Bæn og hugleiðing að morgni dags.

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Hækkandi olíuverð hefur mikil áhrif hér á Íslandi eins og víða annars staðar. Og áhrifin eru víðtæk. Við erum háð olíu þó að markmið stjórnvalda sé að breyta því. Við spyrjum hvernig þau áform standa - já hvernig ganga orkuskipti? Sigurður Ingi Friðleifsson, sviðsstjóri hjá Umhverfis- og Orkustofnun var til svara.

Arthur Björgvin Bollason sagði okkur meðal annars frá ferðalagi sínu til Hamborgar, þar sem fór á tónleika Sinfóníuhljómsveitar Íslands í síðustu viku. Þá ræddi hann um nýja vísindauppgötvun og um stjórnmálin í Þýskalandi.

Við spjölluðum líka um ferðaþjónustu; um ganginn hjá Ólöfu Ýri Atladóttur sem rekur Sóta; ferðaskrifstofu á Siglufirði og hótel í Fljótunum.

Tónlist:

Sigrún Jónsdóttir, Alfreð Clausen - Lukta-Gvendur.

Tríó Árna Ísleifs, Gerður Benediktsdóttir - Æ, ó, aumingja ég.

Svavar Lárusson - Ég vild ég væri.

Anna Gréta Sigurðardóttir - Carry me across the sky.

Jón Sigurðsson, Ragnar Bjarnason - Úti í Hamborg.

Creedence Clearwater Revival - Down on the corner.

07:30

Útvarpsfréttir.

08:30

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Morgunleikfimi með Halldóru Björnsdóttur.

Veðurstofa Íslands.

Umsjón: Kristján Kristjánsson.

Dánarfregnir.

Yfirlit hádegisfrétta kl. 12 virka daga.

Fólk úr ýmsum áttum flytur stuttar hugleiðingar sem tengjast sama umfjöllunarefni.

Umsjón hefur Karl Friðriksson, forstöðumaður Nýsköpunarmiðstöðvar Íslands og forsvarsmaður Framtíðarseturs Íslands.

Íslenskt lag eða tónverk.

Útvarpsfréttir.

Hjartalæknir hefur verið ákærður fyrir manndráp. Málið var til rannsóknar í fimm ár og laut að sjúklingum á Heilbrigðisstofnun Suðurnesja.

Forsvarsmenn Samtaka atvinnulífsins og Samtaka iðnaðarins hafa báðir hvatt til nýrrar þjóðarsáttar. Forseti ASÍ tekur undir þetta og segir þörf á breiðri samfylkingu til að ná niður vöxtum, verðbólgu og atvinnuleysi.

Forseti Alþingis heimsótti Bucha í útjaðri Kyiv í morgun til að minnast þess að fjögur ár eru liðin síðan grimmdarverk Rússa í borginni urðu heimsbyggðinni ljós.

Talið er að tugir barna séu ógreind með heyrnarskerðingu hér á landi. Börnum í eftirliti vegna heyrnarskerðingar hefur fækkað talsvert síðan skólaskimun á heyrn var lögð af.

Ísraelska þingið hefur samþykkt að taka upp dauðarefsingar fyrir hryðjuverkamenn sem drepa ísraelska borgara. Nýju lögin gilda þó aðeins um Palestínumenn.

Íslenskir auglýsendur hafa aldrei varið hærra hlutfalli útgjalda til erlendra miðla. Formaður Sambands íslenskra auglýsingastofa segir að þegar auglýsingafé flytjist úr landi tapist störf.

Úrslitakeppnirnar í handbolta og körfubolta eru farnar á fullt. Í gærkvöld komust FH-ingar í undanúrslit í úrslitakeppni karla í handbolta.

Daglegur þáttur um stór og lítil fréttamál í umsjón Inga Freys Vilhjámssonar og Ingvars Þórs Björnssonar.

Í þætti dagsins erum sjónum beint að því hvað aðrir seðlabankar eru að gera hvað varðar stýrivexti. Rætt er við Eirík Ragnarsson, hagfræðing í Þýskalandi, og Sigríði Benediktsdóttur, hagfræðing við Columbia háskóla í Bandaríkjunum.

Umsjón: Ingvar Þór Björnsson

Kerfið er safnvarp margra ólíkra þáttaraða sem eiga það sameiginlegt að taka á mismunandi málefnum innan kerfisins hverju sinni.

Umsjón: Guðrún Hálfdánardóttir

Íslenska skólakerfið er bóknámsmiðað og lítil áhersla á verk- og starfsnám í grunnskóla. Þetta er meðal annars að hafa áhrif á áhuga ungmenna á slíku námi. En á síðustu árum hefur áhugi á starfsnámi aukist sem þýðir að fáir 18 ára og eldri komast inn í vinsælustu greinarnar. Viðmælendur í þættinum eru: Elsa Eiríksdóttir, Guðríður Hrund Helgadóttir, Haraldur Sæmundsson, Soffía Sveinsdóttir, Sigursveinn Sigurðsson og Stella Blöndal. Jafnframt er rætt við nemendur Matvælaskólans og gesti á opnu húsi í MK. Tæknimaður er Lydía Grétarsdóttir.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Umsjónarmaður spjallar um hvaðeina milli himins og jarðar, oft af sögulegu tagi, les forvitnilega texta úr ýmsum áttum, bæði íslenska og erlenda, og reynir af öllum mætti að hafa ofan af fyrir hlustendum þá klukkustund sem þátturinn stendur. Umsjón: Illugi Jökulsson.

Kropotkin fursti skrifaði rómaða sjálfsævisögu sem áður hefur verið gluggað í í Frjálsum höndum. Nú er hann kominn á táningsár og farinn að komast í kynni við hirðlífið í hinu feyskna ríki Romanov-keisaraættarinnar. Þrælahaldið heldur áfram að varpa skugga yfir þjóðlífið allt.

Útvarpsfréttir.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Melkorka Ólafsdóttir.

Popp og pólitík

Umsjón: Kristján Guðjónsson og Lóa Björk Björnsdóttir.

Fréttir

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Nokkur vel valin lög

frá Veðurstofu Íslands

Dánarfregnir.

Tónleikur er þáttur um tónlistarstefnur og tónlistarfræði, tónlistarmenn, tónskáld og tónlistarflytjendur.

Umsjón: Ingibjörg Eyþórsdóttir

Áður á dagskrá veturinn 2008-2009

Haldið verður áfram að segja frá kanadíska píanóleikaranum Glenn Gould í þættinum í dag, og leikin tónlist eftir Gibbon, Beethoven og Alban Berg. Útvarpsmaðurinn Glenn Gould verður líka kynntur til sögunnar og flutt brot úr tveimur útvarpsþáttum hans, en hann var að öllum líkindum upphafsmaður svokallaðra fléttuþáttanna.

Tónlistarhljóðrit frá ýmsum tímum úr safni útvarpsins

Kerfið er safnvarp margra ólíkra þáttaraða sem eiga það sameiginlegt að taka á mismunandi málefnum innan kerfisins hverju sinni.

Umsjón: Guðrún Hálfdánardóttir

Íslenska skólakerfið er bóknámsmiðað og lítil áhersla á verk- og starfsnám í grunnskóla. Þetta er meðal annars að hafa áhrif á áhuga ungmenna á slíku námi. En á síðustu árum hefur áhugi á starfsnámi aukist sem þýðir að fáir 18 ára og eldri komast inn í vinsælustu greinarnar. Viðmælendur í þættinum eru: Elsa Eiríksdóttir, Guðríður Hrund Helgadóttir, Haraldur Sæmundsson, Soffía Sveinsdóttir, Sigursveinn Sigurðsson og Stella Blöndal. Jafnframt er rætt við nemendur Matvælaskólans og gesti á opnu húsi í MK. Tæknimaður er Lydía Grétarsdóttir.

Skáldsaga Halldórs Laxness um hinn 18 ára gamla Stein Elliða kom út árið 1927 þegar Halldór var sjálfur 25 ára gamall.

Þessi saga um leit ungs manns að eigin lífsskoðunum þótti marka tímamót í íslenskri bókmenntasögu.

Valdimar Örn Flygenring las söguna fyrir útvarpið árið 1991.

Í 5., 6. og 34. lestri les Bára Lyngdal Magnúsdóttir ásamt Valdimar Erni og í 7. og 8. lestri les Guðrún S. Gísladóttir ásamt Valdimar.

frá Veðurstofu Íslands

Svanhildur Óskarsdóttir les sálmana í hljóðritun frá árinu 1998.

Árið 1944 var tekinn upp sá siður hjá Ríkisútvarpinu að lesa alla Passíusálma Hallgríms Péturssonar á föstunni.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: [email protected]

Umsjón: Guðrún Gunnarsdóttir og Gunnar Hansson.

Við töluðum um matvendni í Mannlega þættinum - aðallega matvendni hjá börnum, orsakir hennar og hvað er til ráða. Anna Sigríður Ólafsdóttir prófessor í næringarfræði hefur undanafarið rannsakað þetta ásamt hópi vísindamanna í rannsókn þar sem áhersla er lögð á fæðuval, matvendni og líðan, bæði hjá börnum og foreldrum. Og stór hluti af þessari rannsókn er það sem er kallað ‘bragðlaukaþjálfun’ - hvernig fer hún fram? Anna Sigríður sagði okkur meira um þetta.

Evrópuferð Sinfóníuhljómsveitar Íslands lauk síðasta fimmtudag á glæsilegum tónleikum í hinu virta tónlistarhúsi Elbphilharmonie í Hamborg. Uppselt var á tónleikana, stemningin frábær og áhorfendur risu úr sætum og fögnuðu sveitinni. Framundan eru tvennir tónleikar með tónlist úr kvikmyndinni ET og svo tónleikar með Barböru Hannigan verðandi aðalstjórnandi hljómsveitarinnar ,Sköpun heimsins, þar sem Barbara fer með tónleikagesti í ferðalag um tíma og rúm með efnisskrá sem spannar rúm 200 ár tónlistarsögunnar. Guðni Tómasson er framkvæmdastjóri sveitarinnar og hann kom til okkar á eftir.

Einar Sveinbjörnsson veðurfræðingur talaði um veðurseiglu eða hæfileikann til að takast á við íslenskt vetrarveður í daglegu lífi. Að vetrinum er lágur meðalloftþrýstingur vísir fyrir sviptinga- og stormasamt veður. Nú í mars hefur loftþrýstingur verið lágur að meðaltali en sosum ekkert einsdæmi. Svo var það veðurspáin næstu daga og yfir páska og hugtakið páskahret á ekki við núna, við spyrjum: Af hverju?

Tónlist frá útsendingarlogg 2026-03-31

CLUB DES BELUGAS - A men's scene Kynningarlag Mannlega þáttarins.

Árný Margrét - Hakk og spaghettí.

THE HOUSEMARTINS - Caravan of Love (80).

Björgvin Halldórsson, Kór Öldutúnsskóla - Ég á lítinn skrítinn skugga.

JAMES TAYLOR - Don't Let Me Be Lonely Tonight.

CLUB DES BELUGAS - A men's scene Kynningarlag Mannlega þáttarins.

MANNLEGI ÞÁTTURINN ÞRIÐJUDAGUR 31.MARS 2026

UMSJÓN: GUÐRÚN GUNNARSDÓTTIR OG GUÐMUNDUR PÁLSSON

Popp og pólitík

Umsjón: Kristján Guðjónsson og Lóa Björk Björnsdóttir.