Óhætt er að segja að íþróttaæði sé runnið á frændur okkar í Færeyjum. Karlandsliðið komst á dögunum í fyrsta skipti á lokamót EM í handbolta og fótboltaliðið í Klakksvík hefur skákað hverju stórliðinu í Evrópu á fætur öðru. Óðinn Svan og Grímur Jón kíktu til Færeyja til að reyna að komast því, hvað veldur.

Aðstæður á Litla-Hrauni eru hörmulegar, eins og fram kom í Kveik í gær. Húsnæðið er myglað og að miklum hluta ónothæft, geðheilbrigðisþjónusta er af skornum skammti og fátt sem stuðlar að því að þeir sem þurfa að afplána þar refsivist komi betri menn út. Kastljós ræddi fangelsismál við þær Guðrúnu Hafsteinsdóttur dómsmálaráðherra og Dagbjörtu Hákonardóttur, þingmann Samfylkingarinnar.

Undiralda er heiti á ljósmyndasýningu Stuarts Richardson sem nú má finna í Ljósmyndasafni Reykjavíkur í Grófarhúsi við Tryggvagötu. Við litum á sýninguna.