Kastljós

Málefni sveitarstjórnarkosninga, samgöngur á höfuðborgarsvæðinu og Katla Sólnes

Tæpar tvær vikur eru til sveitarstjórnarkosninga og spennan farin að magnast. Hvaða málefni skipta fólk mestu máli í tengslum við kosningarnar? Við kynnum okkur það í þættinum í kvöld.

Bílaumferð hefur verið að aukast á höfuðborgarsvæðinu á undanförnum árum og flest bendir til að hún muni halda því áfram að óbreyttu, með sívaxandi umferðarteppum á annatímum. Enn eru þó nokkur ár þar til borgarlína kemst í gagnið, þar sem strætó á sérakreinum á að létta á álaginu. En hvað er til ráða þangað til? Gestir Kastljóss eru Daði Baldur Ottósson, samgönguverkfræðingur hjá Eflu, og Þorsteinn Hermannsson, framkvæmdastjóri Betri samgangna.

Við heimsækjum einnig Kötlu Sólnes sem er ung og upprennandi kvikmyndagerðarkona.

Dagskrárliðurinn er textaður.

Birt

4. maí 2026

Aðgengilegt til

Rennur ekki út

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.