Vísindamenn grófu nýverið upp steingerðar líkamsleifar elstu risaeðlu sem fundist hefur í Afríku. Eðlan var þó ekki mjög risavaxin eða um metri á hæð og er talin hafa verið á dögum fyrir 230 milljónum ára.

Björgunarfólk í Norður-Mexíkó hefur unnið sleitulaust í fimm daga við að reyna að bjarga tíu verkamönnum sem urðu innlyksa í kolanámu. Mennirnir festust inni í námunni á miðvikudag þegar vatn flæddi inn djúp námugöngin. Reynt hefur verið að dæla vatni upp úr námunni, svo hægt sé að senda af stað kafarahóp til móts við mennina, en göngin eru enn metin of hættuleg til þess.

Ekkert hefur spurst til tíu verkamanna sem urðu innlyksa í kolanámu í Agujita-héraði í Mexíkó fyrir fjórum dögum. Andres Manuel Lopez Obrador, forseti Mexíkó, fór á vettvang í gærkvöld til að fylgjast með björgunaraðgerðunum, sem lítinn árangur hafa borið.

Þrettán létust og tveir slösuðust þegar óeirðir brutust út milli glæpagengja í fangelsi í Suður-Ameríkuríkinu Ekvador í gær. Þetta hefur AFP eftir fangelsismálayfirvöldum í landinu.

Blaðamaður var skotinn til bana í Mexíkó í gær. Tólf blaðamenn hafa verið myrtir í landinu það sem af er þessu ári.

Öldungadeildarþingmenn á mexíkóska þinginu samþykktu í gær frumvarp Andres Manuel Lopez Obrador forseta um þjóðnýtingu liþín námurannsókna- og vinnslu í landinu. Efnið er ómissandi við framleiðslu rafhlaða rafmagnsbíla, farsíma og margvíslegs annars tæknibúnaðar.

Dómari í Suður-Ameríkuríkinu Perú úrskurðaði á föstudag að ekki mætti lögsækja Alberto Fujimori fyrrverandi forseta landsins vegna þvingaðra ófrjósemisaðgerða sem talið er að gerðar hafi verið í stjórnartíð hans.

Bandarísk stjórnvöld segja að svæðiskosningar í Venesúela á sunnudag hafi hvorki verið frjálsar né réttlátar. Þau heita að halda áfram þrýstingi á stjórn Nicolas Maduro sem ekki hefur hlotið viðurkenningu nema hluta alþjóðasamfélagsins.

Erlent kosningaeftirlit var leyft í sveitarstjórnarkosningum í Venesúela í fyrsta sinn í langan tíma í dag. Stjórnarandstöðuflokkar settu það sem skilyrði fyrir þátttöku sinni í kosningunum.

Sjö sækjast eftir forsetaembættinu í Suður-Ameríkuríkinu Síle en forsetakosningar verða haldnar í landinu næstkomandi sunnudag. Sömuleiðis verður kosið til neðri deildar þingsins og helmings öldungadeildarinnar.

Þúsundir Argentínumanna fögnuðu í gær þeim árangri sem náðst hefur í réttindabaráttu hinseginfólks og kvenna í landinu. Hátíðahöldin stóðu klukkustundum saman í miðborg Buenos Aires og höfðu á sér glaðlegan blæ enda 30. gleðigangan í borginni.

Yfir fimmtíu flóttamenn frá Haítí fundust í flutningabíl í Gvatemala, þar af fjórtán börn. Talið er að ætlun fólksins hafi verið að komast til Bandaríkjanna gegnum Mexíkó. Tveir eru í haldi vegna málsins.