Við heyrum aftur sögurnar sem sagðar voru í þáttaröðinni Sögum af landi, sem var á dagskrá Rásar 1 frá árinu 2015-2023. Þar var flakkað um landið, rætt við fólk sem hafði sögur að segja, kynntir voru áhugaverðir staðir og fréttamál líðandi stundar skoðuð - oft með nýjum augum. Efni í þættina unnu frétta- og dagskrárgerðarfólk RÚV um allt land.

Umsjón: Gígja Hólmgeirsdóttir

Þáttur frá 13. nóvember 2016: Þessi þáttur er helgaður heilbrigðismálum, við fáum innsýn í þann vanda sem erfiðar samgöngur valda heilbrigðisstéttum á Vestfjörðum, heyrum af flensusprautum á einkarekinni heilsugæslu og ræðum geðheilbrigðismál á Akureyrir og forvitnumst um lýðheilsuvísindi og fleira.

Innslög í þáttinn unnu þau Dagur Gunnarsson, Halla Ólafsdóttir, Þórgunnur Oddsdóttir og Sunna Valgerðardóttir.

Umsjón með endurliti: Gígja Hólmgeirsdóttir.

Bæn og hugleiðing að morgni dags.

Vínil plata úr safninu dregin fram og spiluð í heild.

Í þetta sinn varð fyrir valinu hljómplatan Legend með Bob Marley and the Wailers sem kom út árið 1984. Það er kannski smá svindl að velja safnplötu sem vínil vikunnar, en þetta er mest selda reggae plata allra tíma og mest selda plata Bob Marley og hún er á fjölda lista yfir bestu hljómplötur allra tíma.

A-hlið:

Is This Love

No Woman, No Cry

Could You be Loved

Three Little Birds

Buffalo Soldier

Get Up, Stand Up

Stir It Up

B-hlið:

One Love / People Get Ready

I Shot the Sheriff

Waiting in Vain

Redemption Song

Satisfy My Soul

Exodus

Jamming

Útvarpsfréttir.

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Umsjón: Kristján Kristjánsson.

frá Veðurstofu Íslands.

Í þáttaröðinni fjallar Þorkell Gunnar Sigurbjörnsson íþróttafréttamaður um fyrstu fótboltamennina frá gömlu Júgóslavíu sem komu til Íslands á árunum 1989-1992 til að spila fótbolta og settust svo hér að. Framleiðandi: Þorgerður E. Sigurðardóttir. Hljóðmynd: Jón Þór Helgason.

Umsjón: Þorkell Gunnar Sigurbjörnsson

Með góðri frammistöðu Júgóslavana sem komu fyrstir til að spila fótbolta á Íslandi litu íslensk félög sífellt meira til Balkanskagans í leit að styrkingu. Árið 1992 voru minnst 20 leikmenn frá gömlu Júgóslavíu sem spiluðu í efstu fjórum deildum Íslandsmótsins. Rætt er við Milan Stefán Jankovic, Hajrudin Cardaklija, Zoran Daniel Ljubicic, Ejub Purisevic, Hjörvar Hafliðason og Luka Lúkas Kostic .

Farið yfir helstu fréttir vikunnar í spjalli við fólkið í fréttunum og fréttaskýrendur.

Í þættinum er fjallað er alþjóðamál. Árás Bandaríkjahers á Venesúela og afleiðingar og eftirmála hennar, mögulegt hernám Bandaríkjanna á Grænlandi, mótmælin í Íran og fleiri erlend fréttamál.

Gestir þáttarins í eru Helgi Hrafn Gunnarsson, tækniráðgjafi og fyrrverandi þingmaður, Guðbjörg Ríkey Thoroddsen Hauksdóttir sérfræðingur hjá Alþjóðamálastofnun og Bjarni Bragi Kjartansson Alþjóðstjórnmálafræðingur.

Umsjónarmaður: Ingi Freyr Vilhjálmsson

Tæknimaður: Jón Þór Helgason

Tónlist héðan og þaðan

Íslenskt lag eða tónverk.

Útvarpsfréttir.

Fjölmenni hefur safnast saman á ráðhústorginu í Kaupmannahöfn og víðar í Danmörku til að mótmæla stefnu Bandaríkjaforseta um innlimun Grænlands. Grænlendingar hafa boðað til mótmælafunda í Nuuk síðar í dag.

Heilbrigðisráðherra segir ljóst að gera þurfi betur í geðheilbrigðisþjónustu við fanga. Fangar á Hverfisgötu hafa brátt aðgang að þjónustunni allan sólarhringinn.

Búist er við að brottvísanir Sýrlendinga frá Þýskalandi verði meðal helstu umræðuefna þegar forseti Sýrlands kemur opinbera heimsókn til Þýskalands á þriðjudag.

Ólöglegt niðurrif var stöðvað í Kópavogi í gær þegar til stóð að rífa gömlu bæjarskrifstofur bæjarins. Vinnuvélar voru byrjaðar að rífa niður húsið þegar framkvæmdin var stöðvuð.

Álagning olíufélaganna á eldsneytisverð er sögulega há, að sögn sviðsstjóra hagfræði- og greiningasviðs ASÍ. Eldsneytisverð hefur lækkað í takt við væntingar eftir að kílómetragjaldið tók gildi.

Sex leikir fara fram á Evrópumóti karlalandsliða í handbolta í dag. Dagur Sigurðsson mætir til leiks á sínu þriðja stórmóti sem landsliðsþjálfari Króatíu

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Í framhaldsnámi sem einleikari á píanó áttaði Ingibjörg Ýr Skarphéðinsdóttir sig á því að hún væri ekki efni í píanóleikara, því hana langaði meira að semja tónlist frekar en að spila hana. Hún fór því í nám í tónsmíðum og hefur samið ýmiskonar verk síðan, til að mynda verk fyrir listhópinn Hlökk, sem hún er í, og sönglög við ljóð eftir nöfnu sína Ingibjörgu Haraldsdóttur í félagi við aðra nöfnu sína, Ingibjörgu Fríðu Helgadóttur.

Lagalisti

Konan í speglinum - Upphaf

Óútgefið - O

Óútgefið - að elska er að sökkva

Hulduhljóð - Hulduhvísl (huldufuglar)

Dúo Freyja - Undiralda

Konan í speglinum - Símtal

Í Kúrs gerast nemendur við Háskóla Íslands dagskrárgerðarmenn; segja sögur, kafa í fræðin og spyrja spurninga. Leiðbeinendur: Þorgerður E. Sigurðardóttir og Anna Marsibil Clausen.

Af hverju lesum við ekki um byltingar í íslenskri sögu? Þátturinn byggir að mestu leyti á viðtölum við tvo íslenska fræðimenn á skrifstofum þeirra í Árnagarði auk hugleiðinga höfundar um efnið.

Umsjón Þór Martinsson

Veturinn 2009-2010 fékk Ævar Kjartansson Pál Skúlason, heimspeking og fyrrverandi háskólarektor, til liðs við sig til þess að fjalla um grunnhugmyndir í okkar samtíma. Í fyrsta þættinum spjölluðu þeir um eðli hugmynda almennt en fengu síðan til sín fræðimenn á ýmsum sviðum til þess að ræða hugmyndina um þjóðina, ríkið, samfélagið, hamingjuna, frelsið svo eitthvað sé nefnt.

Gestur Vigdís Finnbogadóttir fyrrverandi forseti. Þau ræða spurninguna hver erum við, hverjir eru þessir Íslendingar?

Umsjón: Ævar Kjartansson og Páll Skúlason

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Á dagskránni í dag: Íslensku bókahönnunarverðlaunin voru afhent í fyrsta sinn, vísindaskáldskapur og innrás utan úr geimnum í Guðir og og annað fólk eftir Steingrím Dúa og samtal þriggja kynslóða og áhugi á sögum sinna nánustu í unglingabókinni Silfurgengið eftir Brynhildi Þórarinsdóttur.

Viðmælendur: Anton Jónas Illugason, Kristján B. Jónasson, Steingrímur Dúi Másson og Brynhildur Þórarinsdóttir.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Pétur Grétarsson ræðir við saxófón- og klarinettuleikarann Sölva Kolbeinsson um nýja plötu hans með Hilmari Jenssyni og Magnúsi Trygvasyni Elíassen. Einnig er rætt um glímuna við tónlistina, götin í hlustuninni og margt fleira.

Fréttir

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Annar þáttur um sögu Sómalíu.

frá Veðurstofu Íslands

Sveiflutónlist og söngdansar að hætti hússins.

Kvartett Francesco Cafiso flytur lögin My Old Flame, Imagination, Polka Dots and Moonbeams, Lullaby of Birdland, What's New og Speak Low. Kvintett Rene Thomas leikur lögin Ruby My Dear, Milestones, Like Someone In Love, M.T.C., Spontaneous Effort og Green Street Scene. Van Morrison ásamt Georgie Fame and Friends flytja lögin Heathrow Shuffle, Your Mind Is On Vacation, Who Can I Turn To, Sack o'woe, How Long Has This Been Going On, That's Life og Moondance.

Þáttur um íslensku og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir

Gjaldskylda fékk flest atkvæði í kosningu um orð ársins 2025. Það vakti athygli á nýliðnu ári þegar erlendir ferðamenn merktu myndir við þekkta ferðamannastaði með staðsetningunni Gjaldskylda. Draga mátti þá ályktun að þeir teldu að staðurinn héti það. Fjallað var um orðin tíu sem hægt var að kjósa um og rifjuð upp nokkur orð fyrri ára.

Í Sagnaslóð er víða leitað fanga. Sagt er frá mönnum og málefnum fyrri tíma. Umsjónarmenn: Birgir Sveinbjörnsson og Jón Ormar Ormsson

Þættir frá vetrinum 2008-2009

Fjallað um Guðrúnu Björnsdóttur frá Kornsá en hún var skólastjóri Barnaskólans á Siglufirði 1909-1918.

Lesið er úr bók Guðrúnar ,,Íslenskar kvenhetjur". Lesari með umsjónarmanni er Anna Helgadóttir.

Umsjón: Birgir Sveinbjörnsson

frá Veðurstofu Íslands

Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Litla flugan á stefnumót við sænsku hljómsveitina Sven Ingvars í þættinum.

Farið yfir helstu fréttir vikunnar í spjalli við fólkið í fréttunum og fréttaskýrendur.

Í þættinum er fjallað er alþjóðamál. Árás Bandaríkjahers á Venesúela og afleiðingar og eftirmála hennar, mögulegt hernám Bandaríkjanna á Grænlandi, mótmælin í Íran og fleiri erlend fréttamál.

Gestir þáttarins í eru Helgi Hrafn Gunnarsson, tækniráðgjafi og fyrrverandi þingmaður, Guðbjörg Ríkey Thoroddsen Hauksdóttir sérfræðingur hjá Alþjóðamálastofnun og Bjarni Bragi Kjartansson Alþjóðstjórnmálafræðingur.

Umsjónarmaður: Ingi Freyr Vilhjálmsson

Tæknimaður: Jón Þór Helgason