Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.

Í dag var kynnt framkvæmdaáætlun um nýja þjóðarhöll sem rísa á í Laugardalnum í Reykjavík. Áætlað er að hún verði 19 þúsund fermetrar að stærð og taki ríflega átta þúsund áhorfendur í sæti. Kostnaður við höllina er áætlaður fimmtán milljarðar og hún á að vera tilbúin haustið 2025. Er þetta raunhæf áætlun? Ásmundur Einar Daðason, ráðherra íþróttamála, ræddi um höllina.

Þrjú ár eru liðin frá því að snjóflóð féll á Flateyri sem olli stórtjóni og rifjaði líka upp sárar minningar frá flóðinu árið 1995 sem kostaði tuttugu manns lífið. Endurbótum á snjóflóðavörnum var lofað en hver er staðan þremur árum síðar? Kastljós ræddi við Örnu Láru Jónsdóttur, bæjarstjóra í Ísafjarðarbæ um tjónið og fyrirhugaða enduruppbyggingu.

Heimavist íþróttakennarskólans á Laugarvatni fær nýtt hlutverk á næstu vikum þegar þar verða hýstir allt að sextíu umsækjendur um alþjóðlega vernd. Fólkið mun dvelja á Laugarvatni í allt að sex mánuði, á meðan umsóknir þeirra fá afgreiðslu í kerfinu, en fólk fær ekki atvinnuleyfi fyrr en umsókn þeirra hefur verið samþykkt. Stefnt er að því að nýta húsnæðið fyrir konur einar á ferð, pör og litlar fjölskyldur. Rætt við sveitarstjóra Bláskógarbyggðar á Laugarvatni og forstjóra Vinnumálastofnunar.

Spurningakeppni sveitarfélaga. Umsjónarmenn eru Sigmar Guðmundsson og Þóra Arnórsdóttir. Spurningahöfundar: Ævar Örn Jósepsson og Sigyn Blöndal. Dómari: Sveinn Guðmarsson. Stjórn útsendingar: Helgi Jóhannesson.

Spaugstofumennirnir Karl Ágúst Úlfsson, Pálmi Gestsson, Randver Þorláksson, Sigurður Sigurjónsson og Örn Árnason bregða á leik. Þáttaröð frá 1996. Stjórn upptöku: Sigurður Snæberg Jónsson.

Hvernig hugsa helstu listamenn og hugsuðir Svíþjóðar og hvaðan sækja þau sér innblástur og hvatningu? Í þessum þáttum er rætt við sænska meistara um sköpunarferlið, ákvarðanatöku og það hvernig mistök geta leitt til nýrra sigra.

Áttunda þáttaröð þessara margverðlaunuðu þátta sem vakið hafa athygli fyrir nýstárleg og frumleg efnistök. Fólk með þroskahömlun vinnur þættina með fagfólki í sjónvarpsgerð og miðlar þannig fjölbreytileika íslensks samfélags. Dagskrárgerð: Elín Sveinsdóttir.

Í öðrum þætti af Með okkar augum hittum við fyrir sterkustu fötluðu menn Íslands, við kynnumst listinni í lífi Láru Lilju sem málar svo fallegar myndir, eigum alvöru samtal með okkar augum við Helga Björns tónlistarmann, hittum Daníel sem stendur sig vel í vinnunni hjá Jötunn á Egilsstöðum, ræðum um ofbeldi gegn fötluðu fólki og svo eru auðvitað föstu liðirnir eins og Árið með Andra Frey, Góðir siðir og Smakkið.

Finnlands-sænskir lífsstílsþættir þar sem meðal annars er fjallað um matreiðslu, garðyrkju og föndur.

Brot úr menningarumfjöllun liðinnar viku. Fjallað á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu.

Egill Helgason tengir bækur við ýmsa staði á landinu.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason.

Leikkonunar Áróra Halldórsdóttir, Nína Sveinsdóttir og Emilía Jónasdóttir fóru á kostum með leik og söng i revíusýningum í Iðnó og Sjálfstæðishúsinu á fyrri hluta síðustu aldar. Flutt eru atriði úr vinsælum revíum og þær rifja upp margar góðar stundir sem þær áttu á leiksviðinu. Dagskrárefnið er úr safni RÚV. Umsjón og dagskrárgerð: Andrés Indriðason.

Páll býr með fjölskyldu sinni í notalegu bresku smáþorpi og lendir í ýmsum póstburðartengdum ævintýrum.

Jasmín og Jómbi eru góðir vinir sem elska tónlist og njóta tónanna sem óma um Hljómbæ.

Kortó, Mýsla og Eik eru ákveðin að sigra Hvalabikarkeppnina, drónaflugkeppni sem leiða á í ljós hver verður arftaki vistfræðisnillingsins Hvals Hvíta.

En Tíkíliðið sækist ekki aðeins eftir sigri; aðeins með því að komast í læri hjá Hval Hvíta fá þau aðgang að nýjustu vistvísindunum og geta forðað því að eyjan þeirra hverfi í hafið.

Helstu fréttir settar fram á einfaldan og aðgengilegan hátt.

Krakkafréttir dagsins: 1. Löng bið eftir einhverfugreiningu 2. Webb staðfestir tilvist fjarreikistjörnu í fyrsta sinn 3. Ísland komið áfram í milliriðil

Umsjón: Kolbrún María Másdóttir

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.

Íbúar á Suðurnesjum voru á án rafmagns, heitavatns og símasambands í um tvær klukkustundir vegna bilunar á Suðurnesjalínu. Raforkuöryggi hefur verið í brennidepli á Suðurnesjum í mörg ár. Landsnet vill leggja Suðurnesjalínu 2 og hefur fengið framkvæmdaleyfi frá þremur af fjórum sveitarfélögum á svæðinum, öllum nema Vogum, sem vill að línan verði grafin í jörð frekar en loftlína. Skipulagsráð Voga ætlar að skjóta málinu til Skipulagsstofnunar en bæjarstjórn Reykjanesbæjar skorar á Voga og Landsnet að leysa úr ágreiningnum hið snarasta. Kastljós ræddi við Gunnar Axel Axelsson, bæjarstjóra í Vogum, og Kjartan Má Kjartansson, bæjarstjóra í Reykjanesbæ.

Rafsegulmeðferð á heila hljómar eins og martröð úr fortíðinni þegar sársaukafullum raflostsmeðferðum var miskunnarlaust beitt á sjúklinga með alvarlega geðsjúkdóma með misgóðum árangri. Þó svo að raflostsmeðferðir séu ekki sársaukafullar lengur er rafsegulmeðferð af öðrum toga og er reyndar talin vera ein af mestu framfaraskrefum sem stigin hafa verið í meðferð þunglyndis á undanförnum áratugum.

Sundlaugin á Selfossi var opnuð í síðustu viku eftir að hafa verið lokuð í mánuð vegna skorts á heitu vatni. Heitu pottarnir eru hins vegar enn lokaðir, fastagestum til mikils ama. Sigríður Dögg skrapp í sund.

Kveikur er fréttaskýringaþáttur þar sem áhersla er lögð á rannsóknarblaðamennsku og almennar fréttaskýringar. Ritstjórn og dagskrárgerð: Ingólfur Bjarni Sigfússon, Arnar Þórisson, Arnhildur Hálfdánardóttir, Árni Þór Theodórsson, Ingvar Haukur Guðmundsson, Jóhann Bjarni Kolbeinsson, Karl Newman, María Sigrún Hilmarsdóttir og Tryggvi Aðalbjörnsson.

Kveikur fjallar um sílíkonbrjóstapúða og þær aukaverkanir sem þeir geta haft. Þrjár konur lýsa reynslu sinni og veikindum eftir að hafa látið græða í sig sílíkonpúða. Sérfræðingar segja einnig frá nýjustu rannsóknum sem benda til þess að BII, breast implant illness eða brjóstapúðaveiki, þurfi að taka alvarlega.

Sænskir heimildarþættir frá 2021. Stór hluti daglegs lífs okkar er stafrænn - en hversu örugg er staða okkar í stafrænum heimi? Í þáttunum taka þrautreyndir tölvuhakkarar sig til og brjótast inn í tölvur hjá einstaklingum og fyrirtækjum, bara til að sýna okkur hinum hversu sáraeinfalt það er að komast yfir gögn - og líf - fólks með því að hakka tilveru þeirra.

Gamanþættir frá BBC. Leslie Winner ber ekki alveg nafn með rentu því þrátt fyrir að vera óbilandi bjartsýnismaður lendir hann sífellt í óheppilegum uppákomum. Aðalhlutverk: Spencer Jones, Lucy Pearman og Shaun Williamsson.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Ástralskir spennuþættir. Meghan er vinsæll áhrifavaldur á samfélagsmiðlum en Agatha vinafár hilluraðari í stórmarkaði. Þær eiga fátt sameiginlegt annað en eitt eldfimt leyndarmál sem gæti steypt allri þeirra tilveru í glötun og að vera báðar komnar á steypirinn. Þegar þær hittast fyrir tilviljun fer af stað atburðarás með ófyrirséðum afleiðingum. Þættirnir eru ekki við hæfi barna yngri en 12 ára.

Sjötta þáttaröðin af þessum vinsæla spennumyndaflokki frá BBC um lögreglumann sem ásamt samstarfskonu sinni er falið að rannsaka spillingu innan lögreglunnar. Þættirnir hafa unnið til ýmissa verðlauna og endurtekið slegið áhorfsmet í heimalandi sínu, Bretlandi. Leikarar: Martin Compston, Vicky McClure og Adrian Dunbar. Þættirnir eru ekki við hæfi barna yngri en 16 ára.