Loftmengun á höfuðborgarsvæðinu sprengdi alla skala í janúar og var tvöfalt meiri en viðmiðunarmörk eru á heilu ári. Og þetta var bara bílaútblásturinn, við eigum enn eftir að fá svifryksmengunina sem losnar úr læðingi þegar það hlýnar og þornar. En hvernig er loftmengun mæld? Hver eru áhrif hennar og hvaða leiðir eru skilvirkastar til að draga úr henni? Kastljós kannaði málið.

Krabbameinstilfellum á Íslandi mun fjölga um helming til ársins 2040 gangi ný spá eftir. Tækifærið til að bregðast við fjölguninni er núna segir framkvæmdastjóri Krabbameinsfélagsins. Skýringin á fjölguninni er ekki sú að líkurnar á því að fá krabbamein séu að aukast, heldur fyrst og fremst vegna þess að þjóðin er að eldast.

Vetrarhátíð í Reykjavík var sett í kvöld. Kastljós ræddi við tvo listamenn sem koma fram á hátíðinni í ár.