á næsta bæ í Svínafelli hjá Regínu Hreinsdóttur. Hún hefur ásamt fjölskyldu sinni rekið ferðaþjónustu um árabil og opnaði nýlega sveitakrána Nýja fjárhúsið í gömlu fjárhúsi.
Og svo var fugl dagsins auðvitað á sínum stað.
Tónlist í þættinum í dag:
Hjarta mitt / Eivör Pálsdóttir (Eivör Pálsdóttir)
There is a Light That Never Goes Out / The Smiths (Johnny Marr og Morrissey)
Misguided Angel / Cowboy Junkies (Margo Timmins og Michael Timmins)
Umsjón: Gunnar Hansson og Guðrún Hálfdánardóttir
