Einstaklingar héðan og þaðan leika tónlist að eigin vali í þáttaröð frá vetrinum 2013-2014
Einstaklingar héðan og þaðan leika tónlist að eigin vali í þáttaröð frá vetrinum 2013-2014
Þátturinn var fyrst á dagskrá 28. júní 2014.
Umsjón: Sigurbjörg Þrastardóttir
Sigurbjörg Þrastardóttir leikur tónlist að eigin vali.
Textabrot sem sitja í minninu eru leiðarstefið í þessum þætti. Eftirminnilegar línur eru af ýmsum toga og alls ekki alltaf úr viðlögunum. Tónlistin nær frá Lou Reed til Sigur Rósar og Sykurmolanna, að ógleymdum Billy Joel og nýrri músík amerískri.
1. Devendra Banhart - The Beatles
2. The Moldy Peaches - Anyone else but you
3. Leslie Gore - It's my party
4. Billy Joel - Piano Man
5. Ragnhildur Gísladóttir - Draumaprinsinn
6. Elliott Smith - Waltz #2
7. Johnny Mandel - Suicide is painless
8. Emiliana Torrini - Fisherman's Woman
9. Jimmy Dean - Feel for the Forest 10. Sykurmolarnir - Regína
11. Lou Reed - Walk on the wild side
12. Sigur Rós - Íllgresi
frá Veðurstofu Íslands.
Gömlu Grikkirnir kölluðu það ekfrasis þegar raunverulegu listaverki var lýst með orðum. Í Ilíonskviðu Hómers er skildi Akkilesar lýst í ljóði og rithöfundar hafa í þúsundir ára skrifað óteljandi texta sem lýsa eða túlka merkingu listaverka. Í þessari þáttaröð notar Þórdís Gísladóttir svipaða aðferð og segir frá fjórum myndum sem urðu til þess að hún heimsótti fólk og skjalasöfn og sökkti sér í heimildir um manneskjur sem hún hafði ýmist aldrei heyrt um eða vissi mjög lítil deili á. Myndirnar urðu kveikjan að því að hún raðaði saman fjölmörgum brotum úr fortíðinni og segir í þáttaröðinni Í upphafi var myndin sögur nokkurra Íslendinga sem fluttu til Danmerkur og Dana sem fluttu til Íslands. Allt lifði þetta fólk forvitnilegu lífi með gleði og sorgum, ævintýrum og leyndarmálum.
Umsjón: Þórdís Gísladóttir
Framleiðsla: Þorgerður E. Sigurðardóttir
Hvers vegna fór ung kona úr Vesturbænum, sem starfaði við bókhald hjá heildverslun, skyndilega til Kaupmannahafnar sumarið 1917? Hver urðu örlög hennar og hvers vegna fluttu tveir danskir listamenn til Íslands skömmu eftir seinni heimsstyrjöld? Viðmælandi í þættinum er Ari Karlsson, lögfræðingur.
Farið yfir helstu fréttir vikunnar í spjalli við fólkið í fréttunum og fréttaskýrendur.
Gestir Vikulokanna eru Hermann Guðmundsson framkvæmdastjóri Kemi og fyrrverandi forstjóri N1, Kolbrún Bergþórsdóttir blaðamaður, bókmenntagagnrýnandi og pistlahöfundur og Jónas Hagan Guðmundsson fjárfestir, frumkvöðull og stjórnarmaður í hreyfingunni Já til að sjá.
Þau ræddu meðal annars komandi þjóðaratkvæðagreiðslu um aðildaviðræður Íslands við ESB, minnkafár í Mosfellsbæ og viðtal forsætisráðherra við breska hlaðvarpið Rest is Politics.
Umsjón: Urður Örlygsdóttir
Tæknimaður: Þráinn Steinsson
Tónlist héðan og þaðan
Útvarpsfréttir.
Lögregla fer ekki fram á gæsluvarðhald yfir áhöfn Banderos en hefur farið fram á brottvísun og endurkomubann yfir henni. Samgöngustofa afturkallaði haffærni skipsins og þarf áhöfnin því að halda kyrru fyrir um borð þar til annað hefur verið ákveðið.
Ítalir afnámu í gær frjálsa för fólks milli Spánar og Ítalíu á grundvelli Schengen, í kjölfar þess að tugir þúsunda fólks frá Marokkó komst yfir til spænsku hjálendunnar Cueta. Spænsk stjórnvöld segja að meirihluti fólksins hafi snúið til baka, og gagnrýna hörð viðbrögð Ítala og annarra ríkja í Schengen samstarfinu.
Lögregla og skipuleggjendur láta vel af skemmtunum og útihátíðum eftir nóttina, þó var þyrla kölluð til að sækja slasaðan mann í Herjólfsdal.
Yfirdýralæknir segir auðvelt að þekkja villta minka frá aliminkunum sem var sleppt úr loðdýrabúinu í Mosfellsdal á fimmtudaginn. Strokuminkarnir séu frekar gæfir og komi nánast þegar kallað er á þá. Fjórtán minkar hafa sést síðan í gær, þar af þrír sem gætu verið úr búinu.
Forseti FIFA er hættur við umdeilda hugmynd sína að selja hlut í keppnum FIFA.
Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.
Umsjón: Birta Björnsdóttir og Bjarni Pétur Jónsson.
Þá eru það dýrin stór og smá sem verða í aðalhlutverki hjá okkur í dag. Við fjölluðum um pöndupólitík fyrr á árinu, en það má eiginlega segja að pöndur séu krúttlegustu diplómatarnir. Talið er að pöndur í heiminum séu nú um 2.700. Þar af lifa nærri 2.000 villtar í Kína. Kínverjar hafa í áratugi stundað pöndupólitík, ef ríki vilji fá til sín pöndur þurfi þau að vera í góðum samskiptum við yfirvöld í Kína. Og Kínverjar kölluðu til sín tvær pöndur frá Japan fyrr á árinu. Borgaryfirvöld í Tókýó hafa óskað eftir að fá aðrar pöndur í staðinn . Ætli svarið velti ekki á því hvernig samskipti Kína og Japans þróast á næstunni? Ólöf Ragnarsdóttir segir okkur allt um krúttlegustu diplómatana.
Það er svo ekki hægt að fjalla um dýr án þess að minnast á afmælisbarn ársins, David Attenborough varð 100 ára þann 8.maí síðastliðinn. Attenborough er af mörgum talinn einn áhrifamesti maður samtíðarinnar. Hann hefur frætt og skemmt í áratugi og varð aðgerðasinni á efri árum. Anna Lilja Þórisdóttir fer yfir sögu og arfleið Attenborough.
Íslensk jaðartónlist úr ýmsum áttum frá ýmsum hliðum. Umsjón: Árni Matthíasson
Þórunn Maggý Kristjánsdóttir, Dodda Maggý, er tónskáld og myndlistarmaður sem vinnur með tónlist í myndrænu formi og tónlist sem er á mörkum hljóðlistar. Hún vinnur vídeóverk með sinni eigin aðferð og byggir á tækni sem hún hefur þróað sjálf.
Stjórnendur Lestarinnar, þau Lóa og Kristján, kryfja popplög með Friðriki Margrétar Guðmundssyni, tónskáldi, tónlistarmanni og poppmeinafræðingi.
Eitt vinsælasta popplag 2026 Golden, úr í vinsælu Netflix-teiknimyndinni Kpop Demon Hunters, er krufið til mergjar.
Umsjón:
Kristján Guðjónsson, Friðrik Margrétar-Guðmundsson og sérstakur gestastjórnandi í fjarveru Lóu er Jóhannes Bjarki Bjarkason.
Bandaríska stórstjarnan Whitney Houston skaust fram á sjónarsviðið um miðjan níunda áratug síðustu aldar og varð á skömmum tíma einn af vinsælustu skemmtikröftum veraldar. Tónlistarferill hennar spannar rúman aldarfjórðung en hún lést árið 2012, 48 ára að aldri.
Í fjórum þáttum fjallar Berglind María Tómasdóttir um feril og stormasamt lífshlaup Whitney Houston, áhrif hennar og arfleifð.
Þrátt fyrir að á ýmsu gengi í einkalífi Whitney Houston á 21. öldinni átti hún alltaf góða spretti í tónlistinni inn á milli.
Í þessum fjórða og síðasta þætti um Whitney Houston hefjum við leikinn í lok síðustu aldar með plötunni My Love Is Your Love. Erfiðleikar í einkalífinu verða raktir og plöturnar sem hún sendi frá sér á nýrri öld skoðaðar.
Umsjón: Berglind María Tómasdóttir.
Umsjón: Illugi Jökulsson
Umsjón: Illugi Jökulsson
Guðmundur Ólafsson fornleifafræðingur um rannsókn á rústum húss norrænna manna á Grænlandi.
Tónlist frá ýmsum tímum úr ólíkum héruðum Djasslandsins. Íslenskt og erlent í bland.
Lagalisti:
Getz, Stan - It never entered my mind.
Washington, Dinah - Blue gardenia.
Edda Borg Ólafsdóttir, Sigurður Flosason - No words needed.
Sunna Gunnlaugsdóttir - Becoming.
Adèle Viret Quartet - Watchmaker.
Ogawa, Keita, Klampanis, Petros, Aftab, Arooj, Haddad, Jamey, Ewer, Heather, Gilchrist, Maeve, Ismaily, Shahzad - Raat Ki Rani.
Guðmundur Pétursson Tónlistarm. - Inside blues.
GØ - Republikkin bløðir.
Danish Radio Big Band - Home.
Buchanan, Jakob - Return to Rosenhill.
Ár er liðið frá innrás Rússa í Úkraínu. Hvernig tölum við um Rússland og hinn slavneska heim í kjölfar þessara voveiflegu atburða? Eigum við að slaufa rússneskri menningu eða þvert á móti faðma hana að okkur fastar en nokkru sinni fyrr í von um að ná áttum í heimi sem stendur á krossgötum? Kaldastríðsbarn og lúsugur Rússlandsfari kafar ofan í þessar hábölvuðu spurningar með hjálp sérfróðra.
Umsjón: Gunnar Þorri Pétursson.
Í fjórða þætti RÚS er Jón Ólafsson heimspekingur gestur Gunnars Þorra Péturssonar. Jón segir frá árunum þegar hann var búsettur í Moskvu á árunum í kringum fall Sovétríkjanna.
Rús - þættir um þjóð og menningu á krossgötum
4. þáttur af 10.
Ár er liðið frá innrás Rússa í Úkraínu. Hvernig tölum við um Rússland og hinn slavneska heim í kjölfar þessara voveiflegu atburða? Eigum við að slaufa rússneskri menningu eða þvert á móti faðma hana að okkur fastar en nokkru sinni fyrr í von um að ná áttum í heimi sem stendur á krossgötum? Kaldastríðsbarn og lúsugur Rússlandsfari kafar ofan í þessar hábölvuðu spurningar með hjálp sérfróðra.
Umsjón: Gunnar Þorri Pétursson.
Aðstoð við dagskrárgerð og samsetning: Guðni Tómasson
frá Veðurstofu Íslands
Dánarfregnir.
Sveiflutónlist og söngdansar að hætti hússins.
Jónatan Garðarsson valdi.
Bill Wyman's Rhythm Kings leika lögin Yesterdays, Oh Baby, I Put A Spell On You, Mood Swing, Rhythm King, Tomorrow Night, Rough Cut Diamond og Daydream. Rob Madna tríó leikur lögin Just In Time, Fallin' In Love With Love, Body And Soul, Summertime og Display. Dutch Jazz Orchestra flytur lögin Ain't Misbehavin', Basin Street Blues, In A Mellow Tone, Peace Of Mind, Happy Hour og Blues Time.
Þáttur um íslensku og önnur mál.
Umsjón: Anna Sigríður Þráinsdóttir og Guðrún Línberg Guðjónsdóttir
Tíska er hverfult fyrirbæri, hún kemur og fer og breytist minnst ársfjórðungslega, jafnvel oftar. Það mætti auðveldlega halda því fram að tíska sé tiltölulega nýlegt fyrirbæri á Íslandi, hafi jafnvel ekki komið til sögunnar fyrr en kannski um miðja 20. öld. En svo einfalt er það víst ekki.
Í þessum þætti verður spáð í tískuna – orðið, það er að segja – aldur þess og merkingu, hlutverk, samheiti og samsetningar sem byrja og enda á tísku.
Umsjón: Melkorka Ólafsdóttir
Umsjón: Melkorka Ólafsdóttir
Þorgeir Tryggvason segir frá sínu uppáhalds tónverki.
Katalin Karoly og Amadinda slagverkshópurinn flytur söngflokkinn Síppal, dobbal, nádihegedűvel, eða Með flautum, trommum og fiðlum, eftir Georgi Ligeti.
Í Sagnaslóð er leitað fanga úr fortíðinni. Frásagnir úr sögu þjóðarinnar.
Umsjón: Birgir Sveinbjörnsson og Jón Ormar Ormsson.
frá Veðurstofu Íslands
Leikin er gamaldags tónlist frá öldinni sem leið: dægurlög, harmóníkutónlist, djass og danslög. Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum. Umsjónarmaður þáttarins er Lana Kolbrún Eddudóttir.
Ingibjörg Þorbergs og Alfreð Clausen eru söngvarar þáttarins. Umsjón: Lana Kolbrún Eddudóttir.
Farið yfir helstu fréttir vikunnar í spjalli við fólkið í fréttunum og fréttaskýrendur.
Gestir Vikulokanna eru Hermann Guðmundsson framkvæmdastjóri Kemi og fyrrverandi forstjóri N1, Kolbrún Bergþórsdóttir blaðamaður, bókmenntagagnrýnandi og pistlahöfundur og Jónas Hagan Guðmundsson fjárfestir, frumkvöðull og stjórnarmaður í hreyfingunni Já til að sjá.
Þau ræddu meðal annars komandi þjóðaratkvæðagreiðslu um aðildaviðræður Íslands við ESB, minnkafár í Mosfellsbæ og viðtal forsætisráðherra við breska hlaðvarpið Rest is Politics.
Umsjón: Urður Örlygsdóttir
Tæknimaður: Þráinn Steinsson
Útvarpsfréttir.
Í Þú veist betur eru engin umræðuefni of lítil eða of stór. Í meira en 100 þáttum höfum við skoðað allt frá skammtafræði, eldgosum og kjarnorku yfir í ketti, bjór, laxeldi, talmeinafræði, hunda, lungun og landnám Íslands. Og svona mætti lengi telja.
Þættir á mannamáli fyrir forvitna sem vilja skilja heiminn betur, hvort sem það snýst um vísindi, samfélag, líkamann eða söguna.
Umsjón: Atli Már Steinarsson.
Íslenska kindin er er svo samofin íslenskri sjálfsmynd að við hugsum varla um hana. En hvað er það í raun sem gerir íslenska sauðkindina sérstaka, og hvernig hefur hún í raun haldið lífinu í þessari þjóð frá landnámi?
Í þessum þætti fæ ég til mín Ólaf Dýrmundsson, sérfræðing með doktorspróf í greininni og áratuga feril hjá Bændasamtökunum, til að fara yfir uppruna norður-evrópska stuttrófustofnsins sem íslenska féð er af og þá staðreynd að við Íslendingar höfum varðveitt stærsta erfðahópinn af honum í öllum heiminum. Ólafur segir frá forystufénu, dýrum með atferli sem finnst hvergi annars staðar á jörðinni, og fer með mig í gegnum heilt æviskeið kindarinnar allt frá fengitíð til sláturtíðar. Í lokin veltum við fyrir okkur framtíð sauðfjárræktarinnar, hvort ullin gæti leyst gerviefni af hólmi, hvernig fjörubeit dregur úr metanlosun, og hvers vegna erlendir aðilar eru farnir að sækjast eftir íslensku erfðaefni.
Umsjón: Atli Már Steinarsson
Viðmælandi: Ólafur Dýrmundsson
Felix Bergsson fer fram og til baka í tíma og rúmi með hlustendum Rásar 2. Hann skoðar gjarnan það sem gerðist á deginum á árum áður, fylgist með því sem efst er á baugi í menningarlífinu og fær svo góða gesti í Fimmuna. Þeir segja af fimm atriðum sem hafa haft djúp áhrif á líf þeirra.
Verslunarmannahelgin og íslensk tónlist var í hávegum höfð hjá þeim Felix og Nönnu í þætti dagsins. Þau slógu á þráðinn hjá Maríu Bóel Guðmundsdóttur sem er stödd í Neskaupsstað þar sem Neistaflug fer fram um helgina. Þá fengu þau til sín þau Kolbrúnu Óskarsdóttur og Hrannar Mána Ólafsson, Kusk og Óvita, í hljóðver en þau ætla að koma fram á Innipúkanum í kvöld.
Þar verður líka Unnsteinn Manúel og félagar í Retro Stefson en umsjónarmenn þáttarins vöktu hann með símtali í morgunsárið og fengu að heyra af stemningunni í Vestmannaeyjum þar sem hljómsveitin spilaði í gær. Svo er líf og fjör á Unglingalandsmóti UMFÍ á Sauðarkróki en Felix og Nanna heyrðu í Auði Ingu Þorsteinsdóttur sem kom að skipulagningu mótsins.
Útvarpsfréttir.
Lögregla fer ekki fram á gæsluvarðhald yfir áhöfn Banderos en hefur farið fram á brottvísun og endurkomubann yfir henni. Samgöngustofa afturkallaði haffærni skipsins og þarf áhöfnin því að halda kyrru fyrir um borð þar til annað hefur verið ákveðið.
Ítalir afnámu í gær frjálsa för fólks milli Spánar og Ítalíu á grundvelli Schengen, í kjölfar þess að tugir þúsunda fólks frá Marokkó komst yfir til spænsku hjálendunnar Cueta. Spænsk stjórnvöld segja að meirihluti fólksins hafi snúið til baka, og gagnrýna hörð viðbrögð Ítala og annarra ríkja í Schengen samstarfinu.
Lögregla og skipuleggjendur láta vel af skemmtunum og útihátíðum eftir nóttina, þó var þyrla kölluð til að sækja slasaðan mann í Herjólfsdal.
Yfirdýralæknir segir auðvelt að þekkja villta minka frá aliminkunum sem var sleppt úr loðdýrabúinu í Mosfellsdal á fimmtudaginn. Strokuminkarnir séu frekar gæfir og komi nánast þegar kallað er á þá. Fjórtán minkar hafa sést síðan í gær, þar af þrír sem gætu verið úr búinu.
Forseti FIFA er hættur við umdeilda hugmynd sína að selja hlut í keppnum FIFA.
Helgarútgáfan slær taktinn með þjóðinni á laugardögum. Júlía Margrét setur puttann á púlsinn, skrunar yfir allt það skemmtilega sem er á sveimi í menningu og mannlífi, gestir mæta með margs konar meðmæli og taktviss topptónlist fær að hljóma.
Árni Vilhjálmsson, tónlistar- og myndlistarmaður, kíkti við og hrærði í meðmælasúpu með Júlíu Margréti. Jóhann Kristófer var á línunni frá Innipúkanum, Örn Gauti í Hasar og Sólrún Sif Sigurðardóttir í hljómsveitinni RAW.
Útvarpsfréttir.
Fréttastofa RÚV.
Það eiga allir einhverjar góðar og jafnvel trylltar minningar af dansgólfinu þar sem diskókúlan snýst. Við spilum dansmelli áratuganna og kyndum upp í minningum hlustenda. Við rifjum upp skemmtistaði, ákveðin ár eða gullaldartímabil þar sem dansgólfin voru troðfull af gleði og látum.
Þátturinn geymir dagskrárliði eins og Diskótvennuna, Dansárið er, Skemmtistað fortíðar, Veislustjórann og íslenska lagið. Að lokum er kokteill kvöldsins hristur fyrir hlustendur, nokkurra laga syrpa með lögum úr ýmsum áttum.
PartyZone: Undir Diskókúlunni um Verslunarmannahelgina er í "extended" útgáfu enda viljum við bomba á ykkur hverjum nostalgíu dansslagaranum á fætur öðrum.
Diskókþrenna með Sylvester, Frímínútur með dansslögurum sem spanna að þessu sinni tímabilið 1984 - 2006. Dansárið sem við gefum svo sérstakan gaum er árið 1998. Plötusnúður kvöldsins er síðan enginn annar en Benni B-ruff sem tekur hiphop sett eins og við séum á Prikinu í kringum aldamótin.
Margt fleira fær að heyrast en aðallega bara tónlist sem fólk hefur tryllst við undir diskókúlunni í gegnum árin.
Heiða Eiríks og Ingi Þór stjórna Næturvaktinni til skiptis. Þau spjalla við landann og spilar tónlist úr öllum áttum á laugardagskvöldum. Ljúfir tónar, brjálað rokk og óskalög úr öllum landshornum.
