Bæn og hugleiðing að morgni dags.

Séra Pétur Ragnhildarson flytur.

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Umsjónarmenn eru Björn Þór Sigbjörnsson og Þórunn Elísabet Bogadóttir.

Háskóla Íslands hefur verið sett stefna til næstu fimm ára. Yfirskrift hennar er: Betri háskóli - betra samfélag. Og leiðarljósin: Gæði, traust og snerpa. Jón Atli Benediktsson rektor skólans sagði frá nýju stefnunni og áherslum Háskóla Íslands.

Í ferðaspjalli með Kristjáni Sigurjónssyni, ritstjóra Túrista, var fjallað um nýju reglurnar sem farþegar til landsins þurfa að undirgangast frá og með næsta þriðjudegi og afkomu Icelandair en félagið tapaði næstum sjö milljörðum króna í apríl, maí og júní.

Skúffuskáld fá tækifæri til að koma fram í dagsljósið í ljóðasamkeppni Hinsegin daga, sem fer fram meðfram dagskrá Hinsegin daga í ár sem fyrri ár. Keppnin er, að sögn aðstandenda, mikilvægur vettvangur fyrir hinsegin ljóðlist. Bjarndís Helga Tómasdóttir hefur veg og vanda að ljóðasamkeppninni. Hún spjallaði um hinsegin bókmenntir og nokkur sigurljóð voru lesin.

Umsjón höfðu Björn Þór Sigbjörnsson og Vera Illugadóttir.

Tónlist:

What is it about men - Amy Winehouse

Valerie - Amy Winehouse

Sunnanvindur - Örvar Kristjánsson

Umbreyting - Gertrude and the Flowers

Útvarpsfréttir.

Útvarpsfréttir.

Umsjón: Andri Yrkill Valsson

Tæknimaður: Mark Eldred

Útvarpsfréttir.

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Í þættinum er fjallað Ester Blendu Nordström (1891-1948), frumkvöðul í blaðamennsku í Svíþjóð. Meðal annars villti hún á sér heimildir og réð sig sem vinnukonu á bóndabæ til að fjalla um aðbúnað kvenna í sænskum landbúnaði, og ferðaðist um með Sömum í Norður-Svíþjóð.

Morgunleikfimi með Halldóru Björnsdóttur.

Útvarpsfréttir.

Umsjón: Svanhildur Jakobsdóttir.

Útvarpsfréttir.

Yfirlit hádegisfrétta kl. 12 virka daga.

Útvarpsfréttir.

Það sem skiptir máli er örþáttaröð í 21 hlutum, útvarpað frá 1.- 21. desember 2020. Í hverjum þætti leitast einn einstaklingur við að skilgreina það sem skiptir máli og velur eitt orð úr orðabókinni í lið með sér.

Orð dagsins er: Ást. Umsjón hefur Berglind Rós Magnúsdóttir dósent við Menntavísindasvið Háskóla Íslands

Útvarpsfréttir.

76 greindust með kórónuveirusmit innanlands í gær. Almannavarnir leggja ríka áherslu á að koma útsettum í sóttkví. Yfirlögregluþjónn óttast að smitum eigi eftir að fjölga mjög að óbreyttu. Ný smit greinast um allt land og álag hefur aukist á COVID-göngudeild Landspítalans.

Stærstur hluti ríkisstjórnarinnar kemur saman til fundar á Egilsstöðum klukkan fjögur í dag þar sem tillögur að innanlandsaðgerðum verða ræddar og síðan tilkynntar. Þessi staðsetning varð fyrir valinu þar sem margir ráðherrar eru á ferðalagi um landið, eins og margir aðrir landsmenn.

Forsvarsmenn Bræðslunnar á Borgarfirði eystra og Mærudaga á Húsavík eru í viðbragðsstöðu ef stjórnvöld herða samkomutakmarkanir.

Verulega hefur dregið úr hraunrennsli í eldgosinu við Fagradalsfjall. Prófessor í jarðeðlisfræði segir ómögulegt að spá fyrir um hvenær gosinu lýkur.

Gríðarleg rigning í miðhluta Kína hefur orðið tugum að bana. Vegir eru ónýtir og margir hafa verið án matar og vatns svo dögum skiptir.

Sala á hönskum, grímum og spritti rauk upp eftir upplýsingafund almannavarna í gær. Sala á þessum vörum nánast hrundi í júní.

Setningarathöfn Ólympíuleikanna fer nú fram í Tókíó.

Hádegið er daglegur fréttaskýringaþáttur í umsjón Guðmundar Björns Þorbjörnssonar og Katrínar Ásmundsdóttur. Fjallað er um innlend og erlend fréttamál, menningu, íþróttir og daglegt líf. Fréttaskýringar, samtöl og umræður um það sem er efst á baugi.

Ríkisstjórnin kemur saman til fundar klukkan fjögur í dag á Egilsstöðum til að ræða tillögur sóttvarnarlæknis að hertum aðgerðum innanlands, en í dag eru einmitt fjórar vikur síðan þjóðin fagnaði þeim merka áfanga að öllum sóttvarnaraðgerðum var aflétt innanlands. Smitum hefur farið ört fjölgandi að undanförnu. Í fyrradag greindust 78 með Covid-19, en ekki hafa fleiri smit greinst á einum degi síðan 27. október í fyrra. Í gær fóru á fjórða þúsund manns í sýnatöku á höfuðborgarsvæðinu. Af þeim reyndust 76 smitaðir. Flestir þeirra sem nú greinast smitaðir eru bólusettir. En hvernig má það vera? Eru bóluefnin ekki að virka sem skyldi? Og hvað þá? Við skoðum málið í Hádeginu í dag.

Hádegið verður með sérstöku og styttra sumarsniði í júlímánuði. Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Dánarfregnir

Útvarpsfréttir.

Í þættinum er rætt við fólk sem þú vilt vita meira um, sagðar sögur af körlum og konum sem þú vissir ekki að væru til og aflað heimilda um atburði sem þú gast ekki ímyndað þér að hefðu átt sér stað, skildir ekki eða hafðir ekki uppgötvað að væru áhugaverðir.

Umsjón: Viktoría Hermannsdóttir.

Eru fötlunarfordómar í samfélaginu og ef svo er, hvernig birtast þeir? Í þættinum fræðumst við um fötlunarfordóma í gegnum þær Ingu Bjork Bjarnadóttur og Jönu Birtu Björnsdóttur, sem báðar eru fatlaðar og tilheyra aktivistahópnum Tabú sem stofnaður var árið 2014. Hópurinn berst fyrir meiri sýnileika fatlaðs fólks - enda eigi það rétt á plássi, valdi og virðingu í samfélaginu.

Umsjón: Viktoría Hermannsdóttir

Viðmælendur: Inga Björk Bjarnadóttir og Jana Birta Björnsdóttir.

Útvarpsfréttir.

Blanda er þemað í þessum þætti. Það má blanda ýmsu saman og blöndur er víða að finna í lífi hvers manns. Við fáum áfenga blöndu af humlum og geri á Ísafirði, blöndum krem og smyrsl í Hafnarfirði og svo er það sjálf Blanda sem rennur út í hafið. Allt þetta skoðum við í þessum síðasta þætti vertíðarinnar. Inslög unnu Ágúst Ólafsson, Dagur Gunnarsson og Halla Ólafsdóttir.

Umsjón: Dagur Gunnarsson

Sumarþáttaröð Sagna af landi heldur áfram, þar sem tínt er til efni frá liðnum vetri fyrir hlustendur til að njóta í sumar. Í þessum fjórða þætti verður endurflutt viðtal við Gunnar Malmquist Gunnarsson, föður tveggja landsliðsfyrirliða. Auk þess verður rifjuð upp heimsókn til skáldsins og þýðandans Þórðar Sævars Jónssonar sem fræðir okkur um alþýðulistamanninn Guðjón R. Sigurðsson.

Efni í þáttinn unnu Óðinn Svan Óðinsson og Gígja Hólmgeirsdóttir.

Umsjón: Gígja Hólmgeirsdóttir

Vínil plata úr safninu dregin fram og spiluð í heild.

Vínil plata úr safninu dregin fram og spiluð í heild.

Að þessu sinni er það platan Through The Looking Glass með Siouxie and the Banshees.

Umsjón: Lísa Pálsdóttir.

Vínyll vikunnar að þessu sinni er cover plata með hljómsveitini Siouxie and the Banshees. Platan heitir Through the looking glass og er þar vitnað í bók Lewis Caroll með sama nafni. Eftir að hljómsveitin gaf út frábæra útgáfu af Dear Prudence Bítlanna kviknaði hugmyndin af þessari plötu, sem er áttunda stúdíóplata sveitarinnar og var tekin upp í Abbey Road stúdíóinu og kom út í mars 1987. Mike Hedges var pródúsent en hann hafði áður unnið með bandinu. Lagaval plötunnar er ansi fjölbreytt, þau sögðu sjálf að valið hafi grundvallast af áhrifavöldum þeirra sjálfra. Þarna er að finna lög eftir Sparks, Iggy Pop, Dylan og the Band, Doors, Roxy Music, Kraftwerk, John Cale o.fl. Svo má nefna afar sérstæða útgáfu af lagi Billie Holiday Strange fruit, einnig er útgáfa af lagi slöngunnar í teiknimyndinni Jungle book ? Trust in me.

Hljómsveitina skipa þau Siouxsie Sioux (Susan Janet Ballion) sem er söngkonan, Steven Severin á bassa og hljómborð, Budgie trommur og áslátt og John Valentine Carrater á gítar og hljómborð. Hér eru um að ræða punkrokk hljómsveit sem hóf ferilinn á áttunda áratugnum undir áhrifum frá Sex Pistols.

Auk fastra meðlima var bætt við fjölda annara hljóðfæraleikara, má þar nefna Martin McCarrick á selló, hljómborð og strengjaútsetningar og Jocelyn Pook á víólu auk brasssveitar.

Útvarpsfréttir.

Jón Múli Árnason starfaði lengi hjá útvarpinu og var landskunnur útvarpsþulur. Jón Múli hafði umsjón með vinsælum djassþáttum á Rás 1 þar sem hann kynnti helstu strauma og stefnur djassins. Í tilefni af því að Jón Múli hefði orðið 100 ára í ár verða djassþættir frá árinu 1994 endurfluttir á föstudögum í sumar.

Umsjón: Jón Múli Árnason.

Jón Múli Árnason sér um djassþátt. Flutt eru lög eftir Jobim ; C. Mingus ; B. Timmons ; J. Zawinul ; þjóðlag og negrasálmur. Flytjendur: Bengt Hallberg ; Georg Riedel ; Charlie Byrd, Stan Gets og hljómsveit ; C. Mingus og hljómsveit ; Adderley kvintettinn ; J. Zawinul ; Barbara Hendricks ; Dmitry Alexeyev.

Fréttir

Útvarpsfréttir.

Ríkisstjórnin kom saman til fundar á Egilsstöðum í dag til að ræða tillögur að nýjum sóttvarnareglum. Fundurinn stendur enn en búist er við að honum ljúki á næstu mínútum.

Það fjölgar enn í farsóttarhúsum en þar eru nú 95 í einangrun með Covid-19. Smit hefur greinst í Vestmannaeyjum og óvissa er með bæjar- og útihátíðir um þessa helgi og næstu.

Síðustu fjóra daga hafa 248 kórónuveirusmit greinst hér á landi. Yfirmaður smitrakningarteymis almannavarna segir það hafa mikil áhrif á útbreiðslu smita að margir séu á faraldsfæti.

Öryggisráð Sameinuðu þjóðanna fordæmir yfirlýsingu Tyrklandsforseta um að tvö ríki skuli vera á Kýpur.

Vegagerðin og landeigendur Grafar í Þorskafirði hafa náð samkomulagi um veglagningu í Gufudalssveit á sunnanverðum Vestfjörðum.

Guðrún Svava Svavarsdóttir og Þorsteinn frá Hamri flytja.

Þjóðsöguþættir í samantekt Þorsteins frá Hamri, sem flytur þættina ásamt Guðrúnu Svövu Svavarsdóttur.

(Áður á dagskrá 8. september 1971)

Dánarfregnir

Dægurflugur og söngvar frá ýmsum tímum.

Umsjón: Jónatan Garðarsson.

Nokkur Bítlalög hljóma í þættinum í túlkun Bítlavinafélagsins, Eyjólfs Kristjánssonar, Daníels Ágústs Haraldssonar, Lennonsveitarinnar, Stefáns Jakobssonar, Eiríks Haukssonar, Guitar Islancio, Geirs Ólafssonar og Stórsveitar Reykjavíkur og Bigga Hilmars.

Lofthelgin býður hlustendum að fljóta frjálslega í tíma og rúmi á lignu hafi hughrifatónlistar. Frá endurómi fortíðar til nýjustu strauma 21. aldarinnar leitum við heimshornanna á milli að réttri stemningu og andrúmslofti til að leiða hlustandann á ný mið andans. Út fyrir endimörk algleymis.

Umsjón er í höndum Friðriks Margrétar-Guðmundsson.

Þáttur um ofbeldi og húmor í víðustu merkingu.

Rætt er við dr. Helga Gunnlaugsson, afbrotafræðing og prófessor við Háskóla Íslands, um ofbeldi, húmor og samfélagsgerðir. Einnig er rætt við Pétur Yngva Yamagata, deildarstjóra í versluninni Nexus sem sérhæfir sig í teiknimyndasögum, um þessa menningu og ofbeldi í þessum sögum.

Viðar Eggertsson les kafla úr Gerplu eftir Halldór Laxness.

Umsjón: Lísa Pálsdóttir.

(Áður á dagskrá 2006)

Þáttur um ofbeldi og húmor í víðustu merkingu.

Rætt við Ómar Stefánsson myndlistarmann og annan höfund teiknimyndasagna um Bandorminn.

Rætt við Ísleif Þórhallsson framkvæmdastjóra Event um Quentin Tarrantino kvikmyndagerðarmann en hann flutti Tarrantino til Íslands til að halda fyrirlestur um uppáhaldsmyndir hans og um kvikmyndir hans.

Rætt við Kristínu Einarsdóttur þjóðfræðing um "meiðileik" sem börn stunda og börn og ofbeldisleiki og barnabrandara.

Umsjón: Lísa Pálsdóttir.

Allir hafa sögu að segja. Í þættinum Íslendingasögur segir fólkið í landinu sögur; sögur af atburðum sem það hefur upplifað, lífsreynslusögur, gamansögur, alla vega sögur.

Ingibjörg Ingadóttir var 16 ára þegar innrásin í Tékkóslóvakíu átti sér stað í ágúst 1968. Ingibjörg segir frá viðbrögðum almennings hér heima, mótmælunum við sovéska sendiráðið sem hún tók þátt í, og pólitískri umræðu þessa tíma.

Umsjón: Hanna G. Sigurðardóttir.

Matthías Jochumsson ritaði ævsöguiþætti sína á árunum 1904 til 1915. Matthías fæddist á Skógum í Þorskafirði 1835 og lauk guðfræðiprófi 1865. Hann var prestur á Kjalarnesi, dvaldi eitt ár á Englandi og var ritstjóri Þjóðólfs. Matthías var prestur í Odda á Rangárvöllum áður en hann varð prestur á Akureyri þar sem hann bjó til æviloka. Matthías var mikilvirkur rithöfundur og þýðandi.

Gils Guðmundsson, sem les þá kafla sem hann valdi sjálfur en sleppri um þriðjungi þess er Matthías ritaði.

(Áður á dagskrá 1977)

Úrval úr dagskrá liðins dags og tónlist úr ýmsum áttum.

Næturútvarp Rásar 1.