Í þessari þáttaröð er fjallað um íslenskar revíur og revíusöngva allt frá 19. öld til 1960, en innan þessa tímabils urðu hér til vinsælar revíur svo sem „Fornar dyggðir", „Hver maður sinn skammt", „Nú er það svart, maður" og „Allt í lagi, lagsi", og margir söngvarnir úr þeim eru alþekktir: „Er Stebbi litli fæddist", „Það er nú flott, okkar lögreglulið", „Það er draumur að vera með dáta" og „Kalli á Hóli". Mikil áhersla verður lögð á tónlistina, en þó að margir revíusöngvar væru samdir við erlend lög sömdu íslensk tónskáld einnig revíulög. Til eru revíulög eftir Árna Thorsteinson, Þórarin Guðmundsson, Emil Thoroddsen, Oddgeir Kristjánsson, Bjarna Böðvarsson og Árna Björnsson, svo einhverjir séu nefndir, og hafa verið gerðar nýjar hljóðritanir af sumum þessara laga fyrir þáttaröðina, flestar með Erni Árnasyni og Soffíu Karlsdóttur, en Jónas Þórir leikur á píanó. Einnig verða fluttar gamlar hljóðritanir með revíustjörnum gulláranna, svo sem Alfreð Andréssyni, Haraldi Á. Sigurðssyni, Brynjólfi Jóhannessyni, Lárusi Ingólfssyni, Nínu Sveinsdóttur og Soffíu Karlsdóttur. Lesarar í þáttaröðinni eru Kjartan Guðjónsson, Helga Braga Jónsdóttir og Viðar Eggertsson, en umsjónarmaður Una Margrét Jónsdóttir.
- úr þáttaröð Unu Margrétar Jónsdóttur - Gullöld revíunnar (2008-2009)
Revían „Allt í lagi, lagsi“ sem frumsýnd var 1944, var ein vinsælasta revía seinna blómaskeiðsins, en í henni má m.a. finna söngvana „Jón og ég, við vorum eins og bræður“ og „Vísur Óla í Fitjakoti“. Einnig verður fjallað um Akranesrevíuna „Allt er fertugum fært“ eftir Theodór Einarsson, sem frumflutt var 1945 og talað við dóttur höfundarins Ragnhildi Theódórsdóttur, Sjöfn Jóhannesdóttur sem tók þátt í revíunni og Bjarnfríði Leósdóttur sem man eftir sýningunni.
Lestur: Viðar Eggertsson.
Leiklestur: Kjartan Guðjónsson og Helga Braga Jónsdóttir.
Viðar les brot úr viðtali Gylfa Gröndal við Harald Á. Sigurðsson úr bókinni Ógleymanlegir menn.
Einnig brot úr Austantórum eftir Jón Pálsson.
Helga les brot úr revíunni Allt í lagi, lagsi eftir Harald Á. Sigurðsson, Emil Thoroddsen og Indriða Waage og brot úr revíunni Allt er fertugum fært eftir Theodór Einarsson.
Kjartan les brot úr revíunni Allt í lagi, lagsi og Allt er fertugum fært.
Einnig er viðtal við Bjarnfríði Leósdóttur, Sjöfn Jóhannesdóttur og Ragnhildi Theodórsdóttur.
flytjendur:
CD-einka Solace (brot) Scott Joplin Alexander Peskanov, píanó. 0.28
CD-21072-3 Jón og ég Frederick Bowers/Haraldur Á. Sigurðsson, Skagakvartettinn syngur. Ólafur Gaukur, gítar, Íslenskir tónar/ 3.10
(úr revíunni Allt í lagi, Emil Thoroddsen og Indriði Waage. Alfreð Alfreðsson, trommur, Árni Scheving, bassi, Skífan
lagsi, og sama á við um hina Úts. Ólafur Gaukur. Grettir Björnsson, harmónika, Björn R. Einarsson,
söngvana) trombón, Vilhjálmur Guðjónsson, klarínett.
CD-einka Kirkjuvísur Al Dexter/Haraldur, Emil og Indriði Egill Ólafsson syngur, Árni Elfar, píanó, Spor 1.41
Grettir Björnsson, harmónika, Sigurður Rúnar Jónsson,
fiðla, Guðmundur R. Einarsson, trommur,
Helgi Kristjánsson, bassi.
DB-161 Manstu það, mær Consuelo Velazquez/Haraldur, Emil og Indriði Hermann Guðmundsson syngur. 1.48
LP-einka Vísur Óla í Fitjakoti Ýmis lög/Haraldur, Emil og Indriði Lárus Ingólfsson syngur. 3.25
Hljóðrit RÚV Mig langar að fara í George Formby/Haraldur, Emil og Indriði Guðrún Ásmundsdóttir leikkona raular lagið. 0.45
mömmuleik við þig
Afrit af Allt er í lagi, lagsi minn Irving Berlin/Haraldur, Emil og Indriði. Leikarar hjá Leikfélagi Reykjavíkur syngja, 1.29
M-954 Magnús Pétursson, píanó.
