Í síðustu viku hófu Barnaheill hina árlegu vorsöfnun með sölu á lyklakippum til styrktar starfi samtakanna. Lyklakippurnar eru hannaðar og framleiddar af handverksfólki í Freetown, höfuðborg Síerra Leóne, í Vestur Afríku. Allur ágóði sölunnar rennur til verkefna Barnaheilla sem snúa að vernd gegn ofbeldi á börnum. Við hringdum til Sierra Leóne þar sem framkvæmdastjóri Barnaheilla, Tótla Sæmundsdóttir, er stödd til að taka úr verkefni samtakanna þar.
Neytendasamtökin eru nú á ferð um landið til að efna til samtals um neytendamál við neytendur og sveitarstjórnir vítt og breitt um landið. Samtökin ætla að kynna sér helstu mál sem brenna á fólki á landsbyggðinni og segja frá baráttumálum sínum og þann ávinning sem sterkur hagur neytenda færir fólki, fyrirtækjum og samfélaginu öllu. Breki Karlsson, formaður, Neytendasamtakanna, var á línunni.
Strandveiðar hófust á fimmtudaginn 2. maí. Aðeins er leyfilegt að veiða mánudaga til fimmtudaga, að báðum dögum meðtöldum, og því aðeins einn veiðidagur að baki. Til okkar kom Arthur Bogason, formaður Landssambands smábátaeigenda, og fórum við yfir veiðitímabilið sem var að hefast. Reglugerð um strandveiðar er nánast óbreytt frá síðasta ári en samkvæmt henni verður aflamagn ekki minna en 10 þúsund tonna af þorski.
Í tilefni af 30 ára afmæli EES-samningsins standa Rannís, utanríkisráðuneytið, háskóla-, iðnaðar- og nýsköpunarráðuneytið og sendinefnd ESB á Íslandi fyrir þremur viðburðum miðvikudaginn 8. maí til að fagna samstarfinu. Samningurinn var undirritaður 1992 og gekk í gildi 1 janúar 1994. Þau Aðalheiður Jónsdóttir, sviðsstjóri mennta- og menningarsviðs hjá Rannís og Viktor Stefánsson, stjórnmála- og fjölmiðlafulltrúi Sendinefndar ESB á Íslandi, komu til að ræða þessi tímamót.
Við litum yfir íþróttir helgarinnar og vikunnar framundan með Einari Erni Jónssyni.
Annað kvöld fara fram tónleikar í Háskólabíói þar sem hópur listafólks kemur saman til þess að sýna samstöðu með þeim sem búa við hörmulegar aðstæður á Gaza. Allur ágóði af tónleikunum rennur til mannúðaraðstoðar á Gaza, þar sem þörfin er mest, með aðstoð frá Rauða krossinum og UNICEF á Íslandi. Til að segja okkur meira komu til okkar mæðgurnar Elísabet Eyþórsdóttir og Ellen Kristjánsdóttir.
Lagalisti:
Una Torfadóttir - Yfir strikið
Fleetwood Mac - As Long As You Follow
Freddie Mercury - The Great Pretender
Elín Ey - Ekkert mál (Hljómskálinn)
The Mavericks - Dance The Night Away
Á móti sól - Okkur líður samt vel
Kasper Björke, Systur og Sísý Ey - Conversations
White Town - Your Woman
