Hádegisfréttir

Hádegisfréttir 22. október 2026

Tölvuþrjótar hafa gert milljónir innbrotstilrauna frá því að öryggisgalli fannst í forritunarmálinu PHP. Hættuástand er ekki yfirstaðið.

Stjórnvöld í Rússlandi eru opin fyrir viðræðum um frið í Úkraínu og forseti Bandaríkjanna telur endalok stríðsins aldei hafa verið nær. Hernaðarsagnfræðingur setur fyrirvara við yfirlýsingar Bandaríkjaforseta.

Héraðsdómur Reykjavíkur sýknaði Seðlabankann í morgun af bótakröfu fyrrverandi forstjóra Samherja . Hann krafðist bóta vegna gagnameðferðar bankans eftir húsleit 2012 þegar Samherji sætti rannsókn vegna gruns um brot á gjaldeyrislögum.

Heimsmarkaðsverð hráolíu hækkar enn og nálgast hámarksverð frá því í vor. Engin merki eru um að átökum Bandaríkjanna og Írans linni.

Flothringur af sjókví, sem var strand í Patreksfirði í fimm vikur, var á reki um fjörðinn í gærkvöld og nótt. Viðbragðsaðilar á Patreksfirði vissu ekki af því.

Tími dekkjaskipta er runninn upp og víða örtröð á dekkjaverkstæðum á höfuðborgarsvæðinu.