Bæn og hugleiðing að morgni dags.

Séra Arnór Bjarki Blómsterberg flytur.

Umsjónarmenn eru Björn Þór Sigbjörnsson og Þórunn Elísabet Bogadóttir.

Gliðnun í alþjóðasamstarfi í heimsfaraldrinum hefur verið til umfjöllunar eftir nýja skýrslu sem sýndi fram á að norrænu ríkin fóru í mörgu eigin leiðir í aðgerðum gegn veirunni án samstarfs eða samráðs sem einkennt hefur sambúð Norðurlandanna í áratugi. Viðmælandi í dag um heimsmálin var Stefanía Óskarsdóttir, dósent við stjórnmáladeild HÍ. Spurð hvernig heimurinn blasi við henni svaraði hún "skýjað með köflum."

Grasspretta hefur farið hægt af stað þetta vorið enda næturfrost víða um land langt fram eftir maí. Ljóst er að tún verða slegin seinna í ár en oft áður en erfitt að segja til um hvernig almennt heyjast í sumar. Bændur vilja rigningu. Eiríkur Loftsson ráðunautur í jarðrækt hjá Ráðgjafamiðstöð landbúnaðarins ræddi stöðu mála.

Einhverju furðulegasta leikári í langri sögu Leikfélags Reykjavíkur er að ljúka. Starfsemi leikhússins hefur, eins og svo að segja allt í samfélaginu, markast af lokunum löngum tíðum vegna covid. Brynhildur Guðjónsdóttir borgarleikhússstjóri spjallaði um áskoranir leikhússins og nýtt leikár sem hefst í haust.

Tónlist:

Here comes the sun - Bítlarnir

Sólin er komin - Mugison,

Þykjustuleikur - Gréta Sigurjónsdóttir,

Kisa mín - Helgi Hjörvar.

Umsjón: Björn Þór Sigbjörnsson og Þórhildur Þorkelsdóttir.

Útvarpsfréttir.

Útvarpsfréttir.

Umsjón: Ásrún Brynja Ingvarsdóttir

Tæknimaður: Magnús Þ. Magnússon

Útvarpsfréttir.

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Gagga segir að það hafi ekkert annað komið til greina en að vinna við kvikmyndir, Hún segir frá kvikmynd sinni Saumaklúbburinn sem frumsýnd er um þessar mundir. Þetta er gamanmynd um fimm konur á besta aldri skella sér saman í bústað til að hafa það reglulega gott og slaka á - frjálsar frá sifelldu amstri hversdagsins. Undir huggulegu yfirborðinu leynast þó gamlar syndir sem leysast úr læðingi þegar síst varir.

Morgunleikfimi með Halldóru Björnsdóttur.

Útvarpsfréttir.

Umsjón: Kristján Kristjánsson.

Útvarpsfréttir.

Um litróf mannlífsins.

Umsjón: Guðrún Gunnarsdóttir og Gunnar Hansson.

Í dag er fimmtudagur og þá fengum við sérfræðing í þáttinn eins og aðra fimmtudaga í vetur. Í þetta sinn var það Guðrún Rakel Eiríksdóttir sálfræðingur og verkefnastjóri á sviði kortlagninga- og forvarna hjá VIRK starfsendurhæfingarsjóði. Hennar starf felst meðal annars í því að fara yfir beiðnir hjá fólki sem leitar til VIRK til þess að greina hvar vandinn liggur svo viðkomandi fái rétt úrræði, það er að segja að starfsendurhæfingarferillinn sé réttur fyrir viðkomandi. Þetta getur verið flókið, því skilgreiningar á hugtakinu kulnun eru til dæmis um 100 í erlendum rannsóknum. Hún segir að það sé mjög fjölbreyttur hópur sem leitar til VIRK vegna kulnunar í starfi, því skipti miklu að greina vanda hvers og eins rétt. Við fengum Guðrúnu Rakel til að útskýra þetta fyrir okkur betur í þættinum. Og í seinni hluta þáttarins svaraði hún spurningum sem hlustendur höfðu sent inn á netfang þáttarins, [email protected].

UMSJÓN GUÐRÚN GUNNARSDÓTTIR OG GUNNAR HANSSON

Útvarpsfréttir.

Hádegið er daglegur fréttaskýringaþáttur í umsjón Guðmundar Björns Þorbjörnssonar og Katrínar Ásmundsdóttur. Fjallað er um innlend og erlend fréttamál, menningu, íþróttir og daglegt líf. Fréttaskýringar, samtöl og umræður um það sem er efst á baugi.

Í fyrri hluta Hádegisins örskýrir Atli Fannar Bjarkason hina svokölluðu ?skæruliðadeild? Samherja, sem og Samherjamálið. Í örskýringum sínum tekur Atli fyrir flókin mál útskýrir þau á sem einfaldastan hátt. Samherjamálið? Skæruliðadeildin? Hvað er nú það.

Samtökin Transparency International, stærsta fjöldahreyfing í heiminum sem berst gegn spillingu og heldur spillingavísitölu sem greinir ásýnd spillingar, gaf í morgun út yfirlýsingu þar sem aðgerði hinnar svokölluðu skæruliðadeildar Samherja eru fordæmdar. Þar segir meðal annars að tölvupóstssamskipti sýni að Samherji hafi reynt að hafa áhrif formannskjör í blðamannafélagi Íslands og að Ísland hafi fallið um sex sæti á sérstökum lista samtakanna sem mælir spillingu í kjölfar umfjöllunar Kveiks árið 2019 um meintar greiðslur Samherja til ráðamanna í Angóla og Namibíu. Atli Þór Fanndal, formaður Íslandsdeildar Transparency International, ræðir um spillingu á Íslandi í síðari hluta þáttarins.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Útvarpsfréttir.

Þrjú smit greindust innanlands í gær, eitt utan sóttkvíar. Sóttvarnalæknir segir nær öruggt að fleiri eigi eftir að greinast. Níu hafa greinst síðastliðna viku, flest tengd smitum í verslun í miðborginni.

Kínverjar lýsa vanþóknun á að Bandaríkjamenn séu á ný farnir að gera sér í hugarlund að COVID-19 megi rekja til kínverskrar rannsóknarstofu. Bandaríkjaforseti hefur fyrirskipað leyniþjónustustofnunum að komast að uppruna veirunnar.

Íslenskt almannatryggingakerfi á heimsmet í skerðingum, að því er fram kemur í nýrri skýrslu Eflingar. Íslenskt velferðarkerfi er sagt ólíkt hinum Norðurlöndunum hvað þetta varðar.

Formaður fjárlaganefndar Alþingis útilokar ekki að hægt verði að samþykkja aukna fjárveitingu til hjúkrunarheimila í næsta mánuði til að mæta rekstrarvanda þeirra.

Draga má lærdóm af vandamálum sem fylgdu raka- og mygluskemmdum í Fossvogsskóla og grípa hraðar inn í mál af þessum toga, segir formaður skóla og frístundaráðs Reykjavíkur. Ekkert verður kennt í húsakynnum Fossvogsskóla á næsta ári.

Íslandsbanki ætlar að gefa Listasafni Íslands og og fleiri söfnum rúmlega 200 verk úr safni bankans, eftir helstu listamenn þjóðarinnar fyrr og síðar.

Landssamband smábátaeigenda leggur til að strandveiðimenn sem veiða umfram leyfilegan dagskammt geti leiðrétt það í næsta róðri. Verðmæti fyrir umframaflann renni í ríkissjóð og skerði heildarkvóta tímabilsins.

Dánarfregnir.

Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Þorsteinn Sigurðsson forstjóri Hafrannsóknarstofnunnar: Þorsteinn er nýtekinn við starfi forstjóra Hafrannsóknarstofnunnar. Hann segir frá bakgrunni sínum og eðli starfseminnar.

Gunnar Ólafsson, Djúpinu: Djúpið er frumkvöðlasetur eða -skjól sem staðsett er í Bolungavík. Hann ræðir m.a. um möguleika í þörungaeldi o.fl.

Stefán Gíslason: Umhverfispistill um áhrif loftslagsbreytinga á geðheilsu.

Útvarpsfréttir.

Umsjón: Una Margrét Jónsdóttir.

Í þættinum verður flutt tónlist sem tengist froskum, meðal annars kafli úr Froskakvartettinum eftir Joseph Haydn, Tilbrigði við lagið „A frog he went a-courting“ eftir Paul Hindemith og „Frog Galliard“ eftir John Dowland. Lesið verður upp úr sögunni „Kartan“ (Skrubtudsen) eftir H.C. Andersen. Umsjón með þættinum hefur Una Margrét Jónsdóttir og lesari er Jórunn Sigurðardóttir.

Útvarpsfréttir.

Lísa Pálsdóttir flakkar um borg og bý.

Samræðufundur um húsnæðismál á vegum Úrbanistan var haldinn í Norræna húsinu þriðjudaginn 11.maí. Yfirskrift fundarins var HÍBÝLAAUÐUR, samtal um húsnæðismál á mannamáli. Þar bar ýmislegt á góma og meiningin er að reyna að koma efni fundarins til skila fyrir ykkur hlustendur góðir. Í þessum þætti verður rætt við Ásgeir Brynjar Torfason doktor í fjármálum, Hrefnu Björgu Þorsteinsdóttur & Hólmfríði Ósmann Jónsdóttur, arkitekta um rannsókn sem þær gerðu fyrir arkitektadeild Listaháskólans, er byrjum hjá Úrbanistan og hittum Önnu Maríu Bogadóttur arkitekt og menningarfræðing

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Tómas Ævar Ólafsson.

Í Víðsjá í dag verður meðal annars fjallað um hljómplötuna The Queen is Dead með ensku hljómsveitinni The Smiths en um þessar mundir eru 35 ár liðin frá útkomu hennar. Þetta var þriðja hljóðversplata hljómsveitarinnar og hún er mörgum talin vera ekki aðeins merkasta plata The Smiths, heldur ein af bestu plötum níunda áratugarins. Rætt verður við Kjartan Guðmundsson kennara og tónlistaráhugamann um plötuna í Víðsjá í dag. Víðsjá leggur einnig leið sína í Hafnarborg í Hafnarfirði og tekur þar tali myndlistarmanninn Arnfinn Amazeen en um helgina verður opnuð þar sýning hans sem Arnfinnur kallar Diskótek. Og Halldór Armand Ásgeirsson rithöfundur heldur áfram að fjalla um mótsagnir í sögu og samtíð, í dag fjallar Halldór um endurminninguna, það hvernig okkur dreymir um veröld sem var ekki, gullöldina sem var ekki okkar.

Útvarpsfréttir.

Fjallað er fordómalaust um menningu samtímans í öllum sínum fjölbreytileika, samfélagsmiðla, dægurmenningu, allt sem mótar líf okkar hér og nú og speglar frá degi til dags.

Umsjón: Lóa Björk Björnsdóttir og Bjarni Daníel Þorvaldsson.

Það hafa margir beðið með eftirvæntingu eftir sérstökum Friends-endurfundaþætti sem kom út í dag. Vinir nutu áður óséðra vinsælda þegar þeir voru sýndir á árunum 1994 til 2004, og halda áfram að draga til sín nýja og nýja áhorfendur. Í Lestinni í dag veltum við fyrir okkur áhrifum og arfleifð Friendsþáttanna með Grétu Kristínu Ómarsdóttur, leikstjóra.

Ash Walker hefur getið sér gott orð í danstónlistarsenu Lundúna með því að blanda saman sál, jazz, rhythma & blús, og latínusmellum. Davíð Roach gunnarsson segir frá þessum taktvissa tónlistarmanni og plötusnúð í Lestinni í dag.

Við kíkjum svo á leiklistarnema sem undirbúa nú útskriftarsýningu sína, Krufning á sjálfsmorði nefnist verkið sem verður frumsýnt um helgina. Meira um það á eftir.

En við byrjum á emórappi.

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.

Spegillinn 27. maí 2021

Umsjónarmaður: Bergljót Baldursdóttir

Hæstiréttur sýknaði Íbúðalánasjóð í dag í máli vegna uppgreiðslugjalda lána og ómerkti niðurstöðu Héraðsdóms Reykjavíkur í öðru svipuðu máli. Rætt við Jónas Fr. Jónsson lögmann hjónanna sem þurfa að fara aftur með sitt mál til héraðsdóms.

Víðir Reynisson segir nýja rakningarappið auðvelda rakningu og fækka þeim sem þurfa að fara í sóttkví. Hann hvetur ungt fólk sem ætlar að djammið um helgina að hlaða appinu niður.

Frakklandsforseti viðurkenndi í dag þátt Frakka í þjóðarmorðinu í Rúanda fyrir 27 árum og baðst fyrirgefningar fyrir hönd þjóðarinnar.

Utanríkisráðherrar sjö helstu iðnríkja heims krefjast þess að yfirvöld í Hvíta-Rússlandi láti blaðamanninn og stjórnarandstæðinginn Roman Protasevich lausan án tafar og nokkurra skilyrða.

Mannabein sem rak á land í Vopnafirði og fundust fyrsta apríl síðastliðinn eru af skipverja sem féll fyrir borð á fiskiskipinu Erling KE-140 í maí í fyrra.

Mikill meirihluti vaktavinnufólks á Landspítalanum ætlar að auka við starfshlutfall sitt vegna styttingar vaktavinnu. Deildarstjóri segir að vegna styttingarinnar gæti orðið erfiðara að manna stöður í sumar. Arnar Páll Hauksson, ræddi við Helgu Sigurðardóttur, deildarstjóra mönnunar- og starfsumhverfisdeildar Landspítalans

Svandís Svavarsdóttir, heilbrigðisráðherra telur að ekki liggi fyrir fullnægjandi greining á hvert fjárframlag ríkisins ætti að vera í rekstri hjúkrunarheimilanna. Þetta sagði hún á málþingi um greiningu á rekstrarkostnaði þeirra sem haldið var í dag. Einnig heyrist í Gylfa Magnússyni, prófessor við HÍ sem fór fyrir verkefnisstjórn um rekstur heimilanna og rætt við Aldísi Hafsteinsdóttur, formann Sambands íslenskra sveitarfélaga. Hún segir að sveitarfélögin vilji að brugðist sé við skýrslu verkefnastjórnarinnar með fjármagni því að öðrum kosti verði ófremdarástand í þessum geira

Bjarnheiður Hallsdóttir, formaður Samtaka ferðaþjónustunnar segir að teikn séu á loft um að landið sé að rísa í ferðaþjónustunni. Batamerki séu greinileg. Mestu máli skipti hverskonar ferða menn komi hingað. Þeir ferðamenn sem þegar eru búnir að bóka ferðir hingað ætli að dvelja hér lengur en í meðalári.

Hljómboxið eru stórskemmtilegir spurningaþættir fyrir alla fjölskylduna þar sem krakkar og foreldrar þeirra keppa í því að hlusta.

Við heyrum ýmis skemmtileg brot úr kvikmyndum og sjónvarpsþáttum, sturtusöngvarinn syngur fyrir okkur vel valin lög, við heyrum orð borin fram aftur á bak, reynum að greina dýrahljóð og skringilega útsett lög svo eitthvað sé nefnt.

Umsjón: Ingibjörg Fríða Helgadóttir

Í dag er óvenjulegur þáttur í Hljómboxinu. Hvers vegna? Jú vegna þess að það eru engir keppendur í stúdíóinu. ÞIÐ eruð þátttakendurnir.

Myndið lið, finnið ykkur bjöllur eða aðra hljóðgjafa, búið til nafn á liðið ykkar, grípið blað og blýant og hlustið vel!

Umsjón: Ingibjörg Fríða Helgadóttir

Leikarar og sturtusöngvarar: Rúnar Freyr Gíslason, Hera Ólafsdóttir og Karl Pálsson

Dánarfregnir.

Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Þorsteinn Sigurðsson forstjóri Hafrannsóknarstofnunnar: Þorsteinn er nýtekinn við starfi forstjóra Hafrannsóknarstofnunnar. Hann segir frá bakgrunni sínum og eðli starfseminnar.

Gunnar Ólafsson, Djúpinu: Djúpið er frumkvöðlasetur eða -skjól sem staðsett er í Bolungavík. Hann ræðir m.a. um möguleika í þörungaeldi o.fl.

Stefán Gíslason: Umhverfispistill um áhrif loftslagsbreytinga á geðheilsu.

Fjallað er fordómalaust um menningu samtímans í öllum sínum fjölbreytileika, samfélagsmiðla, dægurmenningu, allt sem mótar líf okkar hér og nú og speglar frá degi til dags.

Umsjón: Lóa Björk Björnsdóttir og Bjarni Daníel Þorvaldsson.

Það hafa margir beðið með eftirvæntingu eftir sérstökum Friends-endurfundaþætti sem kom út í dag. Vinir nutu áður óséðra vinsælda þegar þeir voru sýndir á árunum 1994 til 2004, og halda áfram að draga til sín nýja og nýja áhorfendur. Í Lestinni í dag veltum við fyrir okkur áhrifum og arfleifð Friendsþáttanna með Grétu Kristínu Ómarsdóttur, leikstjóra.

Ash Walker hefur getið sér gott orð í danstónlistarsenu Lundúna með því að blanda saman sál, jazz, rhythma & blús, og latínusmellum. Davíð Roach gunnarsson segir frá þessum taktvissa tónlistarmanni og plötusnúð í Lestinni í dag.

Við kíkjum svo á leiklistarnema sem undirbúa nú útskriftarsýningu sína, Krufning á sjálfsmorði nefnist verkið sem verður frumsýnt um helgina. Meira um það á eftir.

En við byrjum á emórappi.

Næturútvarp Rásar 1.