Lærið um tölustafina með Tölukubbunum!

Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.

Hvolparnir síkátu halda áfram ævintýrum sínum og hafa aldrei verið hressari.

Apinn Skotti og fíllinn Fló eru bestu vinir og bralla ýmislegt skemmtilegt í skóginum ásamt vinum sínum.

Stuttir þættir þar sem við kynnumst merkiskonum mannkynssögunnar. Sumar eru frægar, aðrar eru óþekktar en allar eru þær töffarar og eldhugar.

Heimildarþáttaröð frá BBC þar sem David Attenborough fjallar um jörðina, fjölbreytileika hennar og náttúruöflin sem móta lífið hér. Þættirnir eru talsettir á íslensku.

Egill Helgason og Sigríður Hagalín Björnsdóttir fá til sín gesti til að kryfja með sér atburði liðinnar viku og pólitískt landslag hverju sinni. Stjórn útsendingar: Helgi Jóhannesson.

Silfrið hefur göngu sína aftur á nýju ári. Egill Helgason hefur umsjón með þættinum . Í fyrri hluta eru gestir þau Björn Ingi Hrafnsson blaðamaður, Friðjón R. Friðjónsson almannatengill, Karen Kjartansdóttir almannatengill og Björn Þorláksson blaðamaður. Þau munu fara yfir málefni á vettvangi dagsins og fréttir vikunnar. Í síðari hluta er Hilmar Þór Hilmarsson prófessor við viðskipta- og raunvísindasvið Háskólans á Akureyri gestur Egils. Þeir ræða um málefni Úkraínu, Rússlands og NATO.

Upptaka af tónleikum Stuðmanna í Gamla Bíói í nóvember 2015. Hljómsveitin spilaði öll sín helstu lög og beraði sig þannig andlega fyrir alþjóð og svipti hulunni af leyndarmálum flekkaðrar fortíðar. Upptökustjóri: Egill Eðvarðsson.

Sigurlaug Margrét Jónasdóttir fær til sín góða gesti úr öllum áttum og ræðir við þá undir fjögur augu. Gestirnir eiga það sameiginlegt að hafa áhugaverða sögu að segja. Dagskrárgerð: Ragnheiður Thorsteinsson.

Þórhalla Arnardóttir, kennari, var stödd í Kraká með hóp af nemendum þegar hún fékk símtal um bróður sinn, fallhlífastökkvarann. Það hafði orðið hræðilegt slys. Sigurlaug Margrét ræddi við Þórhöllu um missi og góðar minningar.

Fróðlegir þættir þar sem fjallað er um allt milli himins og jarðar, svo sem öldrun, hvali, sprotafyrirtæki og snjallheimilið. Í þáttunum eru íslenskar vísindarannsóknir í forgrunni. Umsjón: Edda Elísabet Magnúsdóttir, Sigmar Guðmundsson og Edda Elísabet Magnúsdóttir. Dagskrárgerð: Eiríkur Ingi Böðvarsson.

Danskir heimildarþættir um arkitektúr og innréttingar. Innanhúsarkitektinn og arkitektinn Frederikke Aagaard og kynnir sér sérstöðu valdra staða í hönnun og útsjónarsemi.

Heimildarmynd um sögu Ísaksskóla sem gerð var á 90 ára afmæli skólans árið 2016. Ísak Jónsson var frumkvöðull í menntamálum og átti stóran þátt í mótun kennsluhátta fyrir bæði kennara og nemendur. Í myndinni er rætt við marga sem komið hafa að uppbyggingu, þróun og framgöngu skólans og fjallað um sérstöðu hans innan íslensks menntakerfis. Dagskrárgerð: Hrefna Hallgrímsdóttir og Bragi Þór Hinriksson. Framleiðandi: Hreyfimyndasmiðjan.

Brot úr menningarumfjöllun liðinnar viku. Fjallað á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu.

Húsálfurinn Bolli, sem býr á skrifborði hins 11 ára gamla Bjarma, fær óvæntan herbergisfélaga þegar skólaálfurinn Bjalla smyglar sér heim í pennaveskinu. Bolli og Bjalla ákveða að búa til skemmtilegasta sjónvarpsþátt veraldar: Stundina okkar. Í þættinum eru það krakkarnir sem slá í gegn, hvort sem það er í spurningakeppninni Frímó, við bakstur eða með ofursvala bílskúrsbandinu Stundin rokkar.

Í þessum þætti uppgötvar Bjalla besta og versta tæki í heiminum, símann hans Bjarma. Bílskúrshljómsveitin í Stundinni rokkar, sem fær nafnið Gulu kettirnir, fræða okkur um tónlistarorð og hefjast handa við að semja frumsamið lag.

Í Frímó mætast svo liðin UMFA og Gúrkurnar, sem keppa í þrautunum Dósadáð og Hleypa af stokkum

Þáttaröð um ungt og áhugavert fólk. Skyggnst er inn í líf einnar persónu hverju sinni og henni fylgt eftir í daglegu lífi sínu. Umsjónarmaður er Ragnhildur Steinunn Jónsdóttir. Stjórn upptöku og myndvinnsla er í höndum Eiríks I. Böðvarssonar.

Yngsti þingmaður lýðveldisins og bóndinn Jóhanna María Sigmundsdóttir hleypir okkur inní líf sitt. Ragnhildur Steinunn heimsækir Jóhönnu Maríu á bæinn Látra í Mjóafirði þar sem hún sinnir bústörfum og undirbýr sig fyrir þingstörf.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Íslensk heimildarþáttaröð þar sem við heyrum einstakar sögur fólks sem hefur látið gott af sér leiða á óeigingjarnan hátt í gegnum starf sitt eða daglegt líf. Í hverjum þætti eru sagðar sögur tveggja einstaklinga sem hafa lagt sig fram við að bæta og efla samfélagið á jákvæðan hátt. Umsjón: Viktoría Hermannsdóttir.

Í þættinum hittum við Örvar Þór Guðmundsson sem hefur safnað tugum milljóna til hjálpar bágstöddum á undanförnum árum. Við kynnumst einnig Margréti Brandsdóttur sem hefur, með einstökum metnaði og gleði, eflt unga iðkendur í Knattspyrnufélaginu FH.

Hljómskálinn snýr aftur, fullur langt út úr dyrum af nýjum viðtölum, nýjum andlitum og nýrri íslenskri tónlist. Sigtryggur Baldursson yfirheyrir íslenskt tónlistarfólk og greiningardeildin kryfur bransann til mergjar. Framleiðsla: Stjörnusambandsstöðin.

Það verður nóg af flippi í þessum þætti Hljómskálans. Flippuð lög, flippuð föt, flippaðar sögur og flipp sem fór gersamlega úr böndunum. Gamalt og nýtt í fádæma flippuðum Hljómskála.

Glæný íslensk þáttaröð sem gerist á árunum 1983-91. Vinahjón gera upp gamlan togara og fara í útgerð. Allt gengur vel þar til kvótakerfið kemur til sögunnar og setur líf hjónanna sem og allra landsmanna í uppnám. Með aðalhlutverk fara Nína Dögg Filippusdóttir, Björn Hlynur Haraldsson, Gísli Örn Garðarsson, Guðjón Davíð Karlsson og Unnur Ösp Stefánsdóttir. Atriði í þáttunum eru ekki við hæfi barna.

Harpa og Grímur ganga á fund forsætisráðherra í von um að fá aukinn kvóta til að halda útgerðinni gangandi. Tinna snýr aftur til bæjarins og hefur sín eigin áform.