Úkraínsku hjónin Volodymyr og Anna Mazur hafa búið á Íslandi ásamt tveimur ungum dætrum sínum frá því að Rússar réðust inn heimaland þeirra. Þau hafa nú ákveðið að snúa aftur heim og Volodomyr ætlar að ganga í herinn. Kastljós hitti fjölskylduna á dögunum, en á laugardag verða 2 ár liðin frá innrás Rússa í Úkraínu.

Ógrynni af rusli fellur til í byggingariðnaði á ári hverju og endar á haugunum. Rusl er reyndar ekki rétta orðið því mikið af þessum efnum getur átt sér framhaldslíf. Dansk-íslenska arkitektastofan Lendager hefur helgað sig að draga úr sóun í byggingariðnaði með endurnýtingu að leiðarljósi, eins og sjá má á sýningunni Wasteland í Norræna húsinu.

Í Menningarfréttum vikunnar lítum við á draumkennda málverkasýningu Ernu Mistar og kynnum okkur glænýja rokkóperu Þórs Breiðfjörð í Tjarnarbíó, sem heitir Hark.