Færslur: Vladímír Pútín

Alexei Navalny fluttur á sjúkradeild
Rússneski stjórnarandstæðingurinn Alexei Navalny hefur verið fluttur úr fangelsi á sjúkradeild. Hann hefur verið í mótmælasvelti í tuttugu daga og læknar segja hættu á að hann fái hjartaáfall eða nýrnabilun.
19.04.2021 - 12:37
Boða nýjar refsiaðgerðir gegn Rússum
Bandarísk stjórnvöld tilkynntu í dag um nýjar refsiaðgerðir á hendur Rússum. Þetta eru þær fyrstu síðan Joe Biden tók við forsetaembætti í janúar. Í tilkynningu bandarískra yfirvalda segir að verið sé að refsa fyrir netárásir, afskipti af kosningum, innlimun Krímskaga og fyrir versnandi heilsufarsástand stjórnarandstæðingsins Alexei Navalny. 
15.04.2021 - 18:26
Pútín fékk seinni bólusetningu við COVID í dag
Þrátt fyrir að þrjár tegundir af bóluefni við COVID-19 séu framleiddar í Rússlandi, þar á meðal Sputnik, eru aðeins um sex prósent landsmanna fullbólusettir. Forseti landsins var bólusettur í dag og hvatti fólk til gera það sama.
14.04.2021 - 21:54
Merkel hvetur Pútín til að minnka umsvif við Úkraínu
Angela Merkel, kanslari Þýskalands, hvatti Vladimír Pútín, forseta Rússlands, til þess í dag að minnka hernaðarumsvif við landamæri Rússlands að austurhluta Úkraínu. Spennan hefur aukist á svæðinu að undanförnu og aukin harka hefur færst í bardaga úkraínska hersins og aðskilnaðarsinna.
08.04.2021 - 15:27
Fréttaskýring
Kuldaleg vika í samskiptum stórvelda
Samskipti Rússlands og Bandaríkjanna eru með verra móti þessa dagana og allt stefnir í að þau eigi eftir að versna enn frekar. Þetta hefur BBC, breska ríkisútvarpið, eftir talsmanni rússneskra stjórnvalda, eftir að Joe Biden, Bandaríkjaforseti, svaraði því játandi í viðtali að forseti Rússlands væri morðingi. Pútín svaraði Biden í gær og sótti í visku úr eigin æsku, að eigin sögn, og sagði: margur þekkir mann af sér.
19.03.2021 - 11:25
Heimsglugginn: Úlfúð og illindi í alþjóðasamskiptum
Úlfúð og illindi ríkja nú víða í alþjóðasamskiptum. Rússar hafa kallað sendiherra sinn heim frá Washington eftir að Bandaríkjaforseti svaraði játandi spurningu um hvort Vladimír Pútín Rússlandsforseti væri morðingi. Þá sökuðu Bandaríkjamenn Rússa um afskipti af kosningunum vestra í fyrra. Í Evrópu ganga hnútur á milli Breta og Evrópusambandsins.
Aftur réttað yfir Navalny í dag, nú vegna ærumeiðinga
Alexei Navalny, leiðtogi rússnesku stjórnarandstöðunnar, sem fyrr í þessari viku var gert að afplána nær þrjú ár sem hann átti óafplánuð af skilorðsbundnum dómi fyrir fjársvik, á að mæta aftur fyrir dómara í dag. Þar verður honum gert að svara til saka vegna ákæru um ærumeiðingar og rógburð. Þessi réttarhöld hefjast sama dag og Josep Borrell, utanríkismálastjóri Evrópusambandsins, fer á fund Sergeis Lavrovs, utanríkisráðherra Rússlands til viðræðna um framtíðarsamskipti og viðskipti.
Yfir 1.400 mótmælendur handteknir í Rússlandi í gær
Yfir 1.400 manns voru handtekin þegar fólk kom saman í Moskvu, Pétursborg og fleiri borgum Rússlands til að lýsa stuðningi sínum við stjórnarandstöðuleiðtogann Alexei Navalny og mótmæla þriggja og hálfs árs fangelsisdómi sem kveðinn var upp yfir honum. Dómurinn hefur verið harðlega gagnrýndur á Vesturlöndum.
03.02.2021 - 06:33
Fréttaskýring
Fátt um góða kosti í stöðunni hjá Pútín
Mannréttindasérfræðingur í Rússlandi segir að staðan sé orðin mjög þröng hjá forseta landsins, Vladimír Pútín. Stjórnarandstæðingurinn Alexei Navalny hafi sýnt mikið hugrekki með því að snúa aftur til heimalandsins, eftir að reynt hafi verið að ráða hann af dögum.
02.02.2021 - 06:01
Myndskeið
Yfir 1.000 manns handtekin í Rússlandi
Rússneska lögreglan hefur handtekið meira en þúsund manns í mótmælum víða um land. Viðbúnaður er mikill og sérstaklega í höfuðborginni Moskvu þar sem fólki er sópað upp í rútur nánast um leið og það mætir til að mótmæla. Mótmælendur krefjast þess að stjórnarandstæðingurinn Alexei Navalny verði látinn laus úr fangelsi.
31.01.2021 - 12:42
Meira en 500 handteknir í Navalny-mótmælum í Rússlandi
Á sjötta hundrað stuðningsmenn rússneska stjórnarandstæðingsins Alexei Navalny voru handteknir í mótmælum í Síberíu og í austurhluta Rússlands í morgun. Fólkið hrópaði „Pútín er þjófur“ og „Látið Navalny lausan“ og krækti höndum saman þar sem það gekk um götur.
31.01.2021 - 10:27
Biden vill framlengja START-samninginn við Rússa
Joe Biden, Bandaríkjaforseti, lagði í gær til að START-samningurinn hinn nýrri milli Bandaríkjanna og Rússlands yrði framlengdur um fimm ár. Yfirlýst markmið er að koma í veg fyrir áframhaldandi  kjarnorkuvopnakapphlaup. Aðeins eru nokkrir dagar þar til þessi síðasti, gildandi samningur stórveldanna um takmörkun á útbreiðslu kjarnavopna rennur út.
Segja ekkert hæft í fullyrðingum um höll Pútíns
Stjórnvöld í Rússlandi segja það helberan þvætting að forseti landsins eigi glæsihöll við Svartahaf, líkt og Alexei Navalny heldur fram í nýju myndbandi. Stjórnarandstæðingurinn sendi frá sér myndband í fyrradag þar sem sagt er frá höllinni og að hún sé ein sú glæsilegasta í heimi, með ísknattleikssvelli og spilavíti, svo fátt eitt sé nefnt.
21.01.2021 - 22:14
Navalny handtekinn við komuna til Moskvu
Lögregla handtók rússneska stjórnarandstæðinginn Alexei Navalny skömmu eftir að hann lenti í Moskvu í dag.
Fjöldabólusetning að hefjast í Rússlandi
Vladimír Pútín, forseti Rússlands, fyrirskipaði í dag að fjöldabólusetning skuli hefjast í landinu frá næstu viku. Hann sagði á fjarfundi með æðstu embættismönnum að ekkert væri því til fyrirstöðu að bólusetja alla þjóðina.
Japarov tilkynnir sigur í forsetakosningnum í Kirgistan
Sadyr Japarov hefur lýst yfir sigri í forsetakosningum í Miðasíulýðveldinu Kirgistan í dag. Hann er með nærri áttatíu prósent atkvæða þegar nær öll atkvæði hafa verið talin.
Árið 2021 gengur í garð um heimsbyggð alla
Árið 2021 gekk fyrst í garð í eyríkjunum Kiribati og Samoa í Kyrrahafi. Næst hófst nýja árið á Nýja-Sjálandi þar sem fjölmenni safnaðist saman í miðborg höfuðborgarinnar Auckland og fylgdist með flugeldasýningu.
01.01.2021 - 06:28
Tveggja ára dómur fyrir mótmæli í Rússlandi
Rússneskur stjórnarandstæðingur, Yulia Galyamina, fékk í dag tveggja ára skilorðsbundinn dóm fyrir að hafa ítrekað skipulagt mótmæli, meðal annars gegn stjórnarskrárbreytingum sem heimila Vladimír Pútín, forseta Rússlands, að bjóða sig fram á ný árið 2024, þegar núverandi kjörtímabili lýkur.
23.12.2020 - 22:12
Pútín tryggir sjálfum sér friðhelgi til æviloka
Vladimír Pútín, Rússlandsforseti, undirritaði í gær löggjöf sem tryggir fyrrverandi Rússlandsforsetum ævilanga friðhelgi gagnvart ákæruvaldinu og sæti í öldungadeild rússneska þingsins frá þeim degi sem þeir láta af embætti allt til æviloka.
23.12.2020 - 04:13
Staðhæft að Rússar standi að baki tölvuárásum
Bandarískir stjórnmálamenn staðhæfa að Rússar standi að baki netárásum sem hafa undanfarið valdið miklum usla hjá bandarískum stjórnarstofnunum. Demókratar furða sig á þögn forsetans.
Navalny, Støjberg og farsóttin í Svíþjóð
Björn Þór Sigbjörnsson og Þórunn Elísabet Bogadóttir ræddu að þessu sinni við Boga Ágústsson um niðurstöðu ítarlegrar rannsóknar sem birtist á vefsíðunni Bellingcat fyrr í vikunni þar sem því er slegið föstu að rússneska leyniþjónustan FSB hafi staðið að baki er eitrað var fyrir stjórnarandstæðingnum Alexei Navalny í ágúst. Þá var rætt um Inger Støjberg málið í Danmörku og skýrslu sem er áfellisdómur yfir viðbrögðum sænskra stjórnvalda við COVID faraldrinum.
Leyniþjónustan eitraði fyrir Navalny
Rússneska leyniþjónustan FSB eitraði fyrir stjórnarandstæðingnum Alexei Navalny að því er fram kemur á vefsíðunni Bellingcat, þar sem birtar eru niðurstöður rannsóknarblaðamanna. Samkvæmt rannsókn Bellingcat fylgdu útsendarar leyniþjónustunnar Navalny eftir á meir en 30 ferðalögum í þrjú ár áður en látið var til skarar skríða í Tomsk í Síberíu í ágúst. 
14.12.2020 - 14:34
Rússar segja bandarískt kosningakerfi „úrelt“
Sergey Lavrov, utanríkisráðherra Rússlands, segir kerfið sem viðhaft er við forsetakjör í Bandaríkjunum úr sér gengið og „afskræmi vilja íbúa landsins.“ Hann vill ekki óska Joe Biden sigurvegara kosninganna 3. nóvember til hamingju enn um sinn.
Segja af og frá að Navalny hafi verið byrlað eitur
Rússneskir embættismenn fullyrða að efnaskiptavandi og langvinn briskirtilsbólga hafi hrjáð stjórnarandstæðinginn Alexei Navalny og valdið miklum veikindum hans í ágúst. Alls ekki hafi verið eitrað fyrir honum líkt og var niðurstaða rannsóknastofa í Frakklandi, Svíþjóð og víðar.
06.11.2020 - 13:06
Sakar Navalny um að vinna með CIA
Talsmaður rússnesku ríkisstjórnarinnar sakar stjórnarandstöðuleiðtogann Alexei Navalny um að starfa með bandarísku leyniþjónustunni, CIA. Ásökunin er svar Kremlar við þeirri yfirlýsingu Navalnys, að hann gruni Pútín Rússlandsforseta um að vera ábyrgan fyrir því að honum var byrlað eitur á dögunum.
02.10.2020 - 05:39