Bæn og hugleiðing að morgni dags.

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Við ræddum um hagfræði og hvaða ráð hún hefur við verðbólgu. Og veltum líka fyrir okkur frammistöðu íslenskra ráðamanna í hagstjórn undanfarinn aldarfjórðung eða svo. Már Mixa dósent við Háskóla Íslands kom í þáttinn.

Alþjóðlegi dagur hamingjunnar er í dag. Hann er haldinn ár hvert, og hefur verið frá 2013, til að minna okkur á mikilvægi hamingjunnar í lífinu. Íslendingar eru næsthamingjusamasta þjóð í heimi samkvæmt alþjóðlegri skýrslu þar um - við spjölluðum um hamingjuna við Kristínu Lindu Jónsdóttur sálfræðing.

Umfjöllun um sígilda tónlist var á sínum stð, við endurlékum spjall við Magnús Lyngdal um Editu Gruberova.

Tónlist:

Jens Lisberg - Eg havi keypt mær bil = Hello Mary Lou.

Jens Lisberg - Mamma = Litli tónlistarmaðurinn [á færeysku].

Nýdönsk - Framtíðarvið.

Hljómar - Lífsgleði.

07:30

Útvarpsfréttir.

08:30

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Annar þáttur um danska landkönnuðinn Knud Rasmussen og leiðangur hans með grænlenskum ferðafélögum á heimskautaslóðir Kanada.

Morgunleikfimi með Halldóru Björnsdóttur.

Veðurstofa Íslands.

Umsjón: Svanhildur Jakobsdóttir.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: [email protected]

Umsjón: Guðrún Gunnarsdóttir og Gunnar Hansson.

Ísleifur B. Þórhallsson tónleikahaldari er heldur betur búin að vera mikið í fjölmiðlum undanfarið en hann hélt utan um tvenna stórtónleika Laufeyjar um síðustu helgi fyrir hönd Senu. Ísi í Senu, eins og hann er oftast kallaður, hefur hefur ýmislegt reynt í tónleikahaldi hér á Íslandi undanfarna áratugi en hann byrjaði ungur að spá í kvikmyndir, tónlist og viðburðahald. Hann var föstudagsgestur í Mannlega þættinum í dag og við fórum með honum um víðan völl en þó tónleikar Laufeyjar í Kórnum hafi verið gríðarlega umfangsmiklir og í ótrúlega mörg horn að líta þá var hann alls ekki kominn í frí eins og við heyrðum í spjallinu.

Sigurlaug Margrét var veðurteppt í bústað við Meðalfellsvatn og við töluðum við hana um súpur til að hlýja okkur í veðrinu sem nú gengur yfir landið.

Tónlist í þættinum í dag:

Bíddu pabbi / Vilhjálmur Vilhjálmsson (Peter Callander, Geoff Stevens, texti Iðunn Steinsdóttir)

Ber / Amor Vincit Omnia (Baldur Skúlason og Erla Hlín)

Black / Pearl Jam

UMSJÓN: GUÐRÚN GUNNARSDÓTTIR OG GUNNAR HANSSON

Dánarfregnir.

Yfirlit hádegisfrétta kl. 12 virka daga.

Fólk úr ýmsum áttum flytur stuttar hugleiðingar sem tengjast sama umfjöllunarefni.

Cerise Fontaine ritstjóri og þýðandi talar um þolinmæði.

Íslenskt lag eða tónverk.

Útvarpsfréttir.

Þrír slösuðust, þar af einn alvarlega, þegar sprenging varð í kornturni Fóðurblöndunnar í Sundahöfn í Reykjavík í morgun. Sprengingin var það öflug að stór hlut turnsins þeyttist burt. Áfallamiðstöð var komið upp í nágrenninu.

Mette Marit, krónprinsessa Noregs, segir Jeffrey Epstein hafa vafið sér um fingur. Hún sjái mikið eftir að hafa dvalið í húsi hans á Florida, einkum vegna þeirra sem hann braut á.

Öllu flugi um Keflavíkurflugvöll og Reykjavíkurflugvöll í dag hefur verið aflýst. Gul viðvörun er í gildi um landið vestan og sunnanvert og lítið ferðaveður.

Umboðsmaður barna hefur verulegar áhyggjur af því að börnum, sem sækja um alþjóðlega vernd, standi ekki leikskóli, frístund eða tómstundir til boða. Þótt það samræmist útlendingalögum gangi það gegn Barnasáttmálanum.

Fyrstu íbúðarhúsin byggð alfarið úr íslensku timbri rísa brátt í Fljótsdal. Stórir og sterkir bolir sem fengust þegar skógur var felldur í Öskjuhlíð í Reykjavík verða nýttir í burðarvirki húsanna

Íslenska karlalandsliðið í handbolta spilar í Magdeburg Þýskalandi í riðlakeppni HM í janúar. Liðið tapaði fyrir Svíum í æfingaleik í gærkvöld.

Daglegur þáttur um stór og lítil fréttamál í umsjón Inga Freys Vilhjámssonar og Ingvars Þórs Björnssonar.

Kona sem dvaldi á fósturheimili í Garðinum á Reykanesi segir að það hafi verið eins og fangelsi að búa þar. Hún bjó á heimilinu á árunum 2017 og 2019. Heimilið hét Gauksstaðir og er ekki lengur starfandi.

Konan ber vistinni á heimilinu samt frekar vel söguna almennt séð en segir aðra stúlku hafa átt erfiðari stundir þar.

Ekki fást skýr svör frá Barna- og fjölskyldustofu, arftaka Barnaverndarstofu, af hverju hætt var að vista börn á heimilinu. Annar af forsvarsmönnum heimilisins vill ekki veita viðtal.

Fósturheimili á Íslandi hafa mikið verið til umræðu eftir að fréttaskýringaþátturinn Kveikur sagði frá Bakkakotsmálinu svokallaða í byrjun febrúar. Ríkisstjórnin mun leggja fram frumvarp um rannsóknarnefnd sem mun rannsaka Bakkakotsmálið en ákveða þarf hversu víðfem sú rannsókn á að vera og hvort hún eigi einnig að taka til annarra fósturheimila.

Rætt er við stúlku sem bjó á fósturheimilinu í Garðinum og Pál Þórhallsson, lögfræðing í forsætisráðuneytinu. Þá eru birt svör frá Heru Ósk Einarsdóttur hjá velferðarsviði Reykjanesbæjar og Ásdísi Sigríði Ágústsdóttur hjá Barna- og fjölskyldustofu.

Umsjón: Ingi Freyr Vilhjálmsson

Pétur Magnússon hittir fólk þar sem það er statt.

Í þættinum verjum við tíma með dragdrottningunum Lolu von Heart og Chardonnay Bublée á meðan þær undirbúa dragsýninguna House of Heart á skemmtistaðnum Kiki, fræðumst um þetta áhugaverða listform og kynnumst dragsenunni í Reykjavík.

Veraldarvefur tónlistarinnar. Lagasyrpur héðan og þaðan úr víðri veröld.

Betti - Daram Ashegh Misham Ashegh.

Marjan - Gomshodeh.

Deyhim, Sussan - Navai.

Aslani, Faramarz - Age Yeh Rooz.

Littles, The Hljómsveit - Fatemah Sultan.

Dolat-Shahi, Dariush - Sama'.

Tomo, Toko, Bachelors, The - Zulu boy Kwela.

Mikhize, Phineas - Isonto lezayoni.

Sangare, Oumou - Sabu = The source.

Chiweshe, Stella - Sarura wako.

D'Gary, Jihé - Moramora.

Alkibar, Burwell, Simon, Bocoum, Afel - Makelekele.

Við heyrum aftur sögurnar sem sagðar voru í þáttaröðinni Sögum af landi, sem var á dagskrá Rásar 1 frá árinu 2015-2023. Þar var flakkað um landið, rætt við fólk sem hafði sögur að segja, kynntir voru áhugaverðir staðir og fréttamál líðandi stundar skoðuð - oft með nýjum augum. Efni í þættina unnu frétta- og dagskrárgerðarfólk RÚV um allt land.

Umsjón: Gígja Hólmgeirsdóttir

Þáttur frá 19. febrúar 2017: Við förum við á rúntinn og tölum við fólk um rall og akstur. Systkinin Ásta og Daníel Sigurðarbörn segja frá ást sinni á hestöflum og hraða. Hallgrímur Ólafsson rifjar upp rúntinn á Akranesi og við pöntum bíl frá Bifreiðastöð Oddeyrar á Akureyri. Það er Gylfi Ásmundsson sem segir okkur frá þrjátíu ára starfsferli sem leigubílsstjóri.

Dagskrárgerð: Dagur Gunnarsson, Halla Ólafsdóttir og Ágúst Ólafsson.

Umsjón með endurliti: Gígja Hólmgeirsdóttir

Útvarpsfréttir.

Vínil plata úr safninu dregin fram og spiluð í heild.

Rætt um menningarvikuna sem er að líða og það sem er efst á baugi og framundan um helgina.

Gestir Önnu Maríu Björnsdóttur í Endastöðinni eru að þessu sinni Jakob Frímann Magnússon tónlistarmaður, Bergur Þórisson tónskáld og upptökustjóri og Gissur Páll Gissurason tenórsöngvari. Rætt var um nýliðna stórtónleika með Laufeyju í Kórnum og sjónvarpsþættina Hildi.

Fréttir

Fréttir

Karlmaður á fertugsaldri lést í vinnuslysi í Korngörðum í Reykjavík í morgun þegar sprenging varð í atvinnuhúsnæði Fóðurblöndunnar. Líkast til varð svokölluð ryksprenging þegar unnið var að viðhaldi

Lögreglan telur að bíl hafi verið beitt sem vopni í alvarlegri líkamsárás í bílakjallara undir Höfðatorgi aðfaranótt þriðjudags. Áttundi maðurinn hefur verið handtekinn.

Nýr erkiklerkur í Íran, segist hafa greitt óvinunum svimandi högg og að Íran sé að sigra þá. Á sama tíma segir forseti Bandaríkjanna að enginn leiðtogi sé eftir til að ræða við.

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Ný lagaáform umhverfis-og orkuráðherra þýða að framkvæmdir við flutnings- og dreifimannvirki raforku gætu hafist samhliða samningaviðræðum um eignarnámsferli. Þar með styttist heildarframkvæmdatími um marga mánuði og jafnvel ár, fjármagnskostnaður lækki, áætlanir verði áreiðanlegri og áhætta vegna verðbreytinga minnki.

Stjórnvöld um veröld víða þurfa að vera duglegri að brýna fólk og fyrirtæki til orkusparnaðar, þar sem heimurinn standi frammi fyrir „alvarlegustu, hnattrænu orkuöryggisógn sögunnar.“ Þetta hefur BBC eftir Faith Birol, forstöðumanni Alþjóðaorkustofnunarinnar í París, sem vísar til yfirstandandi stríðs Bandaríkjanna og Ísraels á hendur Íran og þeirrar röskunar á framleiðslu og flutningum á jarðefnaeldsneyti sem það hefur þegar valdið og ekki sér fyrir endann á.

Tuttugu mínútna viðtal við Mette-Marit, krónprinsessu Noregs, birtist í norska ríkisútvarpinu, NRK í morgun. Viðtalsins hafði verið beðið með þó nokkurri eftirvæntingu, allt frá því að Epstein-skjölin birtust fyrir sjö vikum.

Brot úr Morgunvaktinni.

frá Veðurstofu Íslands

Dánarfregnir.

Dægurflugur og söngvar frá ýmsum tímum.

Umsjón: Jónatan Garðarsson.

Leikin eru lög sem voru samin við ljóð íslenskra skálda. Fyrst eru þrjú lög við ljóð eftir Heiðrek Guðmunddson. Björgvin Halldórsson flytur lag Heimis Sindrasonar við ljóðið Ég sagði við þig, Guðrún Gunnarsdóttir og Ari Jónsson flytja lag Heimis við ljóðið Heilræði ömmu og Berglind Björk Jónasdóttir flytur lag Ingva Þórs Kormákssonar við ljóðið Tvíburabræður. Næst eru þrjú lög Ingva Þórs Kormákssonar við ljóð þriggja skálda. Guðrún Gunnarsdóttir syngur Þegar þið eruð nálægt og Kondu, fyrra ljóðið er eftir Hannes Pétursson en seinna ljóðið eftir Steinunni Sigurðardóttur. Jóhanna Vigdís Arnardóttir flytur Bjartsýni við ljóð Ólafs Hauks Símonarsonar. Elíza Newman flytur þrjú lög sem hún samdi fyrir plötuna Heimþrá, en það eru lögin Þú veizt við ljóð eftir Ólöfu frá Hlöðum, Heimþrá við ljóð eftir Jóhann Sigurjónsson og Vetrarmávur við ljóð eftir Jón úr Vör. Ragnheiður Gröndal syngur Veglaust haf, lag sem Tómas R. Einarsson samdi við fimm erindi ljóðabálks Steins Steinarrs Tíminn og vatnið. Síðasta lagið er Flugvélar sem Halldór Gunnarsson samdi við ljóð Hannesar Péturssonar. Þokkabót flytur lagið. Umsjón: Jónatan Garðarsson.

Samantekt hvers þema (fimm þátta) úr örþáttaröðinni.

Upprifjun úr Uppástandi frá því í júlí 2022. Sigtýr Ægir Kára, Mars M. Proppé, Nóam Óli Stefánsson og Hanna María Karlsdóttir flytja eigin pistla út frá hugtakinu Hinsegin.

Pétur Magnússon hittir fólk þar sem það er statt.

Í þættinum verjum við tíma með dragdrottningunum Lolu von Heart og Chardonnay Bublée á meðan þær undirbúa dragsýninguna House of Heart á skemmtistaðnum Kiki, fræðumst um þetta áhugaverða listform og kynnumst dragsenunni í Reykjavík.

Skáldsaga Halldórs Laxness um hinn 18 ára gamla Stein Elliða kom út árið 1927 þegar Halldór var sjálfur 25 ára gamall.

Þessi saga um leit ungs manns að eigin lífsskoðunum þótti marka tímamót í íslenskri bókmenntasögu.

Valdimar Örn Flygenring las söguna fyrir útvarpið árið 1991.

Í 5., 6. og 34. lestri les Bára Lyngdal Magnúsdóttir ásamt Valdimar Erni og í 7. og 8. lestri les Guðrún S. Gísladóttir ásamt Valdimar.

frá Veðurstofu Íslands

Svanhildur Óskarsdóttir les sálmana í hljóðritun frá árinu 1998.

Árið 1944 var tekinn upp sá siður hjá Ríkisútvarpinu að lesa alla Passíusálma Hallgríms Péturssonar á föstunni.

Rætt um menningarvikuna sem er að líða og það sem er efst á baugi og framundan um helgina.

Gestir Önnu Maríu Björnsdóttur í Endastöðinni eru að þessu sinni Jakob Frímann Magnússon tónlistarmaður, Bergur Þórisson tónskáld og upptökustjóri og Gissur Páll Gissurason tenórsöngvari. Rætt var um nýliðna stórtónleika með Laufeyju í Kórnum og sjónvarpsþættina Hildi.