Í síðustu viku var víetnamski kaupsýslumaðurinn Quang Lé, ásamt fleirum, handtekinn í lögregluaðgerðum vegna stórfelldrar mansalsrannsóknar. Á síðasta ári fengu 115 Víetnamar dvalarleyfi á Íslandi á grundvelli sérfræðþekkingar samanborið við 51 árið þar á undan. Lang stærsti hópurinn fékk hins vegar dvalarleyfi sem aðstandendur sérfræðinga eða 222 einstaklingar. Árið 2022 voru þeir 89. Rætt við fulltrúa útlendinga- og vinnumálastofnunar um atvinnuleyfi og mansal.

Stærsta og eitt þekktasta morðmál Íslandssögunnar eru morðin í Dillonshúsi þar sem maður myrti eiginkonu sína og þrjú börn og svipti sig svo lífi í kjölfarið. Í samnefndri bók sem kom út fyrir stuttu segir Sigríður Dúa Goldworthy sögu móðursystur sinnar og barna fram að atburðinum en einnig sögu ömmu sinnar.

Íslensku tónlistarverðlaunin verða afhent í kvöld. Kastljós hitaði upp frá Hörpu og ræddi við tónlistarfólkið GDRN og Fannar Inga Friðþjófsson.