Bæn og hugleiðing að morgni dags.

Vínil plata úr safninu dregin fram og spiluð í heild.

Þessi hljómplata kom út árið 1966 og var fyrsta íslenska platan sem tekin var upp í sal að viðstöddum áheyrendum.

Útvarpsfréttir.

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Þátturinn var fyrst á dagskrá 12. apríl 2014.

Umsjón: Einar Már Guðmundsson

Einar Már Guðmundsson leikur tónlist að eigin vali.

Umsjón: Kristján Kristjánsson.

frá Veðurstofu Íslands.

Einu sinni þótti fallegt að vera feit. Síðastliðna áratugi hefur feitt fólk mætt fordómum, sýnileg líkamsfita þótt útlitsgalli og mælikvarði á skapgerð, sjálfsaga, æskileika og færni. Persónulegt vandamál einstaklinga sem þeir hafi valið með því að velja óheilsusamlegt líferni og ættu að vilja leysa. Milljónaiðnaður hefur haldið fólki í baráttu við líkamann sinn með ýmsum lausnum sem oftar en ekki skilja fólk eftir enn feitara en fyrr. Fjöldi feitra lifir þó heilbrigðu og hamingjusömu lífi, óháð holdafari sínu.

Offita er nú skilgreind sem alvarlegur og víðfemur sjúkdómur. Við þeim sjúkdómi hafa nýlega komið fram læknisfræðilegar lausnir svo sem þyngdarstjórnunarlyf og efnaskiptaaðgerðir.

Ber þá feitu fólki þá skylda til að fara á lyf eða í aðgerð fyrst það er hægt? Hvaða áhrif hafa þessar lausnir á fitufordóma og átröskunarsjúkdóma? Eru þær líklegar til að draga úr offituvandanum eða auka hann? Og hvaða afleiðingar hafa þessar lausnir til langframa? Er alltaf betra að vera mjó?

Brynhildur Björnsdóttir er 56 ára kona sem hefur verið feit alla ævi. Hún veltir þessum spurningum fyrir sér í þremur útvarpsþáttum ásamt ýmsum sérfræðingum og fólki með reynslu af því að grennast með hjálp lyfja og aðgerða.

Brynhildur tekur stöðuna á nútíma holdafarsumræðu og segir sögu sína í nokkrum megrunarkúrum. Í framhaldi af því veltir hún fyrir sér hvort hún eigi að nýta sér þær aðferðir sem læknavísindin bjóða upp á í baráttunni við ofþyngd og leitar ráða hjá konu með reynslu.

Rætt er við Ragnheiði Bjarman Eiríksdóttur og lesari í þættinum er Helgi Seljan.

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir Vikulokanna eru Nanna Margrét Gunnlaugsdóttir þingmaður Miðflokksins, Sigmundur Ernir Rúnarsson þingmaður Samfylkingarinnar og Diljá Mist Einarsdóttir þingmaður Sjálfstæðisflokks. Þau ræddu meðal annars bæjar- og sveitarstjórnarkosningar, meirihlutaviðræður í Reykjavík, efnahagsmál og boðaða þjóðaratkvæðagreiðslu um aðildaviðræður við Evrópusambandið.

Umsjón: Höskuldur Kári Schram

Tæknimaður: Úlfhildur Eysteinsdóttir

Tónlist héðan og þaðan

Íslenskt lag eða tónverk.

Útvarpsfréttir.

Þingmaður Samfylkingarinnar segir nýja skýrslu Hagfræðistofnunar Háskóla Íslands varpa ljósi á mjög háar fjárhæðir sem útgerðin hafi fjárfest í íslensku atvinnulífi. Framkvæmdastjóri Samtaka fyrirtækja í sjávarútvegi segir þær óverulegar.

Mikill viðbúnaður er í suðurhluta Kaliforníu í Bandaríkjunum vegna hættu á eiturefnaleka úr tanki. Óttast er að hann geti sprungið og hefur fjörutíu þúsund manns verið gert að yfirgefa heimili sín.

Oddviti Sjálfstæðismanna í borginni liggur undir feldi og metur stöðuna eftir einkafundi með þremur oddvitum í gær. Dregið gæti til tíðinda í dag.

Veitur ætla að bæta eftirlit við framkvæmdir í Skammadal í Mosfellsbæ vegna litarmengunar þaðan sem sett hefur mark sitt á ána síðustu daga. Veitur stefna að því að bora tuttugu og níu holur á komandi árum, þar af fimmtán í ár.

Úrslitaleikur Meistaradeildar kvenna í fótbolta er í dag. Sigursælasta lið keppninnar, Lyon, mætir þar stórliði Barcelona sem er að leika til úrslita sjötta árið í röð.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Gunnar Gunnsteinsson lék með ýmsum hljómsveitum áður en hann hélt til Hollands að læra tónsmíðar. Hann hefur samið ýmis verk sem brjótast út úr hefðbundum tónistarformum, eins og verk samið fyrir vínilplötu, annað sem sjálfshjálparhlaðvarp, enn annað sem poppplata, pípuorgelverk sem notar pípulagnir og má telja.

Lagalisti:

Club Colombophile du Cæur - Main Theme

Langi-Pési - LP (A)

The Musicosmology Études, Étude Nr. 1 - Introduction, Patterns, Footsteps

Pípuorgelkonsert - Presto (kynding)

A Janitor's Manifesto - Air conditioner II - Organist rehearsing

A Janitor's Manifesto - A Letter to ABBA

Arrival - Finale

Í þáttunum er ferill Michael Jackson rakin í tali og tónum. Barnastjarna, skemmtikraftur, poppstjarna af áður óþekktri stærð, frík og fyrirbæri; Bakgrunnur hans og helstu áhrifavaldar verða til umfjöllunar og leitast verður við að setja fjölbreytilegan feril hans í menningarsögulegt samhengi.

Umsjón: Berglind María Tómasdóttir

Thriller kom út árið 1982 og heldur enn velli sem mest selda plata allra tíma. Í þættinum verður farið í saumana á þessu meistaraverki og tilurð hennar.

Þátturinn var fyrst á dagskrá 20. júní 2015.

Útvarpsfréttir.

Þáttur um dönsku skáldkonuna Karen Blixen.

Umsjón: Kjeld Jörgensen.

Lesarar: Pétur Gunnarsson, Lilja Þórisdóttir og Kristján Franklín Magnús.

(Áður á dagskrá 1989)

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Pétur Grétarsson ræðir við Kristjönu Stefánsdóttur söngkonu, tónsmið og dansara um lífið og listina. Frá klassíkinni yfir í djassinn, trúðinn og leikhúsið.

Tónlistin í þættinum:

Faðmlag - Kristjana og Svavar Knútur

Bye Bye Blackbird - Kristjana og skólafélagar frá Hollandi

Secret Place - Bamabló

Tvö lög úr Bláa hnettinum í útsetningu Eiríks Arnar Stefánssonar í flutningi barnakórs og Stórsveitar Reykjavíkur.

Fréttir

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

frá Veðurstofu Íslands

Dánarfregnir.

Sveiflutónlist og söngdansar að hætti hússins.

Tríó Brad Mehldau leikur lögin Martha My Dear, She's Leaving Home, Alfie, Granada, Fifty Ways To Leave Your Lover og Day Is Done. ASA tríóið leikur lögin Straight No Chaser, Bemsha Swing, Boo Boo's Birthday, San Fransisco Holiday, Criss Cross og Raise Four. Jason Moran tríóið leikur lögin Crepuscule, Big Stuff, Play To Live, To Bob Vatel of Paris og Gangsterism Over 10 Years.

Þáttur um íslensku og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir

Guðni Kolbeinsson sagði „læks“ í stað hins hefðbundna „lækjar“ í eignarfalli orðsins lækur, í útvarpsþættinum Daglegu máli árið 1980. Sá þáttur hefur ekki varðveist en við heyrum annan þátt í umsjón Guðna þar sem lækur kemur óbeint við sögu; og rifjum upp hvað var skrifað um Guðna-málið svokallaða á síðum blaðanna.

Í Sagnaslóð er leitað fanga úr fortíðinni. Frásagnir úr sögu þjóðarinnar.

Umsjón: Birgir Sveinbjörnsson og Jón Ormar Ormsson.

Umsjón: Birgir Sveinbjörnsson

Í þættinum er fjallað um Sigurð Jónsson frá Arnarvatni í Mývatnssveit en hann orti meðal annars ljóðið ,,Blessuð sértu sveitin mín".

Viðtal við Málmfríði Sigurðardóttur Skálateigi 1 Akureyri en hún er eitt barna Sigurðar af síðara hjónabandi. 15 mín.

Lesið úr minningargrein Jóns Sigurðssonar frá Ystafelli um Sigurð Jónsson. Samvinnan 1949. 3 mín.

Þátturinn var frumfluttur 16. október 2009

Tónlist:

Blessuð sértu sveitin mín, ljóð Sigurður Jónsson, lag séra Bjarni Þorsteinsson, flutningur Kór Langholtskirkju, stjórn Jón Stefánsson, undirleikur kammersveit. Diskur 08775 Ísland er lýðveldi.

Yndislega ættarjörð, ljóð Sigurður Jónsson, lag Bjarni Þorsteinsson flutningur

Karlakórinn Glaður, Fjarðarbyggð, upptaka frá tónleikum til heiðurs Rögnvaldi Sigurjónssyni 2008.

frá Veðurstofu Íslands

Leikin er gamaldags tónlist frá öldinni sem leið: dægurlög, harmóníkutónlist, djass og danslög. Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum. Umsjónarmaður þáttarins er Lana Kolbrún Eddudóttir.

Danslagakeppnin á Hótel Íslandi 1939.

Umsjón: Lana Kolbrún Eddudóttir.

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir Vikulokanna eru Nanna Margrét Gunnlaugsdóttir þingmaður Miðflokksins, Sigmundur Ernir Rúnarsson þingmaður Samfylkingarinnar og Diljá Mist Einarsdóttir þingmaður Sjálfstæðisflokks. Þau ræddu meðal annars bæjar- og sveitarstjórnarkosningar, meirihlutaviðræður í Reykjavík, efnahagsmál og boðaða þjóðaratkvæðagreiðslu um aðildaviðræður við Evrópusambandið.

Umsjón: Höskuldur Kári Schram

Tæknimaður: Úlfhildur Eysteinsdóttir