Bæn og hugleiðing að morgni dags.

Útvarpsfréttir.

Vínil plata úr safninu dregin fram og spiluð í heild.

Fyrsta sólóplata þessa mikla bassasnillings var hljóðrituð 1975 nokkrum vikum áður en hann gekk til liðs við hljómsveitina Weather Report.

Umsjón: Pétur Grétarsson

Lagalisti:

1., "Donna Lee", Miles Davis

2., "Come On, Come Over (featuring Sam & Dave)", Pastorius, Bob Herzog

3., "Continuum"

4., "Kuru / Speak Like a Child", Pastorius, Herbie Hancock

5., "Portrait of Tracy"

6., "Opus Pocus"

7., "Okonkolé Y Trompa", Pastorius, Don Alias

8., "(Used to Be a) Cha-Cha"

9., "Forgotten Love"

Einnig hljóma í þættinum tvö lög af Black Market plötunni með Weather Report.

Cannon Ball eftir Joe Zawinul og Barbary Coast eftir Jaco Pastorius

Útvarpsfréttir.

Tónleikurinn áskilur sér rétt til að fara í allar áttir, ákveðin tónskáld verða tekin fyrir í sumum þáttum, í öðrum eltir þáttastjórnandi ákveðnar tilfinningar, liti eða kenndir. Aðrir tónlistarmenn en tónskáld verða líka til umfjöllunar, flytjendur teknir tali og spurðir spjörunum úr. Einnig verður farið í ferðalög útfrá nöfnum og verkum tónskálda sem eru á dagskrá hjá Sinfóníuhljómsveit Íslands eða á öðrum vettvangi þau skoðuð í víðu samhengi og leikin önnur verk eftir sömu tónskáld.

Umsjón: Ingibjörg Eyþórsdóttir

Haldið verður áfram að leika franska tónlist í Tónleiknum, og hér eru mjúklátir strengjatónar í forgrunni; við erum áfram stödd á mörkum 19. og 20. aldar, enda mikil gerjun í franskri tónlist á þeim tíma.

Í þættinum verða flutt tvö verk eftir Ernest Chausson og tvö eftir Gabriel Fauré og að síðustu er ein sónata eftir Claude Debussy.

Erest Chausson er fyrsta tónskáld þáttarins, og flutt verður eitt hans þekktasta verk; Poéme fyrir fiðlu og hljómsveit, þar sem flytjendur eru Isabelle Faust og Þýska sinfóníuhljómsveitin í Berlín, undir stjórn Marko Letonja. Síðara verkið eftir Causson, er Péce op. 39, fyrir selló og píanó, flytjendur þess eru Truls Mørk sem leikur á selló og Hakon Austbö á píanó.

Eftir Gabriel Fauré verða flutt tvö lítil stykki fyrir selló og píanó, hin þekkta Sicilienne, og Serenaða. Síðasta verk þáttarins er svo sónata fyrir selló og píanó eftir Claude Debussy, sem var eitt af síðustu verkunum sem hann lauk við.

Útvarpsfréttir.

Umsjón: Kristján Kristjánsson.

Útvarpsfréttir.

frá Veðurstofu Íslands.

Hvernig rataði Hafmeyja Nínu Sæmundsson í Tjörnina í Reykjavík? Og hvað varð til þess að hún var sprengd í loft upp? Var glæpurinn fagurfræðilegur eða pólitískur? Var þetta hatursglæpur eða hrein skemmdarfýsn? Og hvernig tengjast módernistar, þjóðernissinnar, Hollywood og heitar ástir ráðgátunni? Í þessari sex þátta seríu kafar Halla Harðardóttir í best geymda leyndarmál íslenskrar listasögu, skoðar söguna í nýju ljósi og miðlar spennandi tilgátum.

Í þessum þætti veltum við fyrir okkur menningargengi Nínu hér á landi. Nína var listamaður en hún var líka kona og hún var líka hinsegin. Skiptir það máli? Við skoðum Reykjavík sem var og heimsækjum ættingja Nínu sem hefur sterka skoðun á því sem gerðist.

Viðmælendur: Gróa Björk Hjörleifsdóttir, Ásta Kristín Benediktsdóttir, Margrét Elísabet Ólafsdóttir

Útvarpsfréttir.

Farið yfir helstu fréttir vikunnar í spjalli við fólkið í fréttunum og fréttaskýrendur.

Umsjón: Ingvar Þór Björnsson.

Umfjöllun Kveiks um meinta markaðsmisnotkun Ölgerðarinnar, ummæli varaseðlabankastjóra um aðgerðir til að auka atvinnuleysi og úrsögn Jóns Gnarr úr þingflokki Viðreisnar eru meðal þess sem verður í brennidepli í Vikulokunum.

Rætt verður við Mána Pétursson, umboðsmann og stjórnarmann KSÍ, Svandísi Svavarsdóttur, ritstjóra og fyrrverandi ráðherra, og Sigurð Þ. Ragnarsson jarð- og veðurfræðing í fyrsta hluta, meðal annars um Ölgerðina, illviðri í vikunni og úrslitaleik um að komast á HM í Brasilíu.

Ragnar Þór Ingólfsson, félags- og húsnæðismálaráðherra, ræðir Seðlabankann, verkalýðshreyfinguna og kjaramál í öðrum hluta.

Að lokum verður rætt við Grím Grímsson, þingmann Viðreisnar, og Ingibjörgu Isaksen, þingmann Framsóknar, um stöðuna í stjórnmálunum og úrsögn Jóns Gnarr úr þingflokki Viðreisnar.

Íslenskt lag eða tónverk.

Útvarpsfréttir.

Donald Trump forseti Bandaríkjanna hefur fellt úr gildi fyrirhugaðar viðskiptaþvinganir og tolla á rússneska orku. Forseti Úkraínu segir þetta hvetja Rússa til frekari árása.

Þingmaður Viðreisnar segir að þingnefnd um málefni barna með fjölþættar stuðningsþarfir sem Jón Gnarr, þingmaður utan flokka, fór fyrir hafi ekki komið saman undanfarna mánuði. Jón sagði sig úr þingflokki Viðreisnar í vikunni, meðal annars vegna óánægju með forgangsröðun ríkisstjórnar hvað varðar málefni barna.

Yfir 160 manns hafa þegar verið handteknir við upphaf mótmæla víða um Frakkland. Búist er við tugum þúsunda á götum borga landsins í dag.

Þakplötur eru farnar að fjúka af íþróttahúsi í Grundarfirði og hafa björgunarsveitarmenn verið kallaðir út. Sunnanstormur gengur yfir landið í dag. Appelsínugular viðvaranir verða í gildi við Breiðafjörð, frá því síðdegis og fram á kvöld.

Tetra-kerfið er ekki á förum á næstunni, segir sérfræðingur í neyðarfjarskiptum. Hann segir mikilvægt að girða fyrir öll mistök áður en nýtt talstöðvarkerfi verður tekið í gagnið og slökkt á Tetra-kerfinu, sem viðbragðsaðilar nota í dag.

Eldur kviknaði í álverinu í Straumsvík í annað sinn á skömmum tíma í gærkvöld.

Kornbóndi á Suðurlandi vill fá að skjóta álftir sem éta uppskeru af ökrum hans í stórum stíl. Hann segir það rökleysu að fuglinn sé friðaður.

Og svo eru það kökurnar og bakkelsið, við fylgjumst með bakstursmaraþoni í lok fréttatímans.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Þetta verður síðasta tækifærið til þess að leiða landið aftur á braut lýðræðis, segir viðmælandi Heimskviða um komandi þingkosningar í Serbíu. Þetta hljómar dramatískt en hann er ekki einn á þeirri skoðun. Kosningunum er lýst sem þjóðaratkvæðagreiðslu milli mannsins sem nýverið sagði af sér sem forseti og vill núna verða forsætisráðherra og svo fjöldahreyfingar stúdenta sem hefur teflt fram sínum lista. Ólöf Ragnarsdóttir segir okkur frá tímamótakosningum í Serbíu.

Auðlindir heimsins taka á sig ýmsar myndir. Sum ríki hafa byggt auð sinn á olíu sem sótt er djúpt úr jörðu. Önnur reiða sig á gjöful fiskimið, frjósamt land eða ferðamenn sem koma í leit að sól og ævintýrum. Slíkar atvinnugreinar hafa oft vaxið og þróast í áratugi og byggja jafnvel á aldagömlum hefðum. En stundum þarf hvorki að leita að olíu né sækja verðmæti úr sjó. Stundum nægja tveir bókstafir og dálítil heppni. Angvilla er lítil eyja og breskt yfirráðasvæði í Karíbahafi, austur af Púertó Ríkó og rétt norðan við eyjuna Sankti Martin. Þar búa um sextán þúsund manns, svipaður fjöldi og í Mosfellsbæ. Þegar Angvilla fékk landslénið sitt á veraldarvefnum fékk það endinguna punktur ai. Lengi vel voru þetta einfaldlega tveir bókstafir sem vísuðu til nafns eyjunnar. Síðan varð gervigreind að einni stærstu tæknibyltingu samtímans og bókstafirnir ai fengu allt aðra merkingu. Hinrik Wöhler segir okkur frá landslénunum verðmætu.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Jóhann Gunnarsson lék á bassa með ýmsum hljómsveitum forðum daga, en sneri sér síðan að hljóðfærasmíði. Hann hætti þó ekki að fást við tónlist og samhliða smíðinni hefur hann samið tónlist og tekið upp. Með tímanum hefur hann svo mjakað sér í átt að innsetningarlist.

Lagalisti:

genematrix perimeterstroke - before and after the storm

When the Birds Start to Sing - When the Birds Start to Sing

Songs for Albinos - One for Henry Grimes & Mr Haden

Katsura symphonies - Mahale

Óútgefið - Northen Spirits

Í Kúrs gerast nemendur við Háskóla Íslands dagskrárgerðarmenn; segja sögur, kafa í fræðin og spyrja spurninga. Leiðbeinendur: Þorgerður E. Sigurðardóttir og Anna Marsibil Clausen.

Leitað var að eldri konu frá Seltjarnarnesi eftir að hún fannst ekki á heimili

sínu.

Umsjón: Inga Maren Rúnarsdóttir

Í þættinum fær Sverrir Norland til sín skemmtilega gesti sem endurhugsa með honum heiminn.

Til Sverris koma Ásgeir Brynjar Torfason, doktor í hagfræði, og Jökull Sólberg, forritari, og ræða peninga af ýmsum sjónarhólum. Þetta er fyrri þemaþáttur um peninga.

Umsjón: Sverrir Norland.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Hverfa heitir nýjasta ljóðabók Melkorku Ólafsdóttur sem hefur jöfnum höndum gefið út verk í eigin nafni og með skáldahópnum Svikaskáldum. Síðasta ljóðabók Flagsól var heldur ekki aðeins merkt Melkorku því hún var unnin í samstarfi við myndhöfundinn Hlíf Unu Bárudóttur. En nú stendur Melkorka ljóðskáldið ein frammi fyrir öllu. Viðfangsefni bókarinnar eru djúp og breið, allt frá minnstu einingum og lífverum yfir í plánetur sólkerfisins. Hverfa er um kerfin allt í kringum okkur, hún eru hið lífræna efni, eðlisfræðilögmál og fegurðina í hinu óræða; undrin í því sem við sjáum og heyrum alla daga en „dvelur í þögninni milli vélrænna hendinga samtímans,“ eins og segir í kápulýsingu bókarinnar.

Óskar Árni Óskarsson var að senda frá sér úrval myndljóða en á ferlinum hefur myndljóðið átt stóran sess hjá skáldinu. Bókin heitir Þrjátíu og sjö skáld í mynd og kom út hjá Dimmu nýlega. Þar eru skáld, innlend og erlend í fókus. Óskar steig fram sem fullskapað myndljóðskáld árið 1997 í sérriti Bjarts og frú Emelíu: tímariti um bókmenntir og leiklist sem kallaðist Án orða. Þar mátti sjá afrakstur af frumlegri notkunar Óskars á ritvélinni þar sem kommur verða rigning, bíl verður til með þremur bókstöfum, lítið j verður hafmeyja og lítið i er sjálfur maðurinn.

Viðmælendur: Melkorka Ólafsdóttir og Óskar Árni Óskarsson.

Tónlist: Bragur - Tu Ha? Tu Bjö! / Frailed - Flea

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Lagalisti:

Rósa Guðrún Sveinsdóttir - Meiriháttar.

Brown, Ray, Peterson, Oscar, Getz, Stan, Ellis, Herb, Roach, Max, Gillespie, Dizzy - It's the talk of the town.

Duke Ellington & John Coltrane - Take the Coltrane.

Nordic Quintet, The - Angel Eyes.

ADHD Hljómsveit - Fimmþrír.

Ørsted Pedersen, Niels-Henning, Grappelli, Stephane, Coryell, Larry, Catherine, Philip - Swing guitars.

Quintet, The, Gillespie, Dizzy, Powell, Bud, Roach, Max, Parker, Charlie, Mingus, Charles - A night in Tunisia.

Erskine, Peter, Jack Magnet Science - Space Pasadena.

Hilmar Jensson - Sun RA.

Henriksen, Arve, Fraanje, Harmen - The dark light.

Urtreger, René, Michelot, Pierre, Clarke, Kenny, Davis, Miles, Wilen, Barney - Generique.

Fréttir.

Karlmaður á fimmtugsaldri var úrskurðaður látinn á vettvangi eftir alvarlegt slys á hálendinu norðan Vatnajökuls. Hópur sem var með honum fékk áfallahjálp á Akureyri í nótt.

Tilkynningum vegna gruns um mansal og lögreglurannsóknum vegna slíkra mála hefur fjölgað hér á landi. Breskur sérfræðingur telur Ísland standa á mikilvægum tímamótum þar sem unnið er að fyrstu landsáætluninni gegn mansali.

Viðvaranir eru í gildi víða um land vegna hvassviðris, storma og skriðuhættu. Þrátt fyrir mikið hvassviðri hafa útköll björgunarsveita aðeins verið þrjú í dag.

Ísraelskt landtökufólk veittist að bílalest evrópskra embættismanna á Vesturbakkanum í dag – degi eftir að hópur landtökufólks réðst á bandaríska blaðakonu.

Hundrað ár eru liðin frá stofnun Ísaksskóla og var afmælinu fagnað í dag.

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Í þættinum er fjallað um mál Lindy Chamberlain, ástralskrar móður sem árið 1980 var sökuð um að hafa myrt níu vikna gamla dóttur sína, en hélt því sjálf fram að dingó-villihundur hefði tekið barnið.

frá Veðurstofu Íslands

Dánarfregnir.

Sveiflutónlist og söngdansar að hætti hússins.

Jónatan Garðarsson valdi.

Kvartett Teodross Avery leikur lögin What's New, One To Love, Our True Friends, Positive Role Models, On Other Words, An Ancient Civilization og Watching The Sunrise. Jan Johansson og Red Mitchell leika lögin Bureau Blues. Bluesplankan, Blaus, Wave, In A Sentimental Mood og Days Of Wine And Roses. Paquito D'Rivera leikur lögin Snow Samba og One For Tom.

Þáttur um íslensku og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir

Gríska er án efa það tungumál sem er einna gjöfulast á orðaforða sinn. Orð af grískum uppruna eru hluti af orðaforða fjölmargra tungumála. Þau eru notuð í vísindum og fræðum, menningu og listum um allan heim og fjöldi þeirra sem hafa orðið að alþjóðlegum hugtökum er ómælanlegur.

Orð af grískum uppruna hafa jafnvel ratað í íslensku, sjaldnast þó beint heldur oftast eftir ýmsum krókaleiðum og í daglegu máli er fjöldi orða sem eru komin úr grísku.

Umsjón: Melkorka Ólafsdóttir

Umsjón: Melkorka Ólafsdóttir

Björg Brjánsdóttir, flautuleikari, segir frá sínu uppáhalds tónverki.

Berlínarfílharmónían, undir stjórn Herberts von Karajan, leikur fyrsta kafla Sinfóníu nr. 1 op. 68 eftir Johannes Brahms. Hljóðritun frá árinu 1987.

Útvarpsfréttir.

frá Veðurstofu Íslands

Í Litlu flugunni er leikin tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Í þættinum er rifjuð upp íslensk og norræn dans- og dægurtónlist. Hljómsveit Ásgeirs Sverrissonar leikur polka með Siggu Maggý og hljómsveit Jóhannesar Eggertssonar flytur eldri dans- og sjómannalög með Grétari Guðmundssyni. Einnig koma við sögu danskir flytjendur á borð við Ove Sopp og Gustav Winckler, auk Elsu Sigfúss, Sigurðar Ólafssonar og Ragnars Bjarnasonar.

Umsjón: Lana Kolbrún Eddudóttir.

Þátturinn var fyrst á dagskrá 24. nóvember 2005.

Farið yfir helstu fréttir vikunnar í spjalli við fólkið í fréttunum og fréttaskýrendur.

Umsjón: Ingvar Þór Björnsson.

Umfjöllun Kveiks um meinta markaðsmisnotkun Ölgerðarinnar, ummæli varaseðlabankastjóra um aðgerðir til að auka atvinnuleysi og úrsögn Jóns Gnarr úr þingflokki Viðreisnar eru meðal þess sem verður í brennidepli í Vikulokunum.

Rætt verður við Mána Pétursson, umboðsmann og stjórnarmann KSÍ, Svandísi Svavarsdóttur, ritstjóra og fyrrverandi ráðherra, og Sigurð Þ. Ragnarsson jarð- og veðurfræðing í fyrsta hluta, meðal annars um Ölgerðina, illviðri í vikunni og úrslitaleik um að komast á HM í Brasilíu.

Ragnar Þór Ingólfsson, félags- og húsnæðismálaráðherra, ræðir Seðlabankann, verkalýðshreyfinguna og kjaramál í öðrum hluta.

Að lokum verður rætt við Grím Grímsson, þingmann Viðreisnar, og Ingibjörgu Isaksen, þingmann Framsóknar, um stöðuna í stjórnmálunum og úrsögn Jóns Gnarr úr þingflokki Viðreisnar.