Færslur: forsætisráðherra

Spegillinn
Hefur áhyggjur af trausti milli Norðurlandaþjóða
Katrín Jakobsdóttir, forsætisráðherra, segir að það sé mjög alvarlegt mál að Bandaríkjamenn hafi njósnað með aðstoð frá dönsku leyniþjónustunni um háttsetta stjórnmálamenn, embættismenn, fyrirtæki og stofnanir í nágrannalöndum Danmerkur. Hún hefur áhyggjur af því hvaða áhrif þetta geti haft á traust á milli Norðurlandaþjóðanna.
31.05.2021 - 17:28
Tólf ára stjórnartíð Netanjahús virðist senn á enda
Valdatíð Benjamíns Netanjahú forsætisráðherra Ísraels virðist senn á enda því þjóðernissinninn Naftali Bennett hefur samþykkt að ganga til liðs við samsteypustjórn miðjumannsins Yair Lapid. Netanjahú segir slíka stjórn geta skapað hættu fyrir Ísrael.
Mikilvægt að #meetoo umræðan leiði til breytinga
Katrín Jakobsdóttir forsætisráðherra segir að þörf sé á frekari vitundarvakningu í samfélaginu til að berjast gegn kyndbundnu ofbeldi. Mikilvægt sé að þær reynslusögur sem konur hafa deilt á samfélagsmiðlum leiði til breytinga.
14.05.2021 - 19:46
Aðgengi almennings að gosstöðvunum verður tryggt
Forsætisráðherra segir útilokað að einkaaðilar geti lokað fyrir aðgengi almennings að gosstöðvunum. Ríkið leggi til fjármuni til að byggja upp aðstöðu á svæðinu og forsenda þess sé að aðgengi almennings verði tryggt.
Katrín: Líðandi kjörtímabil lærdómsríkt og óvenjulegt
Katrín Jakobsdóttir forsætisráðherra sagði í formannsávarpi sínu á rafrænum landsfundi Vinstri grænna sem hófst sídegis að kjörtímabilið hafi verið óvenjulegt og lærdómsríkt. Það sé ekki síst vegna heimsfaraldurs kórónuveirunnar.
Brýnt að stytta afgreiðslutíma upplýsinganefndar
Bæta þarf starfskilyrði og -aðstöðu úrskurðarnefndar um upplýsingamál til að stytta megi afgreiðslutíma mála hjá henni. Þetta er meðal þess sem fram kemur í bréfi Tryggva Gunnarssonar, umboðsmanns Alþingis til Katrínar Jakobsdóttur forsætisráðherra. Bréfið var sömuleiðis sent stjórnskipunar- og eftirlitsnefnd Alþingis til upplýsingar. 
Viðtal
Telur að við séum á lokahring faraldursins
Katrín Jakobsdóttir, forsætisráðherra, segir að vonin sé sú að ekki þurfi að nýta öll þau úrræði sem ríkisstjórnin kynnti í dag vegna kórónuveirufaraldursins, en horft sé til þess að stuðnings sé þörf á lokametrum faraldursins. Aðgerðir stjórnvalda hafi orðið til þess að samdráttur varð minni en búist var við.
Myndskeið
Segir ásakanirnar „hrærigraut af þvættingi“
Hrærigrautur af þvættingi eru orðin sem Boris Johnson forsætisráðherra Bretlands notar um ásakanir á hendur sér. Kosningaeftirlit landsins rannsakar nú hvort hann hafi þegið fjárstyrki til íbúðaframkvæmda.
Myndskeið
Kallað eftir vernd frá árásum stórfyrirtækja
Forsætisráðherra segir ekki góðan brag á því að stórfyrirtæki höfði mál gegn starfsmönnum opinberra stofnana. Hún segir koma til greina að setja lög til að vernda þá gegn slíkum málsóknum. Slík lög gætu einnig náð yfir heilbrigðisstarfsfólk.
Myndskeið
Rúmir 11 dagar í litakóðunarkefið - unnið að útfærslu
Það ræðst í þessari viku hvort og hvernig litakóðunarkerfi taki gildi á landamærunum um mánaðamót. Forsætisráðherra segir að unnið sé að útfærslu á kerfinu. Píratar vilja að fallið verði frá því að taka upp litakóðunarkerfið. Forsætisráðherra segir að ekkert verði ákveðið sem stangist á við ástandið hér heima eða erlendis.
Myndskeið
Telur að þingmeirihluti sé fyrir sóttkvíarhótelskyldu
Samfylkingin leggur fram frumvarp sem felur í sér að unnt sé að skylda alla á sóttkvíarhótel sem koma til landsins. Flestir stjórnarandstöðuflokkar eru hlynntir málinu. Forsætisráðherra segir að mögulega þurfi að breyta lögum en núna sé verið að leggja mat á stöðuna. Formaður Samfylkingarinnar er bjartsýnn á að meirihluti þingmanna samþykki frumvarpið.
Myndskeið
Vill jafna stöðu kynja í stjórnir sem Alþingi kýs
Katrín Jakobsdóttir forsætisráðherra segir ekki boðlegt að ekki sé kveðið á um sem jöfnust kynjahlutföll í stjórnum á vegum Alþingis. Að hennar tilhlutan lagði forsætisnefnd fram frumvarp í október til að bæta úr því. Síðan hefur ekkert gerst.
Ísland vel búið að mæta markmiðum gervigreindarstefnu
Ísland er talið vera í góðri aðstöðu til að uppfylla forsendur nefndar um ritun gervigreindarstefnu. Nefndin hefur skilað Katrínu Jakobsdóttur forsætisráðherra tillögum að stefnunni sem hún kynnti á fundi ríkisstjórnarinnar í morgun.
Viðtal
Forsætisráðherra sér ekki fyrir sér að loka landinu
Katrín Jakobsdóttir forsætisráðherra segir að fari svo að Landsréttur staðfesti niðurstöðu Héraðsdóms Reykjavíkur um að lagastoð skorti fyrir reglugerð ráðherra um dvöl fólks frá áhættusvæðum í sóttkvíarhúsi þurfi annað hvort að breyta sóttvarnarlögum eða reglugerðinni þannig að hún rúmist innan laga.
Útgönguspár boða ekki lausn á stjórnarkreppu í Ísrael
Útgönguspár í Ísrael benda ekki til að lausn á stjórnarkreppu þar í landi sé í augsýn. Útgönguspárnar voru birtar klukkan átta í kvöld þegar kjörstöðum var lokað.
23.03.2021 - 20:48
Myndskeið
Þau atvinnulausu finna mest fyrir kreppunni
Ríkisstjórnin ætlar að verja um fimm milljörðum króna til að unnt verði að skapa um sjö þúsund manns atvinnu. Úrræðið er ætlað þeim sem hafa verið án vinnu í eitt ár eða lengur. Forsætisráðherra segir að kreppan vegna faraldursins hafi ekki verið jafndjúp og óttast var. „En stóri vandinn er hins vegar atvinnuleysi. Þau sem eru atvinnulaus það er fólkið sem er að finna kannski mest fyrir þessari kreppu.“
Viðtal
Forsætisráðherra á leið til Suðurnesja
„Ég vænti nú þess að jarðhræringar og möguleg eldvirkni verði til umræðu,“ segir Katrín Jakobsdóttir forsætirsráðherra sem er á leið til Suðurnesja.
Býst við tilslökunum eftir bólusetningu eldri borgara
Katrín Jakobsdóttir forsætisráðherra telur að þegar búið verði að bólusetja eldr borgara verði ákveðin tímamót í sóttvarnarráðstöfunum innanlands. Hún væntir þess að afhending bóluefna gangi hraðar á öðrum fjórðungi ársins en þeim fyrsta. Sóttvarnalæknir segist ekki vita hvort búið verði að bólusetja meirihluta þjóðarinnar um mitt árið.  
Kalla eftir afstöðu ráðherra til reksturs spilakassa
Samtök áhugafólks um spilafíkn segja niðurstöður könnunar sem Gallup gerði fyrir þau í apríl og maí 2020 sýni að mjög afmarkaður og lítill hópur leggi allt sitt í spilakassa HHÍ. Samtökin kalla eftir afstöðu menntamálaráðherra til áframhaldandi reksturs kassanna.
Árásin því miður ekki þruma úr heiðskíru lofti
„Ég fordæmi auðvitað þessa árás, sem gerð er fyrir utan heimili borgarstjóra með skotvopnum, sem er nokkuð sem við höfum ekki séð áður,“ segir Katrín Jakobsdóttir forsætisráðherra um skotárás á fjölskyldubíl Dags B. Eggertssonar borgarstjóra.
Skila greinargerð um Arnarholt fyrir mánaðarmót
Forsætisráðuneytið ætlar að skila velferðarnefnd Alþingis greinargerð um væntanlega rannsókn á vistheimilinu Arnarholti og öðrum vistheimilum fyrir 1. febrúar næstkomandi. Þetta kemur fram í svari ráðuneytisins við fyrirspurn fréttastofu.
Segir forsætisráðherra ekki í neinni hættu
Sigríður Björk Guðjónsdóttir ríkislögreglustjóri segir enga hættu á ferðum á Seyðisfirði. Í hádeginu í dag var greint frá því að forsætisráðherra hefði borist hótun. Sigríður segir í samtali við fréttastofu að ráðherrarnir hafi verið teknir afsíðis á meðan staðan var metin eftir að hótunin barst, en lögreglan hafi fljótt komist að þeirri niðurstöðu að engin raunveruleg hætta stafaði af hótuninni.
Forsætisráðherra hótað á Seyðisfirði
Katrínu Jakobsdóttur forsætisráðherra barst hótun rétt um hádegisbil í dag þar sem hún var í skoðunarferð um Ferjuhúsið á Seyðisfirði. Þetta staðfestir ríkislögreglustjóri við fréttastofu. Katrínu og þremur öðrum ráðherrum var vísað inn í annað rými í húsinu í öryggisskyni, en héldu svo skoðunarferðinni áfram og fóru um borð í varðskipið Tý. Samkvæmt aðstoðarmanni Katrínar er dagskrá ráðherranna á áætlun.
22.12.2020 - 13:00
Myndskeið
Mikið högg fyrir sveitarfélagið og íbúana á Seyðisfirði
„Þetta eru auðvitað miklar hamfarir og svakalegt að sjá hvernig þetta hús hefur færst með aurskriðunni. Sem betur fer er ekki föst búseta þarna en þetta sýnir þá hættu sem getur stafað af svona skriðuföllum,“ segir Katrín Jakobsdóttir forsætisráðherra um aurskriður á Seyðisfirði síðustu daga. Bjarni Benediktsson fjármálaráðherra segir að nú sé til skoðunar hvers konar stuðning ríkið veiti.
Ný matvælastefna mikilvægt leiðarljós inn í framtíðina
Ný matvælastefna er mikilvægt leiðarljós til framtíðar, um hvernig auka megi verðmætasköpun með matvælaframleiðslu hér á landi. Þetta segir Katrín Jakobsdóttir forsætisráðherra. Hún telur að Ísland búi yfir miklum tækifærum sem matvælaframleiðsluland.