Matargat

Leyft öllum aldurshópum

Hollar nammikúlur

Ylfa og Máni útbúa nammikúlur - sem eru bæði góðar á bragðið og hollar!

Þessar þarf ekki að baka, bara stinga inn í ísskápinn.

Hollar nammikúlur

(sirka 20 stk):

2 dl möndlur, 2 og 1/2 dl ferskar döðlur (eða 10 döðlur - mikilvægt að taka steininn úr), 1 kúfull msk möndlusmjör, 1 tsk hlynsíróp eða agave sýróp, 2 tsk kakó, 1/5 tsk salt.

Hjúpur

100g suðusúkkulaði, 1/2 tsk kókosolía og smá af grófu salti.

Aðferð: Settu möndlurnar í matvinnsluvél. Hakkaðu möndlurnar þar til þær eru orðnar að kurli. Settu döðlurnar (án steina) í matvinnsluvélina og blandaðu. Bættu kakó, salti, sýrópi og möndlusmjöri út í og maukaðu vel saman. Búðu til litlar kúlur úr deiginu.

Settu kúlurnar á disk og geymdu í ísskáp í 30-60 mín.

Hjúpur:

Bræddu súkkulaðið og hrærðu kókosolíunni saman við í pottinum.

Veltu kúlunum upp úr súkkulaðinu og raðaðu þeim á disk.

Það er gott að setja bökunarpappír undir svo þær festist ekki við diskinn.

Stráðu grófa saltinu yfir súkkulaðið að lokum.

Geymdu kúlurnar í ísskáp í allavega 30 mínútur svo súkkulaðið nái að harðna vel.

Birt
Aðgengilegt til
Rennur ekki út
Lengd
  • Dagskrárliðurinn er textaður

Matargat

Þau Ylfa og Máni standa vaktina í eldhúsinu og kenna okkur hvernig á að elda og baka ýmislegt góðgæti. Dagskrárgerð: Eva Rún Þorgeirsdóttir. Umsjón: Ylfa Blöndal og Hilmar Máni Magnússon.

Þættir

Páskalegar möffins

Ylfa og Máni geta ekki beðið eftir páskunum svo þau baka gómsætar og páskalegar möffins með gulum glassúr.

Egg

Ylfa og Máni elda egg sem eru full af góðri næringu. Ylfa steikir eggin sín en Máni býr til ommilettu.

Pizzaveisla

Ylfa og Máni útbúa pizzaveislu.

Amerískar pönnukökur

Ylfa of Máni búa til sparilegan morgunmat, amerískar pönnukökur. Hægt er að bæta allskonar hráefnum á pönnukökurnar eins og súkkulaði og berjum, en að þessu sinni nota krakkarnir bláber…

Piparkökur fyrir jólin

Í þessum þætti af Matargat undirbúa Máni og Ylfa jólin, með því að baka og skreyta piparkökur. Þau fá foreldra sína til að búa til deigið fyrir sig en það er líka hægt að kaupa deig…

Súkkulaðiafmælisskúffukaka

Í Þessum þætti af matargat baka krakkarnir afmælis-súkkulaðiskúffuköku fyrir 12 ára afmælið hennar Ylfu.

Grænmetisbuff

Ylfa og Máni útbúa grænmetisbuff, sósu, salat og hrísgrjón, sem er bæði holt og ótrúlega gott!

Bananmöffins

Ylfa og Máni kenna okkur að baka banamöffins, þar sem hægt er að nýta gamla banana í þess að henda þeim.

Berja boost

Ylfa og Máni búa til tvær tegundir af boost, sem er tilvalið eftir skóla, annað með skyri og hitt með trönuberjasafa.

Mexíkó veisla

Ylfa og Máni útbúa Mexíkó veislu. Einfalt, hollt og rosa gott.

Ræskrispís kökur

Í þessum þætti töfra Ylfa og Máni fram æðislega góðar og einfaldar ræskrispískökur.

Samloka

Í þættinum útbúa Ylfa og Máni einfaldar og bragðgóðar samlokur sem hægt er að taka með í nesti eða fá sér eftir skóla.

Hollar nammikúlur

Ylfa og Máni útbúa nammikúlur - sem eru bæði góðar á bragðið og hollar!

Hamborgarar

Í þessum þætti elda Ylfa og Máni gómsæta hamborgara úr nautakjöti og sojakjöti fyrir grænmetisætur.

Jólalegur eftirréttur

Í þessum þætti útbúa Ylfa og Máni jólalegan eftirrétt: Marengs og ís.

Hafragrautur með eplamús

Í þessum þætti búa Ylfa og Máni til ljúffengan hafragraut með eplamús. Hollur og góður morgunverður.

Kanilflétta

Í þessum þætti töfra þau Ylfa og Máni fram gómsæta kanilfléttu sem er mjög einfalt að baka og alveg tilvalið að bjóða upp á í kaffitímanum. Umsjón: Ylfa Blöndal og Hilmar Máni Magnússon
  • Ríkisútvarpið
  • Efstaleiti 1, 103 Reykjavík
  • Sími: 515-3000
  • © RÚV
,