Jarðskjálftavirkni í grennd við Grindavík hefur aukist um helgina. Rúmlega 300 skjálftar hafa mælst, sá stærsti 2,7 á fjórða tímanum í gær. Veðurstofunni bárust tilkynningar um skjálfta sem fannst í Grindavík í nótt og mældist 2,5 að stærð. Síðustu vikur hafði heldur dregið úr skjálftavirkni á Reykjanesskaga en rúmlega 120 jarðskjálftar mældust þar í síðustu viku.

Mikið hefur dregið úr jarðskjálftavirkni á Reykjanesi undanfarnar vikur. Virkni þar er þó enn meiri en svo að hún flokkist sem venjulegt ástand og er Veðurstofan með aukna vakt á svæðinu.

Almannavarnir hafa breytt rýmingaráætlun fyrir Grindavík komi til eldgoss. Í ljósi kórónuveirufaraldursins þótti ekki rétt að gera ráð fyrir því að safna öllum þeim á einn stað sem þurfa aðstoð við að yfirgefa bæinn, fari svo að það fari að gjósa.

Niðurdæling HS Orku veldur jarðskjálftum við borholur fyrirtækisins í Svartsengi. Náttúruvársérfræðingur hjá Veðurstofu Íslands segir að niðurdælingin valdi aðeins jarðskjálftum þar sem vatninu er dælt niður og ekki sé unnt að rekja alla skjálfta á því svæði til niðurdælingar. Breytt spenna í jarðskorpunni verði til þess að niðurdælingin, sem staðið hefur yfir árum sama, sé núna að leiða af sér jarðskjálftavirkni.

Mikil jarðskjálftavirkni var á Reykjaneshrygg og í grennd við fjallið Þorbjörn við Grindavík í gær. Alls mældust á fjórða hundrað skjálftar á svæðunum tveimur.

Fjöldi jarðskjálfta hefur mælst nærri Grindavík í dag. Kristín Jónsdóttir, hópstjóri náttúruvárvöktunar á Veðurstofunni, segir að skjálftahrina sé núna á svæðinu, og að vísindamenn séu að reyna að átta sig á því hvað sé þarna að gerast.

Landris er hafið að nýju við fjallið Þorbjörn á Reykjanesi. Landrisið nú er hægara en það sem mældist í lok janúar, að því er fram kemur í tilkynningu Veðurstofunnar. Líklegast er að kvikusöfnun hafi tekið sig upp að nýju á sama stað, en engin merki eru um gosóróa. Vísindaráð Almannavarna kemur saman í næstu viku vegna málsins.

Fjöl margir eftirskjálftar hafa mælst við Grindavík í allan dag eftir að skálfti, 5,2 að stærð, reið þar yfir um klukkan hálf ellefu í morgun. Um klukkan 18:40 mældust tveir eftirskjálftar, annar þeirra var 3,4 að stærð og hinn 3,3, samkvæmt upplýsingum frá Veðurstofu Íslands. Grindvíkingar hafa fundið fyrir eftirskjálftunum.

„Okkur var farið að líða betur með stöðuna svo það er slæmt að þetta skyldi koma núna,“ segir Fannar Jónasson, bæjarstjóri í Grindavík, um stóran skjálfta 5,2 að stærð sem mældist nærri Grindavík rétt fyrir klukkan hálf ellefu í morgun.

Dregið hefur úr skjálftahrinunni við Reykjanestá en enn mælast jarðskjálftar á svæðinu. Um 600 skjálftar hafa mælst á svæðinu frá því að virknin hófst 15. febrúar.

Eins og fréttastofa greindi frá fyrr í dag hefur Veðurstofa Íslands varað við hellaskoðun í Eldvörpum á Reykjanesskaga eftir að gasmælingar sem gerðar voru á svæðinu í gær benda til þess að slíkt sé lífshættulegt. Kristín Jónsdóttir, hópstjóri náttúruvárvöktunar á Veðurstofunni, segir að í mælingum í síðustu viku hafi ekkert bent til slíks.