Færslur: Atlantshafsbandalagið

Bætist í hóp Afgana hér á landi á næstunni
Aðeins hluti þeirra 90 til 120 Afgana sem ríkisstjórnin ákvað að veita hæli í kjölfar valdatöku Talibana í ágúst hefur komist til landsins. Nú er þess vænst að fleiri bætist í hópinn fljótlega.
Segir ótímabært fyrir Úkraínu að ganga í NATÓ
Joe Biden Bandaríkjaforseti fullvissaði Volodymyr Zelensky forseta Úkraínu um andstöðu Bandaríkjanna við yfirgang Rússlands á fundi þeirra í dag. Hins vegar sýndi hann engan áhuga á stuðningi við inngöngu Úkraínu í Atlantshafsbandalagið.
02.09.2021 - 01:12
Forseti Úkraínu biður um aukinn stuðning Bandaríkjanna
Volodymyr Zelensky forseti Úkraínu fer fram á stuðning Bandaríkjamanna við að efla her landsins og færa hann í nútímahorf. Forsetinn, sem er í opinberri heimsókn í Bandaríkjunum óttast að hernaðarþrýstingur Rússa aukist mjög á næstunni.
Tyrkir funda með Talibönum um flugvöllinn
Forseti Tyrklands, Recep Tayyip Erdogan segir að tyrknesk stjórnvöld séu í beinum samskiptum og samningaviðræðum við Talibana. Tyrkir hafa boðist til þess að aðstoða Talibana við að reka alþjóðaflugvöllinn í Kabúl eftir að erlendar hersveitir hafa yfirgefið borgina að ágústmánuði loknum.
NATÓ heitir pólítiskum stuðningi við her og ríkisstjórn
Neyðarfundur Atlantshafsbandalagsins NATÓ ákvað í dag að halda áfram stuðningi við stjórnvöld í Afganistan við að finna pólítiska lausn á ástandinu þar. Fundarmaður segir ástandið í landinu vera skelfilegt.
NATÓ boðar til neyðarfundar vegna Afganistan
Atlantshafsbandalagið NATÓ hefur boðað til neyðarfundar klukkan eitt vegna ástandsins í Afganistan. Utanríkisráðherra Bretlands og fleiri stjórnmálamenn eru nú þungorðir gagnvart friðarsamkomulagi Bandaríkjanna við Talibana.
Myndskeið
Samþykktu að bregðast við ógn frá Kínverjum og Rússum
Leiðtogar Atlantshafsbandalagsins samþykktu á fundi sínum í Brussel í dag að bregðast við auknum áhrifum Kína á alþjóðavettvangi. Bandalagið setur líka loftslagsmál á oddinn í nýrri framtíðarsýn. Katrín Jakobsdóttir forsætisráðherra lagði áherslu á viðbrögð við loftslagsbreytingum á fundinum. Forsætisráðherra átti einnig fund með forseta framkvæmdastjórnar Evrópusambandsins og segir hann hafa verið gagnlegan.
14.06.2021 - 19:45
Myndskeið
Katrín heldur kynjajafnrétti og loftslagsmálum á lofti
Katrín Jakobsdóttir forsætisráðherra ræddi um loftslagsmál, kynjajafnfrétti og afvopnun á fundi leiðtoga Atlantshafsbandalagsríkjanna í dag. Katrín segir að margir leiðtogar hafi komið með skilaboð inn á fund Bandaríkjaforseta og Rússlandsforseta sem verður á miðvikudag. Þá hafi leiðtogarnir fagnað því að hittast í eigin persónu en ekki á fjarfundi.
Kína verður ekki hunsað
Jens Stoltenberg aðalframkvæmdastjóri NATO, segir að bandalagið þurfi að takast saman á við áhrif af uppgangi Kína en leggur áherslu á að Kína sé ekki andstæðingur bandalagsins. Leiðtogar 30 aðildarríkja Atlantshafsbandalagsins ráða nú ráðum sínum í höfuðstöðvum NATO í Brussel. Guðlaugur Þór Þórðarson utanríkisráðherra er á leiðtogafundinum ásamt Katrínu Jakobsdóttur forsætisráðherra. Hann segir að bandalagið standi nú á ákveðnum tímamótum.
Úkraína þrýstir á inngöngu í Atlantshafsbandalagið
Volodymyr Zelensky, forseti Úkraínu, þrýsti í gær á að Atlantshafsbandalagið leggi línurnar fyrir aðild Úkraínu að bandalaginu sem fyrst. Hann sagði mikilvægan þátt í því að draga úr átökum í Donbas í austanverðri Úkraínu.
07.04.2021 - 06:06
Heimsglugginn
Barist um fisk, flugvelli og námur á Grænlandi
Boðað hefur verið til þingkosninga á Grænlandi þó að kjörtímabilið renni ekki út fyrr en eftir rúmt ár. Síðast var kosið á vormánuðum 2018. Aðalmál kosningabaráttunnar verða líklega ný fiskveiðilöggjöf, bygging þriggja alþjóðaflugvalla og námuvinnsla.
Vilja að kjarnorkuveldi viðurkenni afvopnunarsamninginn
56 fyrrum stjórnmálaleiðtogar í þeim ríkjum sem hafa ekki undirritað fyrsta lagalega bindandi kjarnorkuafvopnunarsamninginn hafa ritað opið bréf til leiðtoga þessara sömu ríkja. Þrír fyrrverandi ráðherrar í ríkisstjórn Íslands eru meðal bréfritara.
Fundað í NATÓ vegna Navalny málsins
Boðað hefur verið til sérstaks fundar innan Atlantshafsbandalagsins vegna Navalny málsins. Að honum loknum hefur Jens Stoltenberg framkvæmdastjóri boðað til blaðamannafundar.
04.09.2020 - 06:26
Hvetur Pútín til að halda sig frá Hvíta-Rússlandi
Jens Stoltenberg, framkvæmdastjóri Atlantshafsbandalagsins, hvatti í dag stjórnvöld í Moskvu til þess að blanda sér ekki í málefni Hvíta-Rússlands. Þar hafa hörð mótmæli staðið yfir eftir að Alexander Lúkasjenkó var endurkjörinn forseti fyrr í mánuðinum.
Segir enga ástæðu til að efast um mat þýsku læknanna
Vestrænir leiðtogar halda áfram að þrýsta á rannsókn á veikindum rússneska stjórnarandstæðingsins Alexei Navalny. Rússnesk stjórnvöld segja ekkert benda til þess að um eitrun sé að ræða.
26.08.2020 - 17:25
Segir ótækt að nota NATO sem afsökun fyrir ofbeldi
Jens Stoltenberg, framkvæmdastjóri Atlantshafsbandalagsins, fordæmdi það í dag að stjórnvöld í Hvíta-Rússlandi notuðu bandalagið sem afsökun fyrir því að beita mótmælendur í landinu ofbeldi.
Evrópusambandið viðurkennir ekki niðurstöður kosninga
Leiðtogar Evrópusambandsins hafa haldið neyðarfund vegna ástandsins í Hvíta Rússlandi. Niðurstaða fundarins er sú að ríki sambandsins viðurkenna ekki niðurstöðu forsetakosninganna 9. ágúst síðastliðinn.
Þingkosningar í Norður-Makedóníu
Norður-Makedónar ganga að kjörborðinu í dag. Nýtt þing og stjórn þurfa að takast á við kórónuveirufaraldur og upphaf viðræðna um inngöngu í Evrópusambandið.
Rússneskar herflugvélar á eftirlitssvæðinu við Ísland
Óþekktar flugvélar flugu inn í loftrýmiseftirlitssvæði Atlandshafsbandalagsins (NATO) hér við land í fyrrinótt. Í tilkynningu frá Landhelgisgæslunni höfðu flugvélarnar hvorki tilkynnt sig til flugumferðarstjórnar né voru með ratsjárvara í gangi.
04.07.2020 - 16:39
Kafbátaeftirlitsæfingar NATO á Íslandi annað hvert ár
Kafbátaeftirlitsæfingar Atlantshafsbandalagsins, Dynamic Mongoose, verða framvegis haldnar á Íslandi annað hvert ár. Æfingarnar verða haldnar til skiptis á Íslandi og í Noregi.
25.06.2020 - 12:15
Fækkar verulega í bandaríska herliðinu í Þýskalandi
Bandaríkjaforseti hyggst fækka bandarískum hermönnum í Þýskalandi um meira en helming. Utanríkisráðherra Þýskalands segir að hermennirnir séu þar til að tryggja öryggi Bandaríkjanna.
Fjögurra vikna sóttkví fyrir loftrýmisgæslu á Íslandi
Ítalski flugherinn sinnir loftrýmisgæslu á vegum Atlantshafsbandalagsins hér á landi frá og með miðjum júní. Liðsmenn flughersins fara í 14 daga sóttkví, læknisskoðun og skimun á herstöð ytra áður en hingað er komið. Við komuna til landsins fara þeir aftur í 14 daga sóttkví, eins og allir sem hingað koma þurfa að gera. Verða þeir á öryggissvæðinu á Keflavíkurflugvelli á meðan.
Þyrla talin hafa hrapað í Jónahafið með sex innanborðs
Umfangsmikil leit stendur yfir að þyrlu kanadíska flughersins sem hvarf yfir Jónahafi, milli Grikklands og Ítalíu, í gær. Þyrlan tilheyrir kanadísku freigátunni Fredericton, sem tekur þátt í æfingum Atlantshafsbandalagsins á Miðjarðarhafinu þessa dagana. Hún var í eftirlits- og könnunarleiðangri undan ströndum Grikklands þegar hún hvarf af ratsjám og allt samband við hana rofnaði, segir í tilkynningu kanadíska flotans. Leit að þyrlunni hófst þegar í stað.
30.04.2020 - 02:43
Undirbúa framkvæmdir í Helguvík með herskip í huga
Hafnaryfirvöld hjá Reykjaneshöfnum hafa undirbúið möguleikann á því að höfnin í Helguvík geti tekið við stærri og lengri skipum en áður. Þá er sérstaklega horft til þess að herskip á vegum Atlantshafsbandalagsins geti haft þar aðstöðu.
20.04.2020 - 07:12
Norður-Makedónía á leið inn í NATO
Í gær var rutt úr vegi síðustu hindruninni fyrir aðild Norður-Makedóníu að Atlantshafsbandalaginu þegar efri deild spænska þingsins lagði blessun sína yfir inngöngu landsins í NATO.
18.03.2020 - 08:54