Hádegisfréttir

Hádegisfréttir 16. október 2026

Georg Páll Skúlason var kjörinn forseti ASÍ í morgun. Hann ætlar að leggja áherslu á góða samvinnu milli stéttarfélaganna.

Úkraínuforseti segir að evrópsk ríki búi yfir eldflaugavörnum sem þau geti látið Úkraínumenn fá. Þetta var rætt á fundi Zelenskys með leiðtogum Evrópusambandsins í morgun. Þar eru Úkraína og öryggi Evrópu efst á baugi.

Formaður Viðreisnar segist ekki ætla að eiga í orðaskiptum við Jón Gnarr um aðstæður innan þingflokksins sem hann sagði sig úr í gær.

Sprengjusveit var kölluð út vegna sprengjuhótunar sem barst forsætis- og dómsmálaráðuneytunum í vikunni. Hótanir voru sendar á fleiri stofnanir og fyrirtæki.

Skæð fuglaflensa hefur greinst víða um land. Yfirdýralæknir biður almenning að gæta að smitvörnum svo pestin berist ekki í fugla í haldi.

Kínverska norðurkljósarannsóknarstöði við Kárhól var rædd í þjóðaröryggisráði, vegna gruns um að þaðan væri hægt að stunda njósnir. Stjórnvöld segjast hafa fullan aðgang að byggingunni, tækjum og rannsóknargögnum.

Minnst 160 voru handteknir í mótmælum í Albaníu í gær. Mótmælendur krefjast afsagnar forsætisráðherra. Þetta var þriðja róstursama kvöldið í röð og mótmæli dagsins eru þegar hafin.