Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.
Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.
Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.
Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.
Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.
Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.
Halla Hrund Logadóttir orkumálastjóri kemur til okkar á eftir en hún er nýkomin heim frá Japan þar sem hún var fyrir hönd Orkustofnunar og Utanríkisráðuneytisins að ræða samstarf á milli ríkjanna sem komið var á fyrir nokkru síðan af Guðlaugur Þór. Japanir geta nefnilega lært heilmikið af okkur íslendingum er kemur að því að nota jarðhita sem einhverra hluta vegna japanir kunna lítið að nota þrátt fyrir að eiga nóg af. Við ætlum að ræða þessi mál við Höllu á eftir en einnig spyrja hana út í jafréttismál í Japan sem er einkar viðeigandi á alþjóðlegum baráttudegi kvenna.
Landsþing hinsegin fólks fer fram nú um helgina og er yfirskriftin að þessu sinni samtal við söguna. Skipuleggjendur landsþingsins ætla að koma til okkar á eftir þau Magnús Gröndal rekstrarstjóri og Þorbjörg Þorvaldsdóttir verkefnastýra og segja okkur frá því helsta sem þar verður á dagskrá.
Hvers vegna er til svona mikið af bröndurum um erfiðu tengdamömmuna ? Meira að segja er því oft haldið fram að þær séu leiðinlegar og um þær eru sagðar sögur og brandarar - Eiríkur Valdimarsson þjóðfræðingur hefur skoðað þetta mál og mun segja okkur hér á eftir hvort eitthvað sé til í þessu og á hverju svona sögur eru byggðar.
Og við ætlum að heyra í Pétri Hafþóri Jónssyni fyrrum tónlistarkennara í Austurbæjarskóla en hann er einn þeirra sem er að skipuleggja fjölmenningarlega tónlistar og fjölskylduhátíð í Spennistöðinni á morgun. Meira um það síðar.
Fyrsti útdráttur Happdrættis Háskóla Íslands fór fram í Iðnó þann 10. mars árið 1934 að viðstöddu fjölmenni. Á undraskjótum tíma urðu miðakaup í Háskólahappdrættinu fastur liður í heimilishaldi stórs hluta Íslendinga, sem gerðu sér ferð í hverjum mánuði til umboðsmanns síns til að endurnýja. Stefán Pálsson sagnfræðingur hefur skrifað bók um sögu Happdrætttis Háskóla íslands og hann kemur til okkar á eftir og stiklar á stóru úr þessari merkilegu sögu.
Kjarasamningar voru undirritaðir síðdegis í gær en í þeim er meðal annars gert ráð fyrir að skólamáltíðir grunnskólabarna verða gerðar gjaldfrjálsar. Áætlað er að kostnaður við þetta nemi um fimm milljörðum á ári og mun ríkið leggja til allt að 75 prósent kostnaðarins. Ríki og sveitarfélög munu útfæra verkefnið í sameiningu fyrir lok maímánaðar. Haft hefur verið eftir Elliða Vignissyni bæjarstjóra Ölfuss að almenn mótstaða sé hjá sveitarfélögum við þessar aðgerðir og Elliði er á línunni hjá okkur.
