Bæn og hugleiðing að morgni dags.

Séra Fritz Már Jörgensson Berndsen flytur.

Útvarpsfréttir.

Vínil plata úr safninu dregin fram og spiluð í heild.

Vínil plata úr safninu dregin fram og spiluð í heild.

Plata þessarar vikur er Eintak, fyrsta plata Bergþóru Árnadóttur.

Umsjón: Kristján Guðjónsson.

Útvarpsfréttir.

Umsjón: Stefán Jónsson.

Stefán Jónsson ræðir við Þórð Kristjánsson og Sigurlaugu Daníelsdóttur, Hreðavatni, Leópold Jóhannesson, Hreðavatnsskála, Daníel Kristjánsson, Hreðavatni, Þorstein Klemensson og Rósu Jónsdóttur, Hreinsstöðum,Árna Einarsson, Skarðshömrum og Guðmund Sverrisson, Hvammi.

Áður á dagskrá 1967.

Umsjón: Stefán Jónsson.

Útvarpsfréttir.

Umsjón: Kristján Kristjánsson.

Útvarpsfréttir.

Veðurstofa Íslands.

Í þessari þáttaröð hættir Arnar með bílnum, eða allavega endurskoðar samband sitt við hann.

Þáttasería um ástarsambönd og sambandsslit, borgarskipulag og óreiðu, rúntinn, bílaþvott, tæknilega skynsemishyggju, sjálfstæði og ósjálfstæði.

Við getum ekki haldið áfram að treysta á bílinn sem aðal ferðamáta okkar. En af hverju er það svona erfitt? Ég elska bílinn. Ég veit ekki hvernig ég gæti lifað hér án hans, ég elska að keyra, ég næ tengingu við sjálfan mig og aðra í honum. Hann hreyfanleg rót í mínu lífi.

En bökkum aðeins. Hvernig varð þetta svona? Hvernig getur málmílát með vél og gúmmídekkjum orðið órjúfanlegur partur af sjálfi okkar og þjóð? Hvað gerist þegar draumkenndu hveitibrauðsdagar okkar með bílnum eru taldir? Þurfum við að kveðja bílinn alfarið eða getum við fundið jafnvægi í sambandi okkar sem þjónar báðum aðilum?

Þáttagerð: Arnar Geir Gústafsson og Snorri Rafn Hallsson.

Arnar fer til sálfræðings vegna sambandsörðugleika við bílinn. Þeir rekja hvernig þessi tenging mótast gegnum bílateppi í æsku og kynþokkafullra kappaksturstölvuleikja á unglingsárum. Arnar fer á puttunum austur fyrir fjall með manni sem elskar að gönna. Að lokum er fjallað um hvernig hin auma manneskja þróaðist í kentár og að lokum í Bílamanninn.

Þáttagerð: Arnar Geir Gústafsson og Snorri Rafn Hallsson.

Viðmælendur: Kristján Ýmir.

Höfundur og leikari Gönna-atriðis: Birnir Jón Sigurðsson.

Útvarpsfréttir.

Farið yfir helstu fréttir vikunnar í spjalli við fólkið í fréttunum og fréttaskýrendur. Þátturinn er í umsjá Sunnu Valgerðardóttur og Höskuldar Kára Schram og er á dagskrá á laugardögum kl. 11-12.

Sunna Valgerðardóttir ræðir við Þórdísi Kolbrúnu R. Gylfadóttur, utanríkisráðherra og varaformann Sjálfstæðisflokksins, Heiðu Kristínu Helgadóttur, aðstoðarmann formanns Viðreisnar og verðandi framkvæmdastjóra Íslenska sjávarklasans, og Jóhannes Þór Skúlason, framkvæmdastjóra Samtaka ferðaþjónustunnar. Þau tala um leiðtogafund Evrópuráðsins í Reykjavík, hvalveiðar Íslendinga og Júróvisjon. Tæknimaður þáttarins er Kári Guðmundsson.

Íslenskt lag eða tónverk.

Útvarpsfréttir.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Við komum við í Úkraínu og Argentínu í Heimskviðum þessa vikuna. Innrás Rússa hefur ekki aðeins lagt líf fólks í rúst, heldur líka náttúruna og auk allra morðanna sem Rússar eru sakaðir um eru þeir einnig sakaðir um vistmorð. Alveg eins og það er óljóst hvort fólkið í Úkraínu eigi nokkurn tíma eftir að jafna sig eftir voðaverk Rússa, þá gildir það sama um náttúruna. Vegna sprengjubrota, sprengjugíga, skriðdrekaumferðar og hernaðarúrgangs gæti farið svo að unnar hafi verið óafturkræfar skemmdir á jarðveginum. Á jarðvegi sem stór hluti heimsins reiðir sig á.

Argentína er enn og aftur komin á vonarvol efnahagslega en verðbólga þar er yfir eitt hundrað prósent og lífskjarakreppan, sem herjar á stóran hluta heimsbyggðarinnar, þrengir sérstaklega að Argentínumönnum. Kosið verður til þings og forseta í haust en svo gæti farið að upp úr sjóði fyrir þann tíma. Frjálshyggjumaður og piparsveinn frá Buenos aires mælist með mest fylgi í skoðanakönnunum, og við rýnum í feril hans og áherslur, en hann vill meðal annars banna þungunarrof og slaka mjög á byssulöggjöf. Einna mesta athygli fær hann vegna útlitsins, en hann er með mikið og úfið hár og þykka barta, og hefur fengið viðurnefnið El Peluca, hárkollan. Og hún hylur ekki vandamálin, heldur ræðst á þau með keðjusög, eins og kollan sjálf kemst að orði.

Umsjónarmenn Heimskviða eru Birta Björnsdóttir, Bjarni Pétur Jónsson og Sunna Valgerðardóttir.

Gestur úr Mannlega þættinum talar um bækur.

Lesandi vikunnar í þetta sinn var Haraldur Ingi Þorleifsson. Hann hefur líklega verið meira í fréttum undanfarið ár en flestir, hann var kosinn manneskja ársins í fyrra á Rás 2, hann er á góðri leið með að rampa upp Ísland, hann er nýbúinn að opna veitingastað og gefur út hljómplötu á næstunni. En í dag sagði hann okkur frá því hvað hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. Haraldur talaði um eftirfarandi bækur og höfunda:

Between the World and Me eftir Ta-Nehisi Coates

Bróðir minn Ljónshjarta eftir Astrid Lindgren

og svo nefndi hann höfundana Haruki Murakami, Paul Auster og Dr. Zeuss.

Tónlistarstraumar frá ýmsum löndum, úr ýmsum áttum og frá ýmsum tímum. Umsjón: Árni Matthíasson

Það var ákveðinn vendipunktur í tónlistariðkan Þóris Georgs Jónssonar þegar hann uppgötvaði það að rafgítar væri í raun slagverkshljóðfæri. Síðar áttaði hann sig á því að óhljóð gætu leyst ýmsan vanda. Umsjón: Árni Matthíasson.

Lagalisti:

Óútgefið - Ónefnt

Views of Distant Towns - i should hide all their bricks

Pantophobic - Ónefnt

Staðsetningartæki - I

Iðnsamfélagið og framtíð þess - Ekki snerta mig

D7Y - Martraðarveröld

36 - Just Because People Love

Óreiða - The Eternal

Margir líta á myndasögur sem ódýrt uppfyllingarefni dagblaða eða afþreyingu barna og unglinga sem betur ættu að verja tíma sínum til annarra hluta. Þó má segja að teiknimyndir séu elsta þekkta tjáningarform mannkyns, líkt og sjá má af ævafornum hellaristum forfeðra okkar og -mæðra. Í Belgíu og Frakklandi hafa myndasögur meira að segja verið kallaðar „níunda listgreinin“.

Í þessum þáttum verður fjallað um myndasögur vítt og breitt. Í hverri viku kemur nýr þáttarstjórnandi og gerir grein fyrir eftirlætis bókaflokka sínum, höfundi eða einhverri af hinum ótalmörgum undirgreinum myndasögunnar.

Umsjón: Stefán Pálsson og Ragnar Egilsson.

Ásgeir H. Ingólfsson fjallar um myndasögur sem fjalla um stríðsátök í gömlu Júgóslavíu. Það má nefna sem dæmi The Fixer og Safe Area Goradze eftir Joe Sacco, Macedonia eftir Harvey Pekar og Regards From Serbia eftir Aleksandar Zograf.

Sjónum er beint að borgarskipulagi og arkitektúr í víðu samhengi. Viðmælendur þáttanna eru frumkvöðlar, skipulagsfræðingar, arkitektar, stjórnmálamenn og aðrir sem láta sig málefni skipulagsmála og arkitektúrs varða.

Umsjón: Sunnefa Gunnarsdóttir.

Í þættinum er fjallað um byltingarkennda hugmyndafræði skipulagsfræðinga frá 8. áratugnum sem snerist um mikilvægi þess að hanna borgarrými á forsendum sál- og mannfræðilegrar hegðunar fólks. Tilgangurinn var að stuðla að meira mannlífi í borgarrýmum og almennt betra umhverfi. Skoðað verður hvernig og hvort þessi hugmyndafræði eigi við á Íslandi í dag. Til að varpa ljósi á spurninguna ræddi ég við Birki Ingibjartsson arkitekt og Þráinn Hauksson landslagsarkitekt sem hafa tileinkað sér þessa hugmyndafræði í sínum störfum.

Umsjón: Sunnefa Gunnarsdóttir.

Útvarpsfréttir.

Orðanna origami á Rás 1. Hugað að öllu mögulegu á sviði bókmenntanna.

Í þættinum er sagt svolítið frá nýafstaðinni árlegri bókakaupstefnu í Leipzig, einkum bókunum sem þar voru verðlaunarðar en það voru skáldsagan Deutschland. Ein Märchen (Þýskaland. Ævintýri eftir Dinçer Güçyeter; Bittere Brunnen (Beiskir brunnar) eftir Regine Scheer - ævisaga herthu Gordon-Walcher og þýska þýðingu Johönnu Schwering á skáldsögunni - La primas (þý: Die Cousinen (Frænkurnar)) eftir argentísku skáldkouna Auroru Veturini. Þá var í þættinum umræða um heimili fyrir barnabækurnar allar en nýverið var stofnað félag um að koma á fót samastað fyrir barnabókmenntir á Íslandi. Rætt var um þennan draum við Sigrúnu Klöru hannesdóttur fyrrulm landsbókavörð, Maríu Hjálmtýsdóttur ástríðuáhugakonu um barnabókmenntir og Bergrúnu Írisi Sævarsdóttur sem líka sagði frá nýútkomin bók sinni Langelstur á bókasafninu. Að lokum flutti Kári Túliníus þriðja pistil sinn af fjórum um íslenskt bókmenntalíf.

Umsjón: Jórunn Sigurðardóttir

Leifur Hauksson fjallar um tímann á breiðum grunni og fær til sín fræðimenn og fleira fólk til að ræða um tímann og ótímann.

Leifur Hauksson fjallar um tímann á breiðum grunni og fær til sín fræðimenn og fleira fólk til að ræða um tímann og ótímann.

Rætt við Önnu í efnalauginni Björgu og Margréti Hallgrímsdóttur, þjóðminjavörð um tímas tönn.

Kvöldfréttir útvarps

Veðurstofa Íslands.

Dánarfregnir.

Sveiflutónlist og söngdansar að hætti hússins.

Big Crazy Energy Band leikur lögin Seasons Wander, I Know Later, Boone Dog Café, Ear Trumpet, Out Of the Night og A Day In The Life. Norr 4 kvartettinn flytur lögin Grænn, Haldið í hrynið, Pow Wow, Kvartil, Ég skulda, Krami og Blástjarnan. Kvintett Herb Ellis leikur lögin Phil's Tune, Blues For Janet, Patti Cake, Soft Winds, Pap's Blues og Big Red's Boogie Woogie.

Fjallað um landnám Íslendinga í Vesturheimi. Lesið úr bréfum og frásögnum sem birtust í blöðum og bókum.

Umsjón: Ragnheiður Gyða Jónsdóttir og Anna Margrét Sigurðardóttir.

(Áður á dagskrá 1996)

Fluttar eru nokkrar sögur úr segulbandasafni því sem Hallfreður Örn Eiríksson og Olga María Fransdóttir komu með úr ferð á slóðir Vestur-Íslendinga árið 1972-73. Hólmfríður Daníelsdóttir frá Árborg segir af skógarbjörnum. Sigurður Sigvaldason í Víðirbyggð segir af hræðslu við skógarbirn og Ólafur Pétursson í Árborg rifjar upp óþægindin af flugnavargi. Hallgrímur Stadfelt segir hrakningasögu af bróður sínum sem gerist um vetur. Bróðirinn finnur fornminjar, gamlan bát sem týnist svo aftur. Andrés Guðbjartsson sem bjó fyrir norðan Hnausa segir af lífsbaráttunni. Gunnar Einarsson í Árborg segir sögu af manni sem varð að gefast upp og fór yfir til Bandaríkjanna, fékk að fara yfir landamærin en kýrin hans ekki. Sigurður Sigvaldason í Víðirbyggð segir af fyrstu skemmtuninni og brennivínsleysi.

Umsjón: Anna Margrét Sigurðardóttir.

Frásöguþættir.

Umsjón: Ragnheiður Viggósdóttir.

Séra Þórður Jónsson í Reykjadal, umsónarmaður tók saman og las.

Hér er um Reykjadal í Hrunamannahreppi, Árnessýslu, að ræða. Þar var prestsetur áður, en var lagt niður með konungsúrskurði árið 1819.

Umsjón: Ragnheiður Viggósdóttir.

Áður á dagskrá 22. maí 1984.

Útvarpsfréttir.

Veðurstofa Íslands.

Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Litla flugan sveimar um hljómplötuhillur Útvarpsins og dregur fram nokkrar plötur frá áttunda áratug síðustu aldar. Harmóníkuleikarinn Bragi Hlíðberg leikur eigin lög af plötunni „Dansað á Þorranum“; Fjórtán fóstbræður syngja tvær syrpur frá árinu 1975 og sömuleiðis verður plötu Einsöngvarakvartettsins, frá 1972, brugðið á fóninn. Leiðin liggur einnig út fyrir landsteinana, til Danmerkur og Svíþjóðar, í fylgd söngvaranna Gustafs Winckler, Grete Klitgaard og Harry Brandelius. Umsjón: Lana Kolbrún Eddudóttir

Farið yfir helstu fréttir vikunnar í spjalli við fólkið í fréttunum og fréttaskýrendur. Þátturinn er í umsjá Sunnu Valgerðardóttur og Höskuldar Kára Schram og er á dagskrá á laugardögum kl. 11-12.

Sunna Valgerðardóttir ræðir við Þórdísi Kolbrúnu R. Gylfadóttur, utanríkisráðherra og varaformann Sjálfstæðisflokksins, Heiðu Kristínu Helgadóttur, aðstoðarmann formanns Viðreisnar og verðandi framkvæmdastjóra Íslenska sjávarklasans, og Jóhannes Þór Skúlason, framkvæmdastjóra Samtaka ferðaþjónustunnar. Þau tala um leiðtogafund Evrópuráðsins í Reykjavík, hvalveiðar Íslendinga og Júróvisjon. Tæknimaður þáttarins er Kári Guðmundsson.