Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.
Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.
Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.
Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.
Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.
Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.
Í dag var tilkynnt um að nýtt fangelsi verði byggt í stað Litla-Hrauns og fái auk þess nýtt nafn. Á blaðamannafundi í morgun kom fram hjá fangelsismálastjóra að löngu tímabært væri að loka ?ömurlegri? aðstöðu á Litla-Hrauni. Myndlistamaðurinn Tolli Morthens hefur um langa hríð barist fyrir málefnum fanga og m.a. leitt uppbyggingarstarf á meðal fanga á Íslandi.
Hann kom til okkar í þáttinn þegar batahús var opnað og við ætlum að ræða við Tolla í dag um það hvernig gengur í batahúsi, heyra af bataakademíunni og ræða við hann um þau tíðindi að Hraunið sé að líða undir lok í sinni upprunalegu mynd.
Veitingahúsið Gullhamrar er löngu orðið eitt vinsælasta hús landsins þegar kemur að árshátíðum, brúðkaupum, stórafmælum og jólahlaðborðum. En í dag voru Gullhamrar í fyrsta sinn notað sem dómshús. Gripið var til þess ráðs vegna umfangs Bankastrætis Club málsins svokallaða, þar eru sakborningarnir 25 talsins. Anna Lilja Þórisdóttir fréttakona var í Gullhömrum fyrr í dag, hún er væntanleg til okkar.
Sigríður Sigurðardóttir er sannkölluð ofurkona en fyrir nokkrum dögum kláraði hún sinn fjórða heila IRONMAN í Cervia á Italíu. Þar þurfti hún að synda 3,8 km í sjó, hjóla 180 km í hressilegum hliðarvindi og hlaupa síðan maraþon 42,2 km. En hvað rekur Sigríði eða Siggu eins og hún er kjarnan kölluð út í slík ævintýri við fáum að vita allt um það í þættinum í dag.
Hrist hefur verið rækilega upp í sjónvarpsþættinum Silfrinu sem frá og með kvöldinu í kvöld verður einnig útvarpsþáttur. Silfrið verður nefnilega sent út í beinni á RÚV og Rás 2 og það klukkan 22:15 á mánudagskvöldum. Silfrið hefur einnig fengið að hluta til nýja umsjónarmenn, en þau eru Sigríður Hagalín Björnsdóttir, Valgeir Örn Ragnarsson og Bergsteinn Sigurðsson. Bergsteinn segir okkur nánar frá breytingum á Silfrinu á eftir.
Rannsóknasetur verslunarinnar hefur sett í loftið mælaborð þar sem stjórnendur fyrirtækja geta fylgst með straumum og stefnum í verslun og þjónustu. Lausnin ber nafnið Veltan, en mælaborðið fylgist með kortaveltu Íslendinga og einnig er fylgst með þróun ferðamanna hér á landi, í hvað þeir eyða, hvaða þjóðir eyða mest og þá er fylgst náið með netverslun hérna heima og hversu miklu við eyðum í netverslun erlendis. Magnús Sigurbjörnsson er forstöðumaður Rannsóknaseturs verlsunarinnar hann kemur til okkar og segir okkur betur frá.
Þrjár fyrstu skóflustungurnar voru teknar í morgun í Móahverfi, vestan Borgarbrautar nyrst á Akureyri. Einn þeirra sem munduðu skófluna var Heimir Örn Árnason, formaður bæjarráðs.
