Bæn og hugleiðing að morgni dags.

Útvarpsfréttir.

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Þátturinn var fyrst á dagskrá 21. desember 2013.

Umsjón: Gerður Kristný Guðjónsdóttir

Kæru hlustendur! Að þessu sinni býður Vetrarbrautin upp á lög um Lísu frá Odessa með eftirminnilegu röddina, Söru, skáldið í hjartanu, Rafael sem líkist engli og Mörtu sem fær upphringingu frá gömlum grátklökkum vini um miðja nótt. Hér verða leikin lög frá ýmsum löndum um nafngreint fólk.

1. Björk - Frosti 1.52

Þetta var lagið Frosti eftir Björk Guðmundsdóttur.

2. P. J. Harvey - Angelene 3.25

Árið 1994 birtist mynd af tónlistarkonunni á forsíðu breska tónlistartímaritsins Q ásamt þeim PJ Harvey og Tori Amos. Allar koma þær við sögu í þessum þætti. Hér er PJ Harvey með lagið Angelene.

3. Tori Amos - Angie 4.20

Eitt frægasta popplag sem samið hefur verið til konu er Angie eftir David Bowie. The Rolling Stones gerði lagið frægt en hér er það Tori Amos sem flytur það.

4. Serge Gainsbourg - Manon 2.16

Serge Gainsbourg veit ekki í hvorn fótinn hann á að stíga þegar Manon er annars vegar. Hann bæði hatar hana og elskar.

5. Suzanne Vega - Marlene on the Wall 3.40

Suzanne Vega er afbragðs textasmiður. Í einu af þekktari lögum sínum segir hún sögu um stúlku sem hefur mynd af Marlene Dietrich uppi á vegg. Marlene fylgist með öllu sem fram fer á heimilinu og gæti eflaust gefið stúlkunni góð ráð.

6. Tom Waits - Martha 4.22

Í næsta lagi biður Tom Waits símstöðina um að gefa sér samband við gamla kærustu, hana Mörtu. Hann langar til að segja henni frá því sem drifið hefur á daga hans síðan þau hittust síðast.

7. Francis Cabrel - Lisa 3.40

Hægt er að velja úr fjölda laga með Francis Cabrel þar sem hann syngur um konur. Lagið Lisa er eitt þeirra.

8. Carla Bruni - Raphaël 2.23

Carla Bruni er svo hrifin af nafninu Raphaël að hún samdi lag um það. Það er að finna á fyrsta disknum hennar Quelqu’un m’a dit sem kom út árið 2003 og varð feikivinsæll.

9. Sara - Fleetwood Mac 6

Eitt þekktasta lag Fleetwood Mac er eflaust Sara. Stevie Nicks samdi lagið sem gefið var út á plötunni Tusk árið 1979.

10. Damien Rice - Rice

Næsti flytjandi heitir Damien Rice. Hann flytur lagið Amie af plötunni O.

10. Kristin Hersh - Peggy Lee 3.12

Kristin Hersh gerði garðinn frægan með hljómsveitinni The Throwing Muses á 9. áratug síðustu aldar en hóf síðan sólóferil. Learn to Sing Like a Star er einn afbragðsdiskanna sem hún hefur sent frá sér. Þar er að finna lagið Peggy Lee.

11. Nanna Lüders Jensen - Buster 3.38

Danski rithöfundurinn Bjarne Reuter samdi bókina Veröld Busters árið 1979. Bille August gerði sjónvarpsþætti eftir sögunni og fékk Nönnu Lüders Jensen til að semja titillagið. Það heitir auðvitað Buster.

12. The Waterboys - And a Bang on the Ear 7.20

Meistarastykkið Fisherman’s Blues með The Watersboys kom út árið 1988. Þar er að finna lagið„And a Bang on the Ear“. Mike Scott syngur um konurnar sem hann hefur elskað um dagana og kyssir þær í huganum. Það verður síðasta lag þáttarins. Þakka ykkur kærlega fyrir að hlusta.

Umsjón: Kristján Kristjánsson.

Lagalistinn:

Karlakór Rangæinga - Nú máttu hægt.

Kjartan Ólafsson - Ég Er Fár Sem Feyskið Bar.

Garðar Þorsteinsson, Karlakór K.F.U.M. - Bára Blá.

Bjarni Lárentsínusson&Njáll Þorgeirsson - Í grænum mó.

Sigurður Ólafsson & Carl Billich,pí. - Á sprengisandi.

Svala Nielsen - Hvert Örstutt Spor.

Tígulkvartettinn - Ég bið að heilsa.

M.A. Kvartettinn - Rokkarnir Eru Þagnaðir.

Stefán Íslandi - Kirkjuhvoll.

Leikbræður - Bráðum Vagga.

Toots Thielemans - Strutting With Some Barbecue.

Sigfús Halldórsson - Litla Flugan.

Carl Billich - píanó, Haukur Morthens - Þegar máninn skín.

Tríó Aage Lorange, Alfreð Clausen - Í Faðmi Dalsins.

Yepes, Narciso - Recuerdos De La Alhambra.

Cornelis Vreeswijk - Veronica.

Olavi Virta - Tulisuudelma.

Harmony Sisters - Laulu meripojille.

frá Veðurstofu Íslands.

Austurland á fimmta áratug síðustu aldar. Frásagnir tengdar hernámi Breta þar.

Atburðir sem aldrei liðu úr huga þeirra sem tókust á við lífið í kjölfar þeirra.

Umsjón og dagskrárgerð: Guðrún Hálfdánardóttir

Tæknimaður: Lydía Grétarsdóttir.

Íslenska ríkið skuldbatt sig til þess að greiða ekkjum sjómanna, sem létust á hafi úti af völdum stríðsátakanna, bætur. En hvað með bónda og börnin sem létust af völdum handvammar af hálfu breska hersins og hvernig metum við mannslíf?

Viðmælendur í þættinum eru: Friðþór Eydal, Guttormur Metúsalemsson og Ragnheiður Kristjánsdóttir.

Farið yfir helstu fréttir vikunnar í spjalli við fólkið í fréttunum og fréttaskýrendur.

Nálgast má Vikulokin í mynd í beinni útsendingu á ruv.is á laugardagsmorgnum, og í sjónvarps spilara RÚV.

Gestir Vikulokanna eru Sigríður Mogensen sviðsstjóri hjá Samtökum iðnaðarins, Arna Lára Jónsdóttir þingmaður Samfylkingarinnar og Sigurður Sigurðsson framkvæmdastjóri Heimilis og skóla. Þau ræddu alþjóðamál, efnahagsmál, samfélagsmiðla og komandi kosningar.

Umsjón: Höskuldur Kári Schram

Tæknimaður: Þráinn Steinsson

Tónlist héðan og þaðan

Íslenskt lag eða tónverk.

Útvarpsfréttir.

Bandaríkin og Ísrael réðust á Íran í morgun. Trump segir markmiðið að koma klerkastjórninni frá. Íranir hafa svarað með árásum á herstöðvar Bandaríkjanna í Kúveit, Sameinuðu arabísku furstadæmunum, Katar og Barein.

Íslendingur í Kúveit heyrir sprengingar í fjarska, þegar flugskeyti eru skotin niður -- en segir fjölskylduna upplifa sig örugga. Hann var með börn sín á leikvelli þegar loftvarnaflauturnar ómuðu um borgina í morgun.

Róttækar breytingar verða á lista Sjálfstæðisflokksins í Reykjavík sem kynntur verður síðdegis. Samkvæmt heimildum fréttastofu verður Bjarni Guðjónsson í öðru sæti listans og Brynjar Níelsson í því þriðja. Reynslumiklir borgarfulltrúar verða ekki á lista.

Verktakinn, sem var látinn fara frá framkvæmdum við Ölduselsskóla fyrirvaralaust, hafði nýverið ráðið inn tíu nýja starfsmenn vegna verkefnisins, sem nú hafa misst vinnuna. Hann íhugar skaðabótamál við Reykjavíkurborg.

Dalamenn fagna því í dag að geta loks skellt sér í sund í bænum, þegar sundlaug var loks opnuð í íþróttahúsinu.

Íslenska karlalandsliðið í körfubolta vann Litáen í ótrúlegum leik í gærkvöld. Í dag eru bikarúrslit í handbolta á dagskrá.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Endalok verða rauður þráður í Heimskviðum í dag. Það eru vægast sagt umdeild endalok þáttaraðarinnar Stranger things, en óhætt að segja að það séu margir ósáttir við þau. Svo eru það möguleg endalok almannaþjónustumiðla í Bandaríkjunum.

Það er stefna bandaríkjastjórnar að draga úr umfangi þessara miðla sem reka staðbundnar útvarps- og sjónvarpsstöðvar um öll Bandaríkin. Núna séu komnir fjöldi sjálfstæðra miðla og það sé ekki aðeins úrelt fyrirkomulag að ríkið fjármagni miðlana heldur spilli það fyrir sjálfstæðri blaðamennsku. Við tölum við Ingibjörgu Þórðardóttur sem er fyrrverandi fréttastjóri BBC og CNN í Bandaríkjunum. Hún segir umræðuna um að ríkismiðlar hafi of mikil áhrif á fjölmiðlamarkaðinn góða og gilda en hún eigi ekki við Bandaríkjunum. Almannaþjónustumiðlarnir, NPR og PBS, eigi ekki roð í stærstu einkamiðlana og hvarf þeirra hefði lítil eða engin áhrif á þá. En það myndi hins vegar gera fjölmiðlalandslandslagið bæði einhæfara og fátæklegra.

Svo er það eitt helsta flaggskip Netflix-streymisveitunnar - Stranger Things. Aðdáendur þáttanna eru margir hverjir vægast sagt ósáttir við hvernig þættirnir enduðu. Sprottið hafa upp ýmsar samsæriskenningar meðal annars um hvort endalokin séu raunveruleg.

Duffer-bræður, skaparar þáttanna, eru sagðir hafa misst boltann í blálokin - eða er þetta kannski bara snilldar markaðssetning? Það hlýtur alla vega að vera ákveðin snilld að fá fólk til þess að vera enn að tala um þættina og jafnvel að horfa á þá aftur og aftur, til að finna vísbendingar og lesa milli línanna.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Lydia Grétarsdóttir áttaði sig snemma á að hún kunni því best að flétta saman tónlist og dans- eða leikverk og starfaði til að mynda að uppfærslu sviðsverka og gerð dansstuttmynda með Menningafélaginu, Hún hefur einnig gert verk þar sem tónlustin en sniðin eftir rými og víddu,

Lagalisti

Þytur

Retrograde 3

Melan

Stundarbrot, lokakafli

Okkar á milli 6

Bit Beat Breathe

Í Kúrs gerast nemendur við Háskóla Íslands dagskrárgerðarmenn; segja sögur, kafa í fræðin og spyrja spurninga. Leiðbeinendur: Þorgerður E. Sigurðardóttir og Anna Marsibil Clausen.

Viðtal við tvíburasysturnar Laufeyju og Björk Björnsdætur þar sem kafað er ofan í upplifun þeirra af því að vera eineggja tvíburasystur og hvaða kröfum þær mæta af samfélaginu, fyrir það eitt að vera tvíburar. Inn í þetta flétta ég fróðleik um eineggja tvíbura út frá rannsóknum sem ég kannaði og sagði einnig frá minni upplifun af því að vera eineggja tvíburi.

Umsjón: Brynhildur Yrsa Valkyrja

Veturinn 2009-2010 fékk Ævar Kjartansson Pál Skúlason, heimspeking og fyrrverandi háskólarektor, til liðs við sig til þess að fjalla um grunnhugmyndir í okkar samtíma. Í fyrsta þættinum spjölluðu þeir um eðli hugmynda almennt en fengu síðan til sín fræðimenn á ýmsum sviðum til þess að ræða hugmyndina um þjóðina, ríkið, samfélagið, hamingjuna, frelsið svo eitthvað sé nefnt.

Framtíðin í Heimi hugmyndanna. Hvernig lítur sagnfræðin til framtíðar? Guðmundur Jónsson prófessor í sagnfræði er gestur Páls Skúlasonar og Ævars Kjartanssonar.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Við tökum með okkur bækur í bíósalinn í þætti dagsins. Bækur hafa orðið efni í kvikmyndir allt frá upphafi þeirrar listgreinar. Við lítum á tvær skáldsögur í dag sem komu út á svipuðum tíma og urðu að kvikmynd á svipuðum tíma. Það eru bækurnar Röskun eftir Írisi Ösp Ingjaldsdóttur sem kom út árið 2019 og varð að kvikmynd nú fyrir skemmstu. Og skáldsagan Hamnet eftir írska rithöfundinn Maggie O’Farrell sem kom út 2020 og varð að kvikmynd í lok síðasta árs.

Viðmælendur: Íris Ösp Ingjaldsdóttir, Ingibjörg Iða Auðunardóttir, Ingibjörg Ágústsdóttir og Sunna Dís Másdóttir.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Pétur Grétarsson ræðir við Ómar Guðjónsson gítarleikara um tónlistina og lífið sem fylgir henni.

Tónlistin í þættinum:

Love - Roforofo

Garðaskóli - Ómar Guðjónsson - 210

Söngur villiandarinnar - Þjóðlag - Ómar fortíðar

Behind that locked door - George Harrison

Hofslundur - ADHD

Hofslundur 4 - Ómar Guðjónsson - 210

Malarvegur - Bræðralag - 2015

Arnarvatnsheiði - Ómar Guðjónsson - 210

Fréttir

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Í þættinum er fjallað um búlgarska rithöfundinn og andófsmanninn Georgi Markov, sem lést í Lundúnum 1978 í kjölfar þess að hann var stunginn með regnhlíf.

frá Veðurstofu Íslands

Dánarfregnir.

Sveiflutónlist og söngdansar að hætti hússins.

Tríó Marcusar Roberts flytur lögin Someone To Watch Over Me, The Man I Love, But Not For Me, Our Love Is Hear To Stay, Summertime, It Ain't Necessarily So og They Can't Take That Away From Me, sem eru öll eftir George Gershwin. Fredrik Norén Band flytur lögin The Phrase, Green Passat, Trinkle Twinkle, Ice Man, Helenas Song og Mirrors. Stan Getz og Chet Baker flytja lögin Stella By Starligh, I'll Rembember April, Milestones og The Baggage Room Blues.

Þáttur um íslensku og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir

Sagt er að Árni Magnússon handritasafnari hafi verið fyrsti Íslendingurinn sem ánetjaðist kaffi. Þessi lúxusdrykkur betri borgara varð fyrr en varði í hvers manns bolla og vel má halda því fram að kaffi sé þjóðardrykkur hér á landi, könnun sem gerð var virðist staðfesta að meira sé drukkið af kaffi í bókum Guðrúnar frá Lundi en í öðrum íslenskum skáldsögum. Hvorki virðast þó vera til orðatiltæki né málshættir sem hafa kaffi sem kjarnaorð.

Umsjón: Melkorka Ólafsdóttir

Umsjón: Melkorka Ólafsdóttir

Þórunn Ósk Marinósdóttir segir frá sínu uppáhalds tónverki.

Emanuel Ax, Yo Yo Ma, Isaac Stern og Jaime Laredo leika þriðja kafla úr píanókvartett í Es dúr op 47 eftir Robert Schumann.

Í Sagnaslóð er víða leitað fanga. Sagt er frá mönnum og málefnum fyrri tíma. Umsjónarmenn: Birgir Sveinbjörnsson og Jón Ormar Ormsson

Þættir frá vetrinum 2008-2009

Henddrik Ottósson er eldri útvarpshlutendum að góðu kunnur frá þeim árum sem var fréttamaður á fréttastofu RÚV. Hendrik skrifaði tvæ endurminningabækur Frá Hlíðarhúsum til Bjarmalands og Vegamót og vopnagnýr. Í þessum þætti er efni sótt í fyrrnefndu bókina og segir Hendrik þar frá Vesturbænum í Reykjavík á

árunum um og uppúr aldamótum 1900 og frá forfeðrum

sínum. Lesari með umsjónarmanni Sigríður Kristín Jónsdóttir

Umsjón: Jón Ormur

frá Veðurstofu Íslands

Svanhildur Óskarsdóttir les sálmana í hljóðritun frá árinu 1998.

Árið 1944 var tekinn upp sá siður hjá Ríkisútvarpinu að lesa alla Passíusálma Hallgríms Péturssonar á föstunni.

Í Litlu flugunni er leikin tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Litla flugan dregur fram plötur með harmonikuleikaranum Art van Damme og kvintetti hans. Terry Snyder og The All Stars leika nokkrar lagasyrpur og kvintett Raymond Scott bætir um betur.

Þátturinn var fyrst á dagskrá 27. september 2007.

Farið yfir helstu fréttir vikunnar í spjalli við fólkið í fréttunum og fréttaskýrendur.

Nálgast má Vikulokin í mynd í beinni útsendingu á ruv.is á laugardagsmorgnum, og í sjónvarps spilara RÚV.

Gestir Vikulokanna eru Sigríður Mogensen sviðsstjóri hjá Samtökum iðnaðarins, Arna Lára Jónsdóttir þingmaður Samfylkingarinnar og Sigurður Sigurðsson framkvæmdastjóri Heimilis og skóla. Þau ræddu alþjóðamál, efnahagsmál, samfélagsmiðla og komandi kosningar.

Umsjón: Höskuldur Kári Schram

Tæknimaður: Þráinn Steinsson