Tillý býr í gulu húsi með fimm góðum vinum. Krókódíl, svíni, hænu, fíl og kanínu. Þau sýna og sanna að vináttan er það besta í heimi.
Lærið um tölustafina með Tölukubbunum!
Gamansamir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það, enda eru ævintýrin hjá stórri fjölskyldu mörg og ímyndunaraflið mikið.
Eddi strútapabbi býður krökkunum sínum upp á holla lautarferð en sumir kjósa frekar að borða ormana!
Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.
Fjórða þáttaröðin um vinalega hundinn Sám og krílin sem vinna sér inn merki á leikskólanum hans.
Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.
Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.
Fimmta þáttaröð um hrútinn Hrein. Hreinn leiðir hinar kindurnar í alls kyns vandræði og raskar ró friðsæls dals með uppátækjasemi sinni.
Önnur þáttaröð af Monsunum Kára, Villa og Hönnu sem lenda í alls kyns ævintýrum og þurfa að standa saman til að takast á við illmennið Ívar.
Kortó, Mýsla og Eik eru álveðin að sigra Hvalabikarkeppnina, drónaflugkeppni sem leiða á í ljós hver verður arftaki vistfræðisnillingsins Hvals Hvíta og þar af leiðandi fá aðgang að nýjustu vistvísindunum til geta forðað því að eyjan þeirra hverfi í hafið.
Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.
Skemmtilegir þættir um hina ástsælu Múmínálfa Tove Jansson og ævintýri þeirra.
Stærðfræðiofurhetjurnar Millý, Geó og Bói hjálpa krökkum að læra tölur, form og mynstur.
Fallegir teiknimyndaþættir um óvenjulega vináttu bjarnarins Ernests og músarinnar Célestine.
Breskir heimildarþættir frá 2020. Getur smokkfiskur sökkt skipi? Er kóngulóarvefur sterkari en stál? Vinirnir Tim Warwood og Adam Gendle hætta lífi sínu til að komast að athyglisverðum sannleika um hin ýmsu dýr.
Fimmtánda þáttaröð þessara margverðlaunuðu þátta sem vakið hafa athygli fyrir nýstárleg og frumleg efnistök. Fólk með þroskahömlun vinnur þættina með fagfólki í sjónvarpsgerð og miðlar þannig fjölbreytileika íslensks samfélags. Umsjón: Andri Freyr Hilmarsson, Ásgeir Tómas Arnarson, Elva Björg Gunnarsdóttir, Katrín Guðrún Tryggvadóttir, Magnús Orri Arnarson og Steinunn Ása Þorvaldsdóttir. Dagskrárgerð: Elín Sveinsdóttir.
Í þættinum tökum við meðal annars opinskátt viðtal við athafnamanninn Skúla Mogensen í Hvammsvík, tökum lagið með Ágústu Evu Erlendsdóttur og förum út að borða á Jóni Forseta.
Heimildarþáttur um Eyrbyggja sögu þar sem Magnús Jónsson, sögumaður, leiðir áhorfendur um Snæfellsnes um leið og hann segir frá ástarsögu Björns Breiðvíkingakappa og Þuríðar á Fróðá, systur Snorra goða. Framleiðandi: Sögubókin.
Steinsteypuöldin er þáttaröð í umsjón Egils Helgasonar og Péturs H. Ármannssonar. Þar er rakin saga byggingarlistar og borgarskipulags í Reykjavík á tuttugustu öld. Þáttaröðin hefst 1915, í stórbrunanum þar sem eyddust fjölmörg timburhús í bænum. Þá hófst tími steinsteypuhúsanna. Dagskrárgerð: Ragnheiður Thorsteinsson.
Sænska bakstursdrottningin Camilla Hamid ferðast til Marokkó til að kynnast uppruna sínum og læra að baka að marokkóskum sið.
Íslenskur heimildarþáttur um hvernig hægt er að nýta skapandi tónlistarmiðlun til að hjálpa fólki til virkni í samfélaginu. Í þættinum fylgjumst við með stofnun Kodu Samfóníu, 35 manna hljómsveitar sem samanstendur af fólki sem hefur leitað sér hjálpar hjá starfsendurhæfingarstöðvum, hljóðfæraleikurum úr Sinfóníuhljómsveit Íslands og nemendum og starfsfólki við skapandi tónlistarmiðlun í Listaháskóla Íslands. Dagskrárgerð: Anna Hildur Hildibrandsdóttir.
Sænskir þættir þar sem fylgst er með fólki gera upp draumahúsnæðið sitt.
Heimildarþættir frá 2023. Í seinni heimsstyrjöldinni handtóku Bretar tæplega fimmtíu Íslendinga, fluttu þá til Englands og lokuðu þá inni mánuðum og árum saman án dóms og laga. Þáttaröðin Fangar Breta segir sögu þessa fólks á fróðlegan hátt.
Skipverjar á Arctic sættu stórfelldum misþyrmingum og pyntingum. Tveir þeirra létust í haldi Breta.
Fjögurra þátta röð um þá sem enn stunda hefðbundinn búskap við innanvert Ísafjarðardjúp. Saga búskapar er rakin og spáð í framtíðina á einlægan og raunsæjan hátt. Tónlistina samdi Mugison en Þóra Arnórsdóttir og Ásdís Ólafsdóttir önnuðust dagskrárgerð.
Danskir þættir um ungt par sem vill einfalda líf sitt og hefur búskap.
Heimildarþættir um samfélagsmiðla í umsjón Ragnhildar Steinunnar Jónsdóttur og Viktoríu Hermannsdóttur. Í þáttunum rýnum við í samfélagsmiðlanotkun Íslendinga og skoðum hvaða áhrif þeir hafa á líf okkar og sjálfsmynd. Dagskrárgerð: Eiríkur Ingi Böðvarsson.
Í þessum þætti skoðum við markaðssetningu á samfélagsmiðlum og skyggnumst inn í líf nokkurra áhrifavalda.
Loft hefur svifið um loftin blá frá örófi alda án þess að lenda nokkurn tímann á jörðu. Það kynnist ævintýralegri tilvist mannsbarna í gegnum sjónaukann sinn og endurspeglar sjálft sig í þeim.
Loft hefur loksins fundið klútinn sinn en þarf nú að finna út úr því hvernig það nær honum til baka! Áróra nær að gera við hjólið sitt alveg sjálf og Sunna lætur krakkana keppa í reipitogi.
Víkingaprinsessan Guðrún býr úti í óbyggðum og á í sterku samband við náttúruna og dýrin.
Vísindin eru alls staðar í kringum okkur! Grímur og Snæfríður skoða vísindin á bak við hversdagsleg fyrirbæri, eins og brauðrist og gleraugu.
Umsjón: Grímur Chunkuo Ólafsson og Snæfríður Edda Ragnarsdóttir Thoroddsen
Dagskrárgerð: Eva Rún Þorgeirsdóttir og Elvar Egilsson
Grímur og Snæfríður kanna ósköp hversdagslegt fyrirbæri sem skiptir okkur samt svo miklu máli: Klósett!
Stutt umfjöllun Sumarlandans sem var á flakki sumarið 2021 og hitti landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring. Umsjónarmenn: Gísli Einarsson, Guðríður Helgadóttir, Hafsteinn Vilhelmsson, Helga Margrét Höskuldsdóttir, Þórhildur Þorkelsdóttir og fleiri.
Heimildarþáttaröð í sex þáttum þar sem íslensk ljósmyndun er skoðuð út frá sjónarhorni lista, landslags, samtímans, skrásetningar, fréttaflutnings, fortíðar og framtíðar. Umsjón: Anna Gyða Sigurgísladóttir og Katrín Ásmundsdóttir. Stjórn upptöku og framleiðsla: Hrafnhildur Gunnarsdóttir.
Í þættinum er fjallað um frétta- og blaðaljósmyndun og tilgang hennar. Greinin er ung á Íslandi þar sem dagblöð komu frekar seint fram á sjónarsviðið. Þrátt fyrir það var hér á tímabili svokölluð gullöld blaðaljósmyndunar en hún er liðin undir lok enda er fjölmiðlaumhverfi gjörbreytt á stafrænum tímum. Þrátt fyrir það hefur mikilvægi og áhrifamáttur fréttamyndanna aldrei breyst.
Íþróttafréttir.
Heimildarþáttaröð þar sem sveppir á Íslandi eru skoðaðir frá sjónarhorni vísinda, menningar, fagurfræði og sjálfbærni. Dagskrárgerð: Anna Þóra Steinþórsdóttir. Umsjón: Erna Kanema Mashinkila.
Fjallað er um varasama eiginleika sveppa, svo sem eitraða sveppi, sníkjusveppi og myglusveppi. Guðríður Gyða Eyjólfsdóttir, doktor í sveppafræðum, kynnir eitraða sveppi sem finnast í íslenskri náttúru. Brynja Hrafnkelsdóttir, sérfræðingur hjá Skógræktinni, sýnir sníkjusveppi sem leggjast á trjágróður. Í umfjöllun um myglusveppi er m.a. rætt við Sylgju Dögg Sigurjónsdóttur líffræðing.
Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason.
Breskir spennuþættir sem gerast á tímum seinni heimsstyjaldarinnar. Stríðið hafði mikil áhirf á daglegt líf venjulegs fólks í Bretlandi, Póllandi, Frakklandi, Þýskalandi og Bandaríkjunum. Handritshöfundur: Peter Bowker. Meðal aðalleikara eru Jonah Hauer-King, Julia Brown og Helen Hunt. Þættirnir eru ekki við hæfi barna yngri en 16 ára.
Margverðlaunuð rússnesk kvikmynd frá 2020 byggð á sönnum atburðum. Árið er 1962 og bæjarbúar í smábænum Nocovherakssk efna til mótmæla þegar kommúnistastjórnin hækkar matvælaverð. Á endanum fer verkalýðurinn í verkfall með afdrifaríkum afleiðingum. Leikstjóri: Andrei Konchalovsky. Aðalhlutverk: Yuliya Vysotskaya, Sergei Erlish og Yuliya Burova. Myndin er ekki við hæfi barna yngri en 12 ára.
