Auðskilið mál

Aðeins tíu mega koma saman

„Ég er ekki hingað komin til að færa ykkur gleðifréttir,“ sagði Katrín Jakobsdóttir forsætisráðherra á blaðamannafundi um hertar sóttvarnir. Kórónuveirusmitum fjölgar hratt. Því verða sóttvarnaaðgerðir hertar. Nýjar reglur taka gildi á miðnætti....
24.03.2021 - 18:26

Eldgos hófst á Reykjanesskaga á föstudag

Eldgos hófst á Reykjanesskaga á föstudagskvöld. Gosið er í Geldingadölum í Fagradalsfjalli. Byggð er ekki í hættu eins og er. Gosið er lítið. Það er þó ekki hættulaust. Bannað er að fara nálægt gígnum því að þar getur verið hætta á gasmengun. Einnig...
23.03.2021 - 09:15

Kórunuveirusmitum fjölgar aftur

Kórónuveirusmitum er aftur farið að fjölga. Um helgina greindust 11 smit innanlands. Sex af þeim smituðu voru ekki í sóttkví. Tíu skipverjar á flutningaskipi frá Brasilíu eru með COVID-19. Öll áhöfnin er í sóttkví.
22.03.2021 - 17:26

Tuttugu skjálftar stærri en 3 frá miðnætti

Hátt í 20 jarðskjálftar, stærri en 3, urðu á Reykjanes-skaga frá miðnætti til hádegis í dag, 1. mars. Stærsti skjálftinn var 4,9 klukkan hálf tvö í nótt. 

90 ára og eldri boðið í bólusetningu

Einn greindist með COVID-19 í gær. Hann var ekki í sóttkví. Þetta er fyrsta smitið í tólf daga sem greinist utan sóttkvíar. Eitt smit greindist á landamærunum. Öllum sem eru 90 ára og eldri og búa á höfuðborgar-svæðinu var boðið í bólusetningu í dag.
02.02.2021 - 17:54

Vegagerðin herðir reglur um framkvæmdir

Vegagerðin hefur sett nýjar reglur um öryggi vega. Reglurnar ná til allra sem vinna við framkvæmdir fyrir Vegagerðina. Þær taka gildi í vor. Tilgangurinn er að auka öryggi, segir forstjóri Vegagerðarinnar. Reglurnar eiga að tryggja að vegir verði...
02.02.2021 - 17:49

Skotið á bíl borgarstjórans í Reykjavík

Maður, sem var handtekinn á laugardaginn, er grunaður um að hafa skotið á bíl borgarstjórans í Reykjavík. Hann er líka talinn hafa skotið á skrifstofu Samfylkingarinnar í Reykjavík.
01.02.2021 - 16:11

Rauf sóttkví til að fara á sjóinn

Enginn greindist með kórónuveirusmit innanlands í gær. Tíu manns sem voru að koma til Íslands greindust með smit á landamærunum. Einn þeirra er með virkt smit. Hann gæti því smitað aðra.
01.02.2021 - 16:06

Miklu lægri brúarlán en búist var við

Sjö fyrirtæki fengu brúarlán árið 2020, samtals 2,8 milljarða króna. Fyrirtæki hafa líka fengið stuðningslán fyrir rúma 9 milljarða króna. Þessi lán voru hluti af aðgerðum ríkisstjórnarinnar til að styðja fyrirtæki í kórónuveirufaraldrinum.

Kona lést í bílslysi á Vestfjörðum á laugardag

Alvarlegt bílslys varð í Skötufirði við Ísafjarðardjúp á laugardagsmorgun. Bíll fór út af veginum og endaði úti í sjó. Þriggja manna fjölskylda var í bílnum. Þau voru flutt með þyrlum á Landspítalann. Kona sem var í bílnum lést á laugardagskvöld.
18.01.2021 - 16:39

Nýjar sóttvarnareglur taka gildi 13. janúar

Nýjar reglur um samkomutakmarkanir taka gildi á morgun, miðvikudaginn 13. janúar. Þá mega 20 manns koma saman.
12.01.2021 - 16:38

Stuðningsmenn Trumps réðust inn í bandaríska þingið

Mannfjöldi réðst inn í bandaríska þingið í gærkvöldi. Það voru stuðningsmenn Donalds Trumps Bandaríkjaforseta. Margir þeirra voru vopnaðir. Trump neitar að viðurkenna að hafa tapað forsetakosningunum í Bandaríkjunum í nóvember.
07.01.2021 - 15:21

Engar þrettándabrennur í ár

Öllum þrettándabrennum er aflýst vegna samkomutakmarkana. Jón Viðar Matthíasson slökkviliðsstjóri segir að það sé gert til að koma í veg fyrir hópamyndanir.
06.01.2021 - 15:51

Svíar gætu þurft aðstoð annarra ríkja í faraldrinum

Svíar gætu þurft að fá aðstoð hjá öðrum norrænum þjóðum í kórónuveirufaraldrinum. Mjög margir eru veikir af COVID-19. Gjörgæsludeildir á flestum sjúkrahúsum í Svíþjóð eru orðnar fullar.
06.01.2021 - 15:27

Smitum gæti fjölgað með opnun skóla

Kórónuveirusmitum hefur ekki fjölgað mikið að undanförnu. Fólk virðist hafa farið varlega um jólin. Fimm greindust með smit innanlands í gær. Þrjú af þeim voru í sóttkví. Átján smit greindust á landamærunum.
06.01.2021 - 14:36