Víðsjá

Póetík í Reykjavík, Grátur og tár, Álfrún Gunnlaugsdóttir og Óræð lönd

Víðsjá heimsækir Gerðarsafn í Kópavogi í þætti dagsins þar sem myndlistartvíeykið Bryndís Snæbjörnsdóttir og Mark Wilson sýna verk sín þessa dagana. Þau Bryndís rýna í samspil manns og náttúru, ekki síst á Norðurslóðum en verk þeirra verður hægt skoða bæði í Gerðarsafni og í Listsafninu á Akureyri frá og með 25. september.

Margrét Bjarnadóttir, listamaður, kemur í heimsókn í Víðsjá en á dögunum birti hún greinina Ein mínúta í lífinu í greinasafninu Erindi; Póetík í Reykjavík sem kom út hjá Benedikt bókaútgáfu. Þar rekur hún nokkuð óhefðbundinn ritferil sem hverfist um dagbókaskrif, anagröm og fundin augnablik.

Sigurlín Bjarney fjallar um grát og tár í pistlum sínum um þessar mundir og núna beinir hún sjónum tilfinningatárum og ólíkum gráti kynjanna.

Víðsjá minnist einnig Álfrúnar Gunnlaugsdóttur, rithöfunds, sem er fallinn frá, en hún var margoft gestur hér í þættinum á árum áður. Í þætti dagsins grípum við niður í gamla upptöku af spjalli Álfrúnar og Eiríks Guðmundssonar.

Umsjón: Tómas Ævar Ólafsson og Guðni Tómasson

Birt

16. sept. 2021

Aðgengilegt til

16. sept. 2022
Víðsjá

Víðsjá

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.