Hádegisfréttir

Hádegisfréttir 26. október 2026

Innviðaráðherra íhugar að draga úr fyrirhuguðum breytingum á Loftbrú eftir harða gagnrýni. Stjórnmálafræðingur segir landsbyggðarþingmenn stjórnarflokkanna í snúinni stöðu og sérfræðingur í byggðamálum gagnrýnir skort á fyrirsjáanleika.

Fjöldahreyfing stúdenta batt enda fjórtán ára valdatíð Aleksandar Vučić, fyrrverandi forseta Serbíu, þegar hún vann stórsigur í þingkosningum í gær.

Rúmlega þrítug kona hafði betur gegn tryggingafélaginu Verði eftir sjö ára málaferli, vegna örorku eftir bílslys. Deilt var um hvort konan ætti að fá bætur út frá lágmarkslaunum eða út frá meðallaunum fólks í starfsgreininni sem hún var að mennta sig í þegar slysið varð.

Það tókst ekki að mynda stjórn í Svíþjóð þvert yfir miðjuna. Formaður Miðflokksins, sem fékk stjórnarmyndunarumboð í síðustu viku, skilaði því í morgun.

Skorið verður niður í leiðakerfi strætó frá og með fyrsta desember. Þá er til skoðunar að fækka ferðum um jól, páska og yfir sumartímann.

Leit hefst á morgun að líki Lúðvíks Péturssonar sem féll niður í sprungu í Grindavík í janúar 2024. Lögreglustjórinn á Suðurnesjum stýrir leitinni og undirbýr hana í dag.

Leiðtogi stjórnarandstöðunnar í Venesúela og handhafi friðarverðlauna Nóbels, er komin til heimalandsins eftir tæpt ár í útlegð.

Knattspyrnumaðurinn Kylian Mbappé kann vel við sig í leikjum við Barcelona. Hann skoraði bæði mörk Real Madrid í 2-1 sigri á erkifjendunum í gærkvöldi.