Útvarp - Spilari RÚV

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Umsjónarmenn eru Björn Þór Sigbjörnsson og Þórunn Elísabet Bogadóttir.

Komum í Kvennaathvarfið fjölgaði á fyrri hluta þessa árs miðað við sama tíma í fyrra. Umræðan um heimilisofbeldi hefur verið mikil í tengslum við ástandið, ekki bara á Íslandi. Sigþrúður Guðmundsdóttir framkvæmdastýra Kvennaathvarfsins kom á Morgunvaktina og ræddi um þessi mál. Meðal þess sem hún sagði var að úrræði eins og nálgunarbönn og að fjarlægja ofbeldismenn af heimilum sínum hafi ekki gagnast eins vel og vonast hafði verið til.

Eiríkur Helgason eða Eiki eins og hann er jafnan kallaður er einn fárra hér á landi sem hafa það að atvinnu að renna sér á snjóbretti. Eftir að Eiki flutti heim til Íslands tók hann sig til og hóf að setja upp innanhúsaðstöðu fyrir hjólabretti Akureyri. Óðinn Svan Óðinsson, fréttamaður ræddi við Eirík.

Og við glugguðum í dagblöð frá því í júlí 1934. Íslendingar höfðu þá þungar áhyggjur af fjölskyldu nokkurri sem hafði atvinnu af því að þykjast vera Íslendingar á sirkusum og sýningum víða um Evrópu. Þótti þetta hið mesta hneyksli hérlendis - sérstaklega á síðum Morgunblaðsins, en blaðið fór í talsverða herferð í málinu.

Tónlist: Tom Jobim & Gal Costa - Dindi, Tom Jobim & Gal Costa - Agua de beber, Benny Goodman - Moonglow, South River Band - Sirkus Mongó, Cat Stevens - Miles from nowhere

Aðgengilegt til: Rennur ekki út.

Lengd: 2 klst. 10 mín.

Morgunfréttir 12. júlí 2020

09:00

Útvarpsfréttir

09:05

Segðu mér með Viktoríu Hermannsdóttur

Tómas Þór Þórðarson

Gestur úr öllum kimum þjóðfélagsins deila sögu sinni með hlustendum. Umsjón: Viktoría Hermannsdóttir

Íþróttafréttamaðurinn Tómas Þór var við það að gefast upp á því að hann myndi einhvern tímann grenna sig þegar hann fékk neitun um að fara í magaermisaðgerð vegna þess að hann var of þungur. Hann ræðir hvernig líf hans gjörbreyttist í kjölfarið en á nokkrum árum hefur hann misst 125 kíló og öðlast nýtt líf.

Aðgengilegt til: Rennur ekki út.

Lengd: 40 mín.

Umsjón: Kristján Kristjánsson.

Kristján Kristjánsson leikur tónlist með sínum hætti.

Var aðgengilegt til 20. október 2020.

Lengd: 40 mín.

Endurflutt.

Hádegisfréttir 22. Júlí

Útvarpsfréttir.

Ísland stendur mun betur í alþjóðlegum samanburði á

Búist er við að spennan í samskiptum Kína og Bandaríkjanna aukist enn frekar eftir að Kínverjum var fyrirskipað að loka ræðismannsskrifstofu sinni í Houston í Texas. Ráðamenn í Peking boða viðbrögð verði sú ákvörðun ekki dregin til baka.

Á annað hundrað umsagnir hafa borist um nýtt frumvarp forsætisráðherra um breytingu á stjórnarskrá. Breytingarnar lúta fyrst og fremst að forsetaembættinu og ríkisstjórn.

Frestun Pisa um eitt ár kemur sér vel því meiri tími gefst til að vinna úr gögnum. Þetta segir forstjóri Menntamálastofnunar sem vonar að Pisa verði framvegis á fjögurra ára fresti í stað þriggja

Forseti Úkraínu hefur verið gagnrýndur fyrir að láta unda kröfum gíslatökumanns í borginni Lutsk í gær. Hann segir það hafa skilað árangri því enginn hafi týnt lífi.

Sveindís Jane Jónsdóttir skoraði þrennu þegar Breiðablik sigraði Val örugglega, 4-0, í uppgjöri toppliðanna í úrvalsdeild kvenna í fótbolta í gærkvöld.

Veðurhorfur: Fremur hæg breytileg átt eða hafgola. Skúrir norðaustantil á landinu og víða dálitlar skúrir í öðrum landshlutum. Norðaustan fimm til þrettán á morgun, hvassast norðvestantil, og áfram dálítl væta. Hiti níu til sextán stig, en kólnar norðanlands á morgun.

Broddi Broddason segir hádegisfréttir.

Umsjónarmaður hádegisfrétta var Stígur Helgason. Tæknimaður var Markús Hjaltason. Útsendingu stjórnaði Gunnlaug Birta Þorgrímsdóttir. Fréttalestri er lokið.

Aðgengilegt til: Rennur ekki út.

Lengd: 20 mín.

Heimsmenning á hjara veraldar

Róbert Abraham Ottósson

Um erlenda tónlistarmenn sem settu svip á íslenskt tónlistarlíf á fjórða áratug síðustu aldar eins og Franz Mixa, Viktor Urbancic, Róbert Abraham Ottóson, Heinz Edelstein, Carl Billich og Fritz Weisshappel.

Umsjón: Sigríður Stephensen.

(Áður flutt 1997)

Um erlenda tónlistarmenn sem settu svip á íslenskt tónlistarlíf á fjórða áratug aldarinnar. Sjöundi og lokaþáttur: Róbert Abraham Ottósson. Umsjón: Sigríður Stephensen. Hljóðritað 1997.

Var aðgengilegt til 22. júlí 2021.

Lengd: 1 klst.

Sigurður Reynir Gíslason

Umsjónarmenn fá gesti í hljóðver sem ræða um sjálfsmynd frá ýmsum sjónarhornum.

Umsjón Gísli Sigurðsson og Ævar Kjartansson.

Gestur þáttarins er Sigurður Reynir Gíslason, jarðvísindamaður við Jarðvísindastofnun Háskóla Íslands, sem vinnur m.a. að binda koltvíoxíð.

Sjálfsagt er rétt og skynsamlegt að huga að framtíðinni á öllum tímum. Tímamót af einhverju tagi eru oft hvati til þess. Þau tímamót geta verið af ýmsum toga, í lífi þjóða eða mannkynsins, eða bara persónuleg. Á Rás 1 Ríkisútvarpsins hefur um allmörg ár verið vettvangur fyrir samtal við fræðimenn á ýmsum sviðum á sunnudagsmorgnum. Fyrirkomulag umræðunnar hefur verið þannig, að umsjónarmaður þáttanna hefur fengið kunnáttumann á einhverju ákveðnu sviði til þess að ræða við gesti, aðra sérfróða. Nú er komið að tímamótum í þessu, í júlí og ágúst verða síðustu Samtalsþættir undir stjórn Ævars Kjartanssonar. Hann ætlar að fá til sín gesti til þess að ræða um framtíðina eins og hún blasir við þeim og á þeirra fræðisviði í lok heimsfaraldurs. Hefur veirufaraldur einog Covid -19 áhrif á líf okkar í framtíðnni? Erum við að upplifa raunveruleg tímamót?

Var aðgengilegt til 22. júlí 2021.

Lengd: 50 mín.

Endurflutt.

16:05

Tengivagninn

Tónlist og dans, Skjaldborg og upprisan

Umræður um menningu og listir.

Umsjónarmenn eru Anna Marsibil Clausen, Davíð Kjartan Gestsson, Guðni Tómasson, Snærós Sindradóttir, Kristján Guðjónsson og Eiríkur Guðmundsson.

Í Tengivagninum er fjallað um það helsta sem er að gerast í menningu í sumar.

Í Tengivagninum í dag er ýmislegt á seyði. Justyna Wilczynska flytur okkur pistil um tónlist og dans, við ræðum við aðstandendur Skjaldborgarhátíðarinnar sem fer fram í byrjun ágúst og Stella Önnudóttir Sigurgeirsdóttir kemur í spjall um listasýningu sem hún opnaði nýlega á Mokka.

Gestur síðari hluta Tengivagnsins er Hrönn Sveinsdóttir sem ræðir lífið, tilveruna og Bíó Paradís út frá þemanu Upprisan.

Var aðgengilegt til 20. október 2020.

Lengd: 1 klst. 50 mín.

Kvöldfréttir 22. Júlí

Fréttir

Útvarpsfréttir.

Umsjón: Kristján Sigurjónsson

Málflutningur Rio Tinto Aluminium um að Landsvirkjun misnoti markaðsráðandi stöðu sína kemur á óvart segir Hörður Arnarsson forstjóri Landsvirkjunar. Rio Tinto hefur formlega kvartað undan Landsvirkjun til Samkeppniseftirlitsins.

Óvíst er hvað verður um fjölmargar rannsóknir á myglu í íslenskum húsum þegar Nýsköpunarmiðstöð verður lögð niður og þar með einnig Rannsóknarstofa byggingariðnaðarins.

Hverfisráð Raufarhafnar og Öxarfjarðar og Leikhópurinn Lotta hvetja í sameiningu fólk til að gæta sín í umræðu á samfélagsmiðlum. Leikkona í hópnum hefur fengið lífláts- og ofbeldishótanir vegna ummæla hennar um Kópasker og Raufarhöfn, sem hún hefur beðist afsökunar á og sagt vera misheppnað grín.

150 umsagnir höfðu borist um stjórnarskrárfrumvarp forsætisráðherra í dag. Stjórnmálafræðiprófessor segir frumvarpið ekki róttækt, en til bóta.

Bandaríkjastjórn vill greiða tvo milljarða dollara fyrir 100 milljónir skammta af bóluefni við COVID-19. Efnið er í þróun hjá þýsku líftæknifyrirtæki og bandarískum lyfjarisa.

Tuttugu og fimm sænskir vísindamenn vara ríki heims við að fara svokallaða sænska leið í baráttu við kórónuveirufarsóttina.

Aðgengilegt til: Rennur ekki út.

Lengd: 10 mín.

18:10

Brot úr Morgunvaktinni

18:30

Útvarp Krakkarúv

Menningarheimurinn - Fjölskyldur (3/4)

Við erum í útvarpinu alla mánudaga til fimmtudaga í vetur kl: 18:30 á RÁS 1 þar sem við ætlum að skemmta okkur saman, læra um alls konar spennandi hluti sem tengjast menningu, vísindum, sögum og fréttum, hlusta á skemmtilega tónlist og fá til okkar krakka í spjall.

Heyrumst!

Þáttastjórnendur:

Ingibjörg Fríða Helgadóttir, Jóhannes Ólafsson og Sævar Helgi Bragason.

Fjögurra þátta sería um fjölskyldur þar sem fjallað verður um alls kyns fjölskyldur, stórar og smáar, og daglegt líf þeirra.

Í hverjum þætti verður flutt stutt útvarpsleikrit eftir nemendur í Borgarholtsskóla, sem þau unnu í samvinnu við Einar Sigurðsson hjá útvarpsleikhúsi RÚV, en þema þeirra er fjölskyldur. Við fáum líka góða gesti í spjall og heyrum í kátum krökkum úr Snælandsskóla sem segja okkur frá fjölskyldunum sínum.

Í þriðja þætti köfum við ofan í efni síðasta útvarpsleikrits, en það fjölskyldur með samkynhneigða foreldra. Ásta Rún Valgerðardóttir segir okkur frá nýju bókinni sinni, Fjölskyldan mín og við frumflytjum þriðja þátt úr útvarpsleikritaseríunni Ekki er allt sem sýnist. Höfundur er Bergur Hrafn Jónsson. Efni leikritsins er stríðni og mikilvægi samverustunda fjölskyldunnar og við fjöllum um það með henni Bryndísi frá Heimili og skóla.

Viðmælendur:

Óli Björn Arnbjörnsson, 11 að verða 12 ára

Christopher Einar Clapcott, 11 ára

Stefán Böðvarsson, 11 ára

Sunna Hauksdóttir, 11 ára

Ásta Rún Valgerðardóttir, höfundur bókarinnar Fjölskyldan mín

Margrét Birna Þórarinsdóttir, sálfræðingur

Bryndís Jónsdóttir, verkefnastjóri hjá Heimili og skóla

Umsjón: Ingibjörg Fríða Helgadóttir

Þriðji þáttur af fjórum

Var aðgengilegt til 22. júlí 2021.

Lengd: 20 mín.

Endurflutt.

22. júlí - Glamping, Elfar Logi, sóttvarnarhús, FÍB, hreindýraveiðar

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjónarmenn eru Guðrún Dís Emilsdóttir og Atli Fannar Bjarkason.

Morgunútvarpið vekur hlustendur með glóðvolgum fréttum, snarpri og líflegri umfjöllun um samfélagsmál. Umsjónarmenn eru Guðrún Dís Emilsdóttir og Atli Fannar Bjarkason.

Hvað er glamping eiginlega? Bjarni Freyr Báruson hjá Volcano Huts í Þórsmörk sagði okkur frá því.

Elfar Logi Hannesson leikari hefur brugðið sér í hlutverk margra kappa og hann er ekki óvanur að eiga sviðið einn. Nú leikur hann listamanninn með barnshjartað, Samúel Jónsson, í listasafni Samúels í Selárdal. Hulda var á ferð þar fyrir skemmstu og hitti einmitt á Elfar í kjölfar frumsýningar einleiks um Samúel.

Gylfi Þór Þorsteinsson hefur í nógu að snúast í sóttvarnarhúsinu við Rauðarárstíg, Þar dvelja nú 25 manns og þar af 5 með staðfest smit. Gylfi Þór sagði okkur frá starfinu þar.

Runólfur Ólafsson, framkvæmdastjóri FÍB, ræddi við okkur um ábyrgð og þjónustu umboða gagnvart sjálfstætt innfluttum bílum. Misræmi sé þarna á milli og talað sé um gráan markað. Þá sagði hann okkur frá FÍB Aðstoðinni sem félagsmenn njóta um allt land.

Hreindýraveiðar hófust í síðustu viku en á þessum tíma má einungis veiða tarfa. Strangar reglur gilda um hreindýraveiðar hér á landi og við slógum á þráðinn austur á hreindýraslóð og heyrðum í Jóhanni Guttormi Gunnarssyni hjá Umhverfisstofnun sem veit meira um málið.

Tónlist:

Ragnheiður Gröndal - Flowers in the morning.

Foo Fighters - Walking after you.

Kiriyama Family - Every time you go.

Guðni Þór - Ive been waiting.

Moses Hightower - Bílalest út úr bænum.

Á móti sól - Nýjar syndir.

Lenny Kravitz - Ride.

Travis - Sing.

U2 - Ordinary love.

Umsjón: Hulda G. Geirsdóttir og Rúnar Róbertsson

Var aðgengilegt til 22. júlí 2021.

Lengd: 2 klst. 10 mín.