Fjólublái fíllinn Fílsi lærir ýmislegt um allskonar mismunandi vélar.

Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.

Marri leirkall og vinir hans eru afar uppátækjasamir og í þessum þáttum lenda þeir í háskalegum ævintýrum þar sem þeir búa. Heimkynni þeirra eru fremur óvenjuleg, en þeir búa á borðplötu.

Kortó, Mýsla og Eik eru ákveðin að sigra Hvalabikarkeppnina, drónaflugkeppni sem leiða á í ljós hver verður arftaki vistfræðisnillingsins Hvals Hvíta.

En Tíkíliðið sækist ekki aðeins eftir sigri; aðeins með því að komast í læri hjá Hval Hvíta fá þau aðgang að nýjustu vistvísindunum og geta forðað því að eyjan þeirra hverfi í hafið.

Hrúturinn Hreinn og félagar hans á bóndabænum lenda í mörgum skemmtilegum ævintýrum.

Þriðja þáttaröðin um hina vinsælu Blæju og Hælbein fjölskylduna. Daglegt líf fjölskyldunnar gengur sinn vanagang, en hins vegar er enginn dagur eins þegar Blæja og Bára eiga í hlut.

Skemmtilegir þættir um hina ástsælu Múmínálfa Tove Jansson og ævintýri þeirra.

Hertoginn af Flögranda stelur dýrmætum gimsteini úr kastalanum í Voffaborg sem getur látið hluti svífa. Hvolpasveitin þarf þá að bjarga málunum úr lofti.

Heimildarþáttur þar sem David Attenborough ferðast til Júrafjalla í svissnesku Ölpunum og rannsakar eitt stærsta maurasamfélag heims.

Upptaka frá sérstakri skemmti- og hvatningardagskrá heildarsamtaka launafólks í tilefni baráttudags verkalýðsins árið 2021. Landsþekktir tónlistarmenn, skemmtiatriði og hvatningarorð frá launafólki, einkenna þennan sögulega viðburð. Stjórn upptöku: Helgi Jóhannesson. Handrit og leikstjórn: Kolbrún Halldórsdóttir.

Þáttur með brotum af því besta úr sólarhringsútsendingu Landans 22. september 2019. Þátturinn var þrjúhundruðasti þáttur Landans og var í beinni útsendingu í heilan sólarhring þar sem umsjónarmenn voru á ferðinni um land allt. Dagskrárgerð: Gísli Einarsson og Karl Sigtryggsson.

Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Standandi æfingar við stól.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Umfjöllun Kveiks í gær um umfangsmiklar persónunjósnir á vegum auðmannsins Björgólfs Thors Björgólfssonar hafa vakið sterk viðbrögð - ekki síst vegna þáttöku fyrrverandi og starfandi lögreglumanna í þeim. Fjölnir Sæmundsson, formaður Landssambands lögreglumanna, og Margrét Valdimarsdóttir, dósent í félags- og afbrotafræði við Háskóla Íslands, voru gestir Kastljóss.

Við höldum líka áfram syrpu þar sem fólk heimsækir nokkra áhugaverða viðburði innan einnar viku og deilir svo reynslunni með áhorfendum. Nú var röðin komin að Elísu og sonum hennar, Úlfi og Elís Krumma, sem fóru á menningarflakk.

24 stærstu sveitarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson.

Spurningakeppni sveitarfélaganna. Í þessum þætti mætast lið Vestmannaeyja og Reykjavíkur. Lið Reykjavíkur skipa: Jón Yngvi Jóhannsson, Stefán Eiríksson og Svanhildur Hólm Valsdóttir. Lið Vestmannaeyja skipa: Ágúst Örn Gíslason, Gunnar K. Gunnarsson og Sveinn Waage. Umsjónarmenn: Sigmar Guðmundsson og Þóra Arnórsdóttir. Spurningahöfundur og dómari: Ólafur B. Guðnason. Aðstoð við dagskrárgerð: Sigríður Þóra Ásgeirsdóttir. Dagskrárgerð: Helgi Jóhannesson.

Ómissandi upphitun fyrir Eurovision. Í þáttunum verður eins og áður farið yfir öll lögin sem keppa í Eurovision í ár, þau vegin og metin og reynt að spá fyrir um gengi þeirra í keppninni. Umsjónarmaður þáttarins er Felix Bergsson og álitsgjafar þau Guðrún Dís Emilsdóttir og Gunnar Birgisson. Stjórn upptöku: Vilhjálmur Siggeirsson.

Gunna Dís og Gunnar Birgisson ræða við Felix Bergsson um fyrri undanúrslitakvöld Eurovision 2025. Gestir þáttarins eru Edda Sif Pálsdóttir og Logi Bergmann Eiðsson. Liðin keppast um að spá fyrir um hverjir komast áfram í aðalkeppnina sem haldin verður 17. maí í Basel, Sviss.

Heimildarmynd í leikstjórn Einars Þórs Gunnlaugssonar um eitt harðvítugasta verkfall í sögu Íslands sem stóð yfir í sex vikur árið 1955. Fjallað er um aðdragandann, kjör og aðstæður almennings á þessum tíma.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Þórdís Claessen, Hafsteinn Vilhelmsson, Elsa María Guðlaugs - Drífudóttir og Amanda Guðrún Bjarnadóttir. Dagskrárgerð: Jóhannes Jónsson, Elvar Örn Egilsson, Hjalti Stefánsson og Björgvin Kolbeinsson.

Í Landanum í kvöld hittum við nýráðinn þjóðgarðsvörð undir jökli, fylgjumst með lögreglunemum leysa verkefni. Við heimsækjum slaufusmið og hittum fjölhæfan hönnuð á Höfn.

Keppni í skapandi þrautum. Skaparar og keppendur hafa 10 mínútur til að klára þraut og taka þátt í Stórhættulegu spurningakeppninni. Þegar tíminn er hálfnaður draga keppendur babb-spjöld. Að sjálfsögðu endar þetta á vænni slímgusu. Dagskrárgerð: Sigyn Blöndal og Sindri Bergmann Þórarinsson.

Skaparar og keppendur eru: Hekla Kristleifsdóttir og Hafþór Bjarni Bjarnason og búa þau til höfuðfat - hvað getur þú nefnt margar tegundir? Húfa, hattur...

Þau Ylfa og Máni standa vaktina í eldhúsinu og kenna okkur hvernig á að elda og baka ýmislegt góðgæti. Dagskrárgerð: Eva Rún Þorgeirsdóttir. Umsjón: Ylfa Blöndal og Hilmar Máni Magnússon.

Í þessum þætti elda Ylfa og Máni gómsæta hamborgara úr nautakjöti og sojakjöti fyrir grænmetisætur.

Síðan búa þau til mjög einfalda kokteilsósu. Hér er uppskritin og leiðbeiningarnar:

Hamborgarar

1 Grænmetisborgari

1 Hamborgari úr nautakjöti

1-2 msk olía á pönnu

1 tsk hamborgararkrydd

Sneið ostur

Settu hamborgarann á heita pönnuna,

kryddaðu með hamborgarakryddi og steiktu á báðum hliðum þar til hamborgarinn er orðinn dökkur á lit.

Settu ostsneið ofan á og láttu ostinn bráðna.

Kokteilsósa

2 msk majones (má vera vegan majones)

1 msk tómatsósa

hræra vel saman

Skerðu niður sneiðar af:

Gúrku

Tómat

Kál

Settu sósuna á hamborgarabrauðið, síðan hamborgarann og loks grænmeti að eigin vali.

Stuttir þættir þar sem við kynnumst merkiskonum mannkynssögunnar. Sumar eru frægar, aðrar eru óþekktar en allar eru þær töffarar og eldhugar.

Safn tónlistaratriða úr Stundinni okkar þar sem krakkar eru í sviðsljósinu.

Sveinbjörg Júlía Kjartansdóttir syngur lagið Maístjarnan.

Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.

Krakkafréttir dagsins: 1. Kaffibrennsla á Akureyri hættir 2. Íslensk stelpa tekur þátt í Guinness heimsmeti

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Kvikmyndasafn Íslands geymir fjársjóð af kvikmyndum sem sýna íslenskan veruleika snemma á síðustu öld. Egill Helgason og Gunnar Tómas Kristófersson rýna efni og sýna efni sem jafnvel enginn hefur séð. Dagskrárgerð: Ragnheiður Thorsteinsson.

Í þættinum skoðum við myndefni frá þeim tíma þegar Íslendingar fluttust úr sveitinni í sjávarþorp og til Reykjavíkur. Við fylgjumst með fornum atvinnuháttum og uppbyggingu ungrar borgar.

Þættir þar sem Snorri Helgason og Bergur Ebbi fjalla um íslensk dægurlög og setja í samhengi við tísku og tíðaranda. Þættirnir eru byggðir á vinsælu hlaðvarpi þeirra sem hóf göngu sína árið 2014.

Sveitin milli sanda, hin sígilda tónsmíð Magnúsar Blöndal Jóhannssonar frá árinu 1964, er löngu orðin að gersemi í hjarta okkar ungu þjóðar. Enda er lagið demantur í krúnudjásni ástsælustu söngkonu Íslands fyrr og síðar, sjálfrar Elly Vilhjálms. Þeir Fílalags-bræður Snorri Helgason og Bergur Ebbi kjölfíla hér lagið með öllu sem tilheyrir. Við sögu koma Land Roverar, Rússajeppar, eldhræringar og margt margt fleira. Sandra Barilli lítur við.

Þriðja þáttaröð þessara norsku leiknu þátta um samfélagið í Stafangri og breytingarnar sem urðu þegar olía fannst í sjónum úti fyrir bænum og norska olíuævintýrið hófst. Meðal leikenda eru Anne Regine Ellingsæter, Malene Wadel, Mads Sjøgård Pettersen og Pia Tjelta.

Íslensk sjónvarpsmynd í leikstjórn Ólafs Egils Egilssonar. Á fullkomnu sumarkvöldi í fullkomnum sumarbústað kynnir Björk nýja kærastann fyrir Ragnhildi, stóru systur sinni, og manninum hennar. Þær systur hafa farið ólíkar leiðir í lífinu; Ragnhildur er með allt á hreinu, stefnir óðfluga inn á þing og er gift fótboltakappanum, fagfjárfestinum og ættarprinsinum Magnúsi. Aftur á móti er Björk söngkona í hljómsveit sem er alveg við það að slá í gegn og nýi kærastinn, Óskar, býr í bílskúr foreldra sinna á meðan hann safnar fyrir útborgun í íbúð. Það stefnir allt í afslappaða og fullkomna kvöldstund en stundum þarf ekki nema nokkur augnablik og allt breytist. Myndin er byggð á samnefndu leikriti eftir Adolf Smára Unnarsson sem var sýnt í Þjóðleikhúsinu 2022. Aðalhlutverk: Björn Thors, Ebba Katrín Finnsdóttir, Hilmar Guðjónsson og Vigdís Hrefna Pálsdóttir.

Norsk heimildarmynd um popphljómsveitina A-ha. Fylgst er með þremenningunum í A-ha á tónleikaferðalagi um leið og saga þeirra er rakin frá því þeir slógu kornungir í gegn með stórsmellinum Take On Me árið 1985. Þar með rættust allir þeirra draumar - eða hvað? Leikstjórar: Thomas Robsahm og Aslaug Holm.