Fór seðlabankastjóri yfir strikið í viðtali við Morgunblaðið í dag? Í viðtalinu fer seðlabankastjóri hörðum - og jafnvel háðslegum - orðum um forystu verkalýðshreyfingarinnar, sem hann segir að hafi ásamt meðvirkni Samtaka atvinnulífsins og ríkissáttasemjara hellt olíu á verðbólgubálið. Þá sakar hann fyrrverandi ríkissáttasemjara um afskiptasemi af vaxtastefnu bankans. Aðalsteinn Leifsson, fyrrverandi ríkissáttasemjari, sakar seðlabankastjóra um trúnaðarbrest. Flosi Eiríksson, fyrrverandi framkvæmdastjóri Starfsgreinasambandsins, og Þorsteinn Víglundsson, fyrrverandi framkvæmdastjóri Samtaka atvinnulífsins og félagsmálaráðherra, ræða málið í Kastljósi.

Bandý-íþróttin á Íslandi er fámenn en góðmenn að sögn iðkenda. Íslendingar eru heldur engir aukvisar, karlalandsliðið er í 20. sæti á styrkleikalista alþjóðabandýsambandsins og kvennalandsliðið fór í sína fyrstu utanlandsferð á dögunum og lék nokkra æfingaleiki í Svíþjóð. Kastljós fór á æfingu hjá bandý-deild HK.