Útvarp - Spilari RÚV

Vínil plata úr safninu dregin fram og spiluð í heild.

Vísindaskáldsöguhöfundurinn og kenningasmiðurinn Ursula K. Le Guin á vínil vikunnar að sinni, plötu sem hún gerði ásamt tónlistarmanninum Todd Barton sem hverfist í kringum Kesh þjóðflokkinn sem kemur fyrir í skáldsögu Le Guin, Always Coming Home. Platan: Music and Poetry of the Kesh er heimildaskráning - hálfgerð mannfræðirannsókn á þessum skáldaða þjóðflokki sem dvelur í Napa dalnum í Norður Kaliforníu í fjarlægri framtíð, í kjölfar heimsendis.

Eftir að hafa lifað af vistfræðilegar hamfarir af völdum viðstöðulausrar iðnvæðingar, hefur Kesh fólkið byggt upp friðsælt samfélag. Það hafnar stjórnkerfum og aðþrengdum kynjaskilgreiningum. Það viðheldur sjálfbærum íbúafjölda, varðveitir auðlindir, og rekur heilbrigt samfélag þar sem allir leggja sitt af mörkum til velferðar þess.

Skáldsagan sem gefin var út 1985 er sérlega metnaðarfull og inniheldur ýmis fylgigögn. Bókin sjálf er rúmlega fimm hundruð blaðsíður að lengd og inniheldur myndskreytingar af hljóðfærum og verkfærum, kort, orðabók, uppskriftir, ljóð, stafróf tilbúins tungumáls sem Le Guin bjó til til að geta samið söngtexta á öðru máli en ensku og, í fyrstu útgáfunum, snældu með „umhverfisupptökum“ og söngvum þessa ímyndaða fólks. Le Guin vildi heyra í fólkinu sem hún hafði skapað. Hún stofnaði til umfangsmikils samstarfs við vin sinn, Todd Barton, til að kalla fram andblæ þess og hefðir. Þessi snælda var endurútgefin á vínil 2018, stuttu eftir andlát Le Guin og er það platan sem sett verður á fóninn í dag.

A1 Heron Dance

A2 Twilight Song

A3 Yes-Singing

A4 Dragonfly Song

A5 A Homesick Song

A6 The Willows

A7 Lullaby - Lahela

B1 Long Singing

B2 The Quail Song

B3 A Teaching Poem

B4 A River Song

B5 Sun Dance Poem

B6 A Music of the Eighth House

Umsjón: Pétur Eggertsson

Aðgengilegt til: Rennur ekki út.

Lengd: 49 mín.

Endurflutt

08:00

Morgunfréttir

Morgunfréttir 19. september 2026

08:05

Tónleikur

Ljóðaflokkar

Tónleikurinn áskilur sér rétt til að fara í allar áttir, ákveðin tónskáld verða tekin fyrir í sumum þáttum, í öðrum eltir þáttastjórnandi ákveðnar tilfinningar, liti eða kenndir. Aðrir tónlistarmenn en tónskáld verða líka til umfjöllunar, flytjendur teknir tali og spurðir spjörunum úr. Einnig verður farið í ferðalög útfrá nöfnum og verkum tónskálda sem eru á dagskrá hjá Sinfóníuhljómsveit Íslands eða á öðrum vettvangi þau skoðuð í víðu samhengi og leikin önnur verk eftir sömu tónskáld.

Umsjón: Ingibjörg Eyþórsdóttir

Í þessum þætti verða fluttir tveir ljóðaflokkar fyrir rödd og sinfóníuhljómsveit sem samdir eru með 45 ára millibili, en þó er tónmálið mjög skylt og umfjöllunarefnið sömuleiðis. Sá eldri er Rückert Lieder eftir Gustav Mahler, flokkur fimm laga sem voru samin á árunum 1901-02. Hann er fluttur af Jose van Dam baritónsöngvara ásamt Þjóðarhljómsveitinni í Lille í Frakklandi, undir stjórn Jean-Claude Casadesus. Sá yngri erVier letzte Lieder, sem Richard Strauss samdi árið 1946, hér fluttur af Jessye Norman sópransöngkonu og Gewandhausorchester í Leipzig undir stjórn Kurt Masur.

Umfjöllunarefni ljóðanna við öll þessi lög er hárómantískt, og ekki að heyra að á milli þeirra hafi liðið einhver örlagaríkasti tími í Evrópu á síðari tímum.

Ekki leyfi fyrir netáhorf eftir útsendingu.

Lengd: 51 mín.