%20rotate(-0.09)%22%2F%3E%3Cpath%20d%3D%22M12%2C0A12%2C12%2C0%2C0%2C0%2C0%2C12v0A12%2C12%2C0%2C0%2C0%2C12%2C24h0A12%2C12%2C0%2C0%2C0%2C12%2C0ZM9.62%2C19.43v-4H7.74v4H5l0-13a.87.87%2C0%2C0%2C1%2C.22-.55l1.1-1.13a.67.67%2C0%2C0%2C1%2C.55-.22H10.5a.7.7%2C0%2C0%2C1%2C.55.22l1.11%2C1.16a.82.82%2C0%2C0%2C1%2C.22.52l0%2C13Zm4.54%2C0%2C0-14.89h2.78V17.08h2.48v2.34Z%22%2F%3E%3C%2Fsvg%3E)
Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
- Aðgengilegt eingöngu á Íslandi
- Endursýnt
Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?
- Aðgengilegt eingöngu á Íslandi
- Endursýnt
Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?
- Aðgengilegt eingöngu á Íslandi
- Endursýnt
Velkomin til Eplabæjar. Eplabær er svo daufur og óspennandi að hann hefur verið tekinn út af landakortum. En ef betur er að gáð fela jafnvel mestu leiðindin í sér ævintýri. Stundum getur ómerkilegasti staðurinn orðið vettvangur stórkostlegra uppátækja – ef ímyndunaraflið fær að ráða.
- Aðgengilegt eingöngu á Íslandi
- Endursýnt
Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.
Teymið hennar Ormhildar hrekst inn í Hvískurklettana. Risavaxin nátttröll ná þeim og hóta að éta þau. Ormhildur kemst að því að tröllin heillast af henni, nema Sniffla sem er hroðalega kvefuð. Ormhildur dettur í poll og þá falla töfrarnir af henni svo tröllin ákveða að steikja allan hópinn. Að lokum nær Ormhildur aftur tökum á aðstæðum og sannfærir tröllin um að sleppa þeim. Álfur flýr með Týndu bókina.
- Aðgengilegt eingöngu á Íslandi
- Endursýnt
Serían gerist í litríkum og súrsætum skrímsla heimi þar sem fjölbreytt skrímsli búa í sátt og sæti. Í hverjum þætti kynnumst við nýju skrímsli sem býr yfir vægast sagt sérstökum eiginleikum. Kíkjum við og sjáum hvað setur, kannski við getum kynnst þeim aðeins betur.
Hláturskrímslið er ólíkur öðrum skrímslum. Hann er jafn stór og risaháhýsi og virðist finnast flest allt bráðfyndið. Hann hlær svo hátt að jörðin hristist, hús hrynja og það heyrist í honum til næstu landa. En hann notar að minnsta kosti sólarvörn, það er eitthvað.
- Endursýnt
Spennandi spurningaþáttur í beinni útsendingu þar sem baggalúturinn Guðmundur Pálsson og sjónvarpskonan Sigrún Ósk Kristjánsdóttir halda um stjórnartaumana. Fulltrúar bæjarfélaga um allt land spreyta sig á spurningum, glíma við heilabrot og leysa ýmsar þrautir. Hvaða lið stendur uppi sem landsmeistari? Stjórn útsendingar: Sturla Skúlason.
Reykjavík vestur mætir Vestmannaeyjum. Keppendur frá Reykjavík vestur eru Guðmundur Felixson, Laufey Haraldsdóttir og Þórdís Björk Þorfinnsdóttir. Keppendur frá Vestmannaeyjum eru Guðný Geirsdóttir, Guðjón Smári Smárason og Íris Róbertsdóttir.
- Dagskrárliðurinn er textaður sjálfvirkt
- Endursýnt
Víkingur Heiðar Ólafsson og Halla Oddný Magnúsdóttir leiða áhorfendur í tali og tónum um töfraheima sígildrar tónlistar. Þau spjalla á léttu nótunum um tónlist frá ýmsum tímum auk þess sem Víkingur leikur verk af nýlegum hljómplötum sínum á sviði Eldborgar í Hörpu.
- Dagskrárliðurinn er textaður
- Endursýnt
Íslensk heimildarþáttaröð í sex hlutum þar sem skyggnst er inn í heim tvíbura og sagðar persónulegar sögur. Í þáttunum er fylgst með því líffræðilega undri sem á sér stað þegar tvíburar verða til og þeim sterku tengslum sem virðast fylgja flestum tvíburum út lífið. Hvaða helstu áskoranir bíða tvíbura, búa þeir yfir meiri samkennd en aðrir, hversu samtaka í lífinu eru þeir og hugsa þeir jafnvel eins? Umsjón og framleiðsla: Ragnhildur Steinunn Jónsdóttir og Eiríkur Ingi Böðvarðsson.
Tvíburarnir Þórður Orri og Arnór Darri voru greindir tvíeggja á meðgöngu. Foreldrum þeirra finnst þeir hins vegar grunsamlega líkir og velta fyrir sér hvort tvíeggja tvíburar geti virkilega verið svona líkir. Í þættinum komumst við meðal annars til botns í því máli með DNA prófi auk þess sem við hittum eineggja tvíburabræður sem báðir vinna hjá Íslenskri erfðagreiningu. Skoðað er hversu sterk áhrif umhverfið getur haft á einstaklinga og hversu erfðafræðilega líkir eineggja og tvíeggja tvíburar eru.
- Dagskrárliðurinn er textaður
- Endursýnt
Íslensk heimildarmynd um fjórar ungar stúlkur sem stíga sín fyrstu skref sem leiðsögumenn veiðimanna við Laxá í Aðaldal, stærstu laxveiðiá landsins. Stúlkurnar eru sjöunda kynslóð leiðsögumanna við ána og fjölskyldusaga þeirra samofin árbakkanum. Eftir því sem líður á sumarið eykst sjálfstraust þeirra og færni í faginu en á sama tíma blasa við áskoranir, bæði gagnvart náttúrunni og framtíð fjölskyldufyrirtækisins. Leikstjóri: Gagga Jónsdóttir. Framleiðsla: Sagafilm.
- Dagskrárliðurinn er textaður
- Endursýnt
Þáttaröð í tíu hlutum um íslenskar kvikmyndir allt frá fyrri hluta 20. aldar til samtímans. Í hverjum þætti er ákveðið tímabil tekið fyrir, fjallað um kvikmyndir þess tímabils og sýndir valdir hlutar úr þeim. Rætt er við á annað hundrað kvikmyndagerðarmenn, leikara og kvikmyndasérfræðinga um verkin og margvíslega fleti íslenskrar kvikmyndagerðar. Leikstjóri: Ásgrímur Sverrisson.
Verk íslenskra leikstjóra vekja nú meiri athygli á alþjóðlegum vettvangi en nokkru sinni fyrr. Hópur erlendra kvikmyndasérfræðinga ræðir um árangur íslenskra kvikmynda á alþjóðlegum vettvangi. Einnig er fjallað um feril Sigurjóns Sighvatssonar framleiðanda í Bandaríkjunum og Baltasar Kormákur ræðir um Hollywood-myndir sínar og myndirnar sem hann gerði á Íslandi . Að lokum er farið yfir stöðuna nú og horfurnar framundan. Myndirnar sem er um eru Hross í oss, Djúpið, Kona fer í stríð, Hrútar, Hjartasteinn, Þrestir og Hvítur, hvítur dagur.
- Dagskrárliðurinn er textaður
- Endursýnt
Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.
- Dagskrárliðurinn er textaður
- Endursýnt
Ferskur og hispurslaus þáttur fyrir ungt fólk. Katrín og Unnsteinn halda áfram að kryfja ýmis óvenjuleg en aðkallandi málefni út frá skemmtilegu sjónarhorni og leita svara við spurningum sem brenna á ungu fólki í dag. Umsjón: Katrín Ásmundsdóttir og Unnsteinn Manuel Stefánsson. Framleiðandi: Sævar Guðmundsson.
- Dagskrárliðurinn er textaður
- Endursýnt
Heimildarþættir um lið ÍA sem vann einstakt afrek í íslenskri knattspyrnusögu þegar það varð Íslandsmeistari karla fimm ár í röð á árunum 1992-1996. Í þáttunum fara þjálfarar, leikmenn, andstæðingar, stjórnarmenn, stuðningsfólk og fjölmiðlafólk yfir þetta tímabil.
Sumarið 1993 léku Skagamenn á als oddi þrátt fyrir brotthvarf Arnars og Bjarka Gunnlaugssona til Feyenoord. Leikmaðurinn Mihajlo Bibercic gekk til liðs við ÍA. Baráttujaxlinn Ólafur Þórðarson sneri heim úr atvinnumennsku eftir fótbrot og Þórður Guðjónsson blómstraði. Úrslit í Evrópukeppninni vöktu athygli um alla Evrópu.
- Dagskrárliðurinn er textaður
- Aðgengilegt eingöngu á Íslandi
- Endursýnt
Íslensk heimildarmynd í tveimur hlutum um lífshlaup Marteins Lúthers og helstu hugmyndir siðbótarinnar. Þann 31. október 2017 voru 500 ár frá upphafi siðbótarinnar sem hafði afgerandi áhrif á þróun kristninnar. Í þáttunum ferðast Ævar Kjartansson um slóðir Lúthers í Þýskalandi og bregður upp svipmyndum af ævi hans. Rætt verður við nokkra fræðimenn um hugmyndir Lúthers og afstöðu hans til ýmissa mála. Dagskrárgerð: Jón Víðir Hauksson.
- Dagskrárliðurinn er textaður
- Endursýnt
Þáttaröð um nýsköpun, skapandi hugsun og iðngreinar. Í þáttunum fylgjumst við með nýsköpunarkeppni ungs fólks í áttunda til tíunda bekk þar sem þátttakendur fá að þróa hugmyndir sínar í flottar frumgerðir. Einnig sjáum við hvernig raftónlistarmaðurinn Daði Freyr býr til nýtt hljóðfæri með aðstoð Fab Lab á Íslandi og skoðum hvernig iðngreinar hafa áhrif á nýsköpun. Þættirnir eru í umsjón Daða Freyr Péturssonar og Berglindar Öldu Ástþórsdóttur. Dagskrárgerð: Eiríkur Ingi Böðvarsson.
- Dagskrárliðurinn er textaður
- Endursýnt
Krakkarnir bjarga vinum sínum Lofti og Sjón úr svartholinu – eða hvað? Nýjar og dularfullar verur koma í þeirra stað! Nú þurfa krakkarnir að finna hið sanna Loft og hina sönnu Sjón, en leiðin er full af ævintýrum og gleymdum minningum.
Áróra fiktar í minningarsigtinu og beinir því að mömmu sinni. Vonda Loft verður örvæntingarfullt og sársvangt þegar það finnur sigtið ekki. Krakkarnir reyna að hjálpa því og hvetja það til að skapa sínar eigin minningar í stað þess að stela þeim frá öðrum.
- Dagskrárliðurinn er textaður
- Endursýnt
Gleðiverkfæri Gleðiskruddunnar eru þættir sem byggjast á hugmyndafræði jákvæðrar sálfræði. Í hverjum þætti er eitt gleðiverkfæri kynnt sem hefur þann tilgang að efla sjálfsþekkingu, jákvæðar tilfinningar, auka vellíðan, bjartsýni og von og um leið aðstoða börn og ungmenni að takast á við verkefni og áskoranir daglegs lífs. Verkefni tengd þættinum má finna á glediskruddan.is
Umsjón: Marit Davíðsdóttir og Yrja Kristinsdóttir.
Hvað er sjálfsvinsemd? Í þessum þætti lærum við um sjálfsvinsemd og hvernig við getum verið okkar eigin besti vinur.
- Dagskrárliðurinn er textaður
- Endursýnt
Sigyn Blöndal fær fluggáfaða krakka til að hjálpa sér að leysa ráðgátur um land allt.
Við erum stödd í Ásbyrgi. Krakkarnir fá það merka verkefni að finna hóffar Sleipnis sem á að vera á þessum slóðum. Sleipnir var hestur Óðins og var með átta fætur svo kannski er hellingur af hófförum á þessum slóðum en við æltum að kanna málið.
Þátttakendur:
Arney Elva Valgeirsdóttir
Birkir Leví
- Endursýnt
Siggi Gunnars stýrir lifandi þætti um dægurmenningu og tekur stöðuna á því sem við horfum á, hlustum á og tölum um. Góðir gestir, skoðanir, húmor og leikgleði í fyrirrúmi. Stjórn upptöku: Þórunn Guðjónsdóttir.
Gagnrýnendur Miðstöðvarinnar fjalla um nýja íslenska sjónvarpsþætti: Boltamömmur í Sjónvarpi Símans og Dagbók lögreglunnar hjá SÝN+. Siggi skellir sér í bogfimisetrið og kynnist tónlistarmanninum YUNGAMLA og svo kemur leikaraparið Jakob Van Oosterhaut og Berglind Alda í heimsókn.
- Dagskrárliðurinn er textaður
- Endursýnt
Íslensk tónlistarmyndbönd.
- Endursýnt
Helstu fréttir dagsins af innlendum og erlendum vettvangi. Alla daga, árið um kring.
- Dagskrárliðurinn er textaður
Íþróttafréttir.
- Dagskrárliðurinn er textaður
Veðurfréttir.
- Dagskrárliðurinn er textaður sjálfvirkt
Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Hafsteinn Vilhelmsson, Þórdís Claessen og Amanda Guðrún Bjarnadóttir. Dagskrárgerð: Jóhannes Jónsson, Björgvin Kolbeinsson, Benedikt Nikulás Anes Ketilsson, Adelina Antal og Hjalti Stefánsson.
- Dagskrárliðurinn er textaður
Íslenskir viðtalsþættir þar sem skyggnst er inn í líf fólks sem nýtur eftirlaunaáranna á aðdáunarverðan og jákvæðan hátt. Í hverjum þætti fáum við innsýn í líf einnar manneskju, heyrum sögu hennar, lífssýn og lærdóm sem hún hefur dregið af lífinu, auk þess sem við ræðum þær áskoranir sem fylgja því að eldast. Dagskrárgerð: Ragnhildur Steinunn Jónsdóttir. Framleiðsla: Elín Sveinsdóttir.
Dagmar Agnarsdóttir er engin venjuleg amma á áttræðisaldri. Hún er margfaldur heimsmethafi í kraftlyftingum í flokki 70 ára og eldri. Ung að árum dreymdi hana um að verða listmálari. Foreldrar hennar höfðu aðrar væntingar og vonir þannig að hún gerðist hárgreiðslumeistari. Fjölmörgum árum seinna, þegar hún fluttist til Asíu, sneri hún sér að listinni. Síðan þá hefur listin verið stór hluti af lífi Dagmarar sem hefur haldið fjölmargar sýningar og myndskreytt barnabækur.
- Dagskrárliðurinn er textaður
Íslenskir heimildaþættir frá 2026. Í október 1986 ákváðu Ronald Reagan forseti Bandaríkjanna og Mikhail Gorbatsjev leiðtogi Sovétríkjanna að funda í Reykjavík, öllum að óvörum. Í þáttunum er fjallað um hvernig Íslendingar lögðu allt undir við að halda leiðtogafund risaveldanna með aðeins tólf daga fyrirvara. Hvaða áhrif hafði fundurinn á sálarlíf og sjálfsmynd íslensku þjóðarinnar og hverjar voru afleiðingar hans? Leikstjóri: Árni Þór Jónsson. Framleiðsla: Republik.
Bandaríkjaforseti og leiðtogi Sovétríkjanna ákveða með örskömmum fyrirvara að funda um afvopnun í Reykjavík. Þegar Íslendingar samþykkja að halda fundinn streyma erlendir ferðamenn til landsins í þúsundavís. Þjóðfélagið fer á hvolf og það skellur á sannkölluð gullgrafarastemning.
- Dagskrárliðurinn er textaður
Bandarísk stórmynd frá 1966 í leikstjórn Roberts Wise. Bandarísku herskipi er siglt upp ána Yangtze til bjargar trúboðum í stjórnmálaumbrotum í Kína árið 1926. Aðalhlutverk: Steve McQueen, Richard Attenborough og Richard Crenna. Myndin er ekki við hæfi barna yngri en 12 ára.
- Aðgengilegt eingöngu á Íslandi
Helstu fréttir dagsins af innlendum og erlendum vettvangi. Alla daga, árið um kring.
