Fremur rólegt var í stjórnmálunum í vikunni og störf Alþingis fóru fram án teljandi átaka. Ríkisstjórnin stendur sterkt að vígi samkvæmt nýrri könnun Gallup og nýtur talsvert meira fylgis en stjórnarflokkarnir hver um sig. Jóhanna Vigdís Hjaltadóttir þingfréttamaður rabbaði um pólitíkina. Mikail Gorbatsjov, fyrrverandi leiðtogi Sovétríkjanna, varð níræður á mánudag. Af því tilefni ætlum við að ræða um Gorbatsjov, umbrotatímana sem hann leiddi Sovétríkin í gegnum og áhrif hans á heimsmálin og söguna. Albert Jónsson, sem var sendiherra Íslands bæði í Rússlandi og í Bandaríkjunum, og auk þess lengi ráðgjafi stjórnvalda í utanríkismálum. Það er líf og fjör í jarðfræðitímunum í framhaldsskólunum þessa dagana líkt og í jarðskorpunni sjálfri á Reykjanesskaganum. Já, hræringarnar og hugsanlegt eldgos gera námið eflaust enn meira spennandi en venjulega og kennarinn fær óvænt í hendur lifandi kennsluefni. Við spjölluðum um jarðfræðikennslu í jarðskjálftahrinu við Anný Grétu Þorgeirsdóttur, jarðfræðikennara í Flensborgarskólanum í Hafnarfirði. Tónlist: Tunglið mitt - Hildur Vala Einarsdóttir Wind of change - Scorpions

Í þættinum er fjallað um finnsku borgarastyrjöldina í ársbyrjun 1918.

Umsjón: Halldóra Björnsdóttir.

Óskalagaþáttur hlustenda. Umsjón: Svanhildur Jakobsdóttir. (Aftur á sunnudag)

Föstudagsgesturinn okkar í dag var tónlistarmaðurinn Pálmi Sigurhjartarson. Inná vefnum ÍSMÚS - Íslensk músík og menningararfur, stendur eftirfarandi um Pálma: Pálmi Sigurhjartarson byrjaði að sjálfmennta sig á píanó 1972 með því að æfa og læra bandaríska þjóðsönginn. Upp frá því var hann sendur í tónlistarnám í Barnamúsíkskóla Reykjavíkur, þá Tónskóla Sigursveins, og var seinna í einkatímum í klassískum píanóleik til 12 ára aldurs en ráðlagt að hætta námi af kennara sínum er hann lék hið hugljúfa popplag ?My life? eftir Billy Joel á jólatónleikum hins klassíska píanókennara. Má segja að þetta hafi skipt sköpum fyrir okkar mann sem byrjaði upp úr 12 ára aldri að þroska tónlistarhæfileika sína upp á eigin spýtur, og ákvað að gera tónlistina að sínu starfi. Frá árinu 1985 hefur Pálmi, sem er auðvitað þekktastur fyrir að vera í Sniglabandinu, tekið þátt í gerð fjölda hljómplatna, sem hljóðfæraleikari, útsetjari, upptökustjóri, lagahöfundur og söngvari. Þá hefur hann einnig starfað sem hljómsveitar- og tónlistarstjóri í sjónvarpi, útvarpi og leikhúsi, undirleikari hjá fjölda listamanna og unnið við tónlistarkennslu. Svo var það matarspjallið með Sigurlaugu Margréti, besta vini bragðlaukanna. Í dag sagði hún okkur frá frönskum súkkulaðikökum og napóleonskökum. Sem sagt gómsætt og gott matarspjall í dag. UMSJÓN GUNNAR HANSSON OG GUÐRÚN GUNNARSDÓTTIR

Í fyrri hluta Hádegisins örskýrir Atli Fannar Bjarkason, fyrirbærið eldgos. Fátt hefur komist að í fréttum síðustu daga annað en eldgos og jarðskjálftar. Jarðskjálftana höfum við öll fundið, en ekkert bólar þó á eldgosi. Á fundi almannavarna í fyrradag var greint frá því að eldgos gæti þó verið í vændum á næstunni á Reykjanesskaga. Eitthvað hefur dregið úr þeim spádómi, en engu að síður er ljóst að það gæti vel farið að gjósa á Reykjanesi. En hvað eru eldgos og hvernig orsakast þau? Í örskýringum sínum tekur Atli fyrir flókin fyrirbæri og hugtök og útskýrir þau á einfaldan hátt. Í dag segir hann okkur frá eldgosum. Í síðari hluti þáttarins fjöllum við yfirstandandi réttarhöld yfir fangaverði í Sachsenhausen-fangabúðum nasista í síðari heimstyrjöld. Glæpir fortíðar geta fyrnst - það er að segja oft eiga brot sér fyrningardag - en það er þó ekki alltaf raunin og sumir glæpir fortíðar geta komið í bakið á viðkomandi í fjarlægri framtíð - alvarlegir glæpir á borð vð þjóðarmorð og voðaverk. Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Héraðsdómur Reykjavíkur hafnaði í morgun kröfu Lilju Alfreðsdóttur, menntamálaráðherra, um að ógilda úrskurð kærunefndar jafnréttismála vegna ráðningar ráðuneytisstjóra í menntamálaráðuneytið. Lilja höfðaði mál gegn Hafdísi Helgu Ólafsdóttur, sem kærði ráðninguna, til að fella úrskurð kærunefndarinnar úr gildi. Skjálftavirkni er enn mikil á Reykjanesskaga. Skömmu fyrir hádegi varð snarpur skjálfti sem fannst vel víða á höfuðborgarsvæðinu. Nokkrum Grindvíkingum þykir þetta vera orðið meira en nóg og hafa komið sér út úr bænum. Búist er við að kínverska þingið samþykki frumvarp sem talið er munu torvelda enn lýðræðissinnum að komast á þing í Hong Kong. Ársfundur kínverska þingsins hófst í morgun. Ekkert kórónuveirusmit greindist innanlands í gær. Faðir barns í Fossvogsskóla hefur tilkynnt Reykjavíkurborg til barnaverndaryfirvalda vegna mygluvanda í skólanum. Margir hafa nýtt sér endurgreiðslu virðisaukaskatts og ráðist í framkvæmdir á heimilum sínum. Formaður Sambands iðnfélaga segir stefna í metár og vill að úrræðið Allir vinna verði framlengt.

Hádegið er daglegur fréttaskýringaþáttur í umsjón Guðmundar Björns Þorbjörnssonar og Katrínar Ásmundsdóttur.

Una Hildardóttir, forseti Landssambands ungmennafélaga: ræðir tilgang og stefnu félagsins Jón Thoroddsen, grunnskólakennari: Segir frá lestir með börnum og heimspekilegri samræðutækni Vera Illugadóttir: Um villuráfandi sauði í Ástralíu og Nýja-Sjálandi

Í þættinum í dag kynnumst við fólki sem hefur flúið heimaland sitt og sest að á Íslandi. Við kynnumst líka vinum þeirra á Íslandi, fólki sem hefur hjálpað þeim að aðlagast í nýju landi. Við byrjum í Safamýrinni þar sem við hittum vinkonurnar Þórdísi og Shiman, önnur er fædd á Íslandi og hin í Sýrlandi. Vinátta þeirra byrjaði fram á gangi þar sem þær voru báðar með börnin sín tvö að rogast upp með Bónuspokana. Við hittum líka Lindu Hreggviðsdóttur sem komst að því fyrir tilviljun að það væru flóttamannabúðir í bakgarðinum hjá henni í Sólheimum og nú hefur hún eignast vini frá mörgum löndum sem leita til hennar bæði í sorg og gleði. Við hittum líka vinina Mohammad og Sveinbjörn sem báðir eru verkfræðingar og kynntust í gegnum verkefni Rauða Krossins á Íslandi, leiðsögumenn flóttafólks. Einnig er rætt við Sigrúnu Erlu Egilsdóttur, verkefnastjóra hjá Rauða krossinum á Íslandi. Umsjón: Viktoría Hermannsdóttir.

Í þætti dagsins förum við í heimsókn til sirkúslistakonunnar Unnar Maríu Máneyjar Bergsveinsdóttur, sem býr og starfar á Ólafsfirði. Flökkum líka aftur í tímann, til ársins 1968 þegar Stefán Jónsson fréttamaður flakkaði um Dalvík. Við heyrum brot úr flakki hans þar sem rætt er við Steingrím Þorsteinsson kennara. Í lok þáttar verður forvitnast um hvalaskoðunarfyrirtæki á Hauganesi á Árskógsströnd, sem er það fyrirtæki sem lengst hefur siglt með ferðamenn í hvalaskoðun við Ísland. Fyrsta ferðin var farin 1993. Efni í þáttinn unnu Gígja Hólmgeirsdóttir og Ágúst Ólafsson. Umsjón: Gígja Hólmgeirsdóttir

Vínill vikunnar er Einu sinni var - Vísur úr vísnabókinni með tónlistarmönnunum Björgvini Halldórssyni og Gunnari Þórðarssyni í fararbroddi. Platan var gefin út af Iðunni í desember 1976. Lögin á plötunni eru: Hlið 1: 1. Komdu kisa mín - Þambara vambara. Lag Gunnar Þórðarsson og Björgvin Halldórsson. Þjóðvísa 2. Ég á lítinn skrítinn skugga. Lag Gunnar Þórðarsson. Texti Sigurður Júlíus Jóhannesson. 3. Sofðu unga ástin mín. Þjóðlag. Texti Jóhann Sigurjónsson. 4. Bokki sat í brúnni. Lag Arnar Sigurbjörnsson. Þjóðvísa 5. Krummi svaf í klettagjá. Þjóðlag. Texti Jón Thoroddsen. 6. Bráðum kemur betri tíð. Lag Gunnar Þórðarsson. Texti Halldór Laxness. Hlið 2: 1. Stóð ég úti í tunglsljósi. Þjóðlag. Texti H. Heine í þýðingu Jónasar Hallgrímssonar. 2. Hann Tumi fer á fætur. Lag Mozart. Texti Freysteinn Gunnarsson. 3. Sunnudagur til sigurs. Lag Jóhann Helgason. Þjóðvísa. 4. Fyrr var oft í koti kátt. Lag Friðrik Bjarnason. Texti Þorsteinn Erlingsson. 5. Það var einu sinni strákur. Lagahöfundur ókunnur. Texti Stefán Jónsson. 6. Kvölda tekur. Lag Gunnar Þórðarsson. Þjóðvísa. Umsjón: Gígja Hólmgeirsdóttir.

Umræður um menningu og listir. Umsjón: Anna Marsibil Clausen. (Aftur í kvöld)

Kvika í kvikugangi undir Fagradalsfjalli er á um tveggja kílómetra dýpi. Vísindamenn segja tímabil sérstakrar aðgæslu vera í gangi. Jarðskjálftavirkni og kvikuhreyfingar eru áfram með svipuðum hætti. Rafmagnslaust hefur verið í Grindavík og nágrenni frá því klukkan tvö í dag. Lilja Alfreðsdóttir, mennta- og menningarmálaráðherra, ætlar að áfrýja úrskurði héraðsdóms Reykjavíkur til Landsréttar. Héraðsdómur vísaði kröfu ráðherra frá í morgun um að ógilda úrskurð kærunefndar jafnréttismála um að hún hafi brotið jafnréttislög við ráðningu ráðuneytisstjóra. Drög að rýmingaráætlun fyrir sveitarfélagið Voga liggja fyrir vegna hugsanlegrar eldvirkni á svæðinu. Ásgeir Eiríksson, bæjarstjóri Voga, segir að flóttaleiðir séu tryggar og góðar og að íbúar séu nokkuð yfirvegaðir. Dómsmálaráðherra leggur til að nýtt varðskip sem til stendur að kaupa verði nefnt Freyja og verði þar með annað skip Gæslunnar til að bera kvenmannsnafn. Forseti Brasilíu hvetur landsmenn til að hætta öllu COVID-væli og koma sér út úr húsi. Faraldurinn hefur dregið yfir 260 þúsund manns til dauða í landinu. Samkvæmt nýrri hrauðflæðispá eldfjallafræði og náttúrvárhóps Háskóla Íslands gæti hraun runnið að Grindavík og Bláa Lóninu og Svartsengi. Ekki eru þó taldar miklar líkur á að það gjósi þar og margir fyrirvarar eru gerðir. Arnar Páll Hauksson talar við Þorvald Þórðarson. Það er að glæðast á vinnumarkaði segir Sverrir Briem einn eigenda ráðninga- og ráðgjafafyrirtækisins Hagvangs. Hann bendir atvinnuleitendum á að skrá sig hjá ráðningarfyrirtækjum - þar sem 80 prósent starfa sem ráðið er í eru aldrei auglýst. Ragnhildur Thorlacius talar við Sverri Briem. Í Skotlandi berast núverandi og fyrrverandi leiðtogar Skoska þjóðarflokksins á pólitískum banaspjótum. Átökin gætu haft áhrif á þingkosningarnar í maí. Sigrín Davíðsdóttir sagði frá. Fyrir nokkrum dögum greindu Rolling Stone og Guardian frá því að McCartney ætlaði að senda frá sér 900 blaðsíðna tveggja binda bók í samvinnu við írska rithöfundinn Paul Muldoon (Molduun) þar sem þeir freista þess að draga upp sjálfsmynd af Paul McCartney í gegnum 154 söngtexta bítilsins frá 1956 til 2021 og langra samtala þeirra á milli. Bókin heitir The Lyrics og kemur út í nóvember á þessu ári. Kristján Sigurjónsson sagði frá.

Umsjónarmenn eru Björn Þór Sigbjörnsson, Þórunn Elísabet Bogadóttir og Vera Illugadóttir.

Sagt frá síðustu árunum sem Bragi spilaði opinberlega á böllum, áður en hann dró sig í hlé upp úr 1960. Einnig er fjallað aðeins um fyrstu sólóplötuna sem hann gerði árið 1976 að beiðni útgefandans Svavars Gests. Umsjón: Jónatan Garðarsson.

Umsjón: Friðrik Margrétar-Guðmundsson. (Frá því á þriðjudag)

Föstudagsgesturinn okkar í dag var tónlistarmaðurinn Pálmi Sigurhjartarson. Inná vefnum ÍSMÚS - Íslensk músík og menningararfur, stendur eftirfarandi um Pálma: Pálmi Sigurhjartarson byrjaði að sjálfmennta sig á píanó 1972 með því að æfa og læra bandaríska þjóðsönginn. Upp frá því var hann sendur í tónlistarnám í Barnamúsíkskóla Reykjavíkur, þá Tónskóla Sigursveins, og var seinna í einkatímum í klassískum píanóleik til 12 ára aldurs en ráðlagt að hætta námi af kennara sínum er hann lék hið hugljúfa popplag ?My life? eftir Billy Joel á jólatónleikum hins klassíska píanókennara. Má segja að þetta hafi skipt sköpum fyrir okkar mann sem byrjaði upp úr 12 ára aldri að þroska tónlistarhæfileika sína upp á eigin spýtur, og ákvað að gera tónlistina að sínu starfi. Frá árinu 1985 hefur Pálmi, sem er auðvitað þekktastur fyrir að vera í Sniglabandinu, tekið þátt í gerð fjölda hljómplatna, sem hljóðfæraleikari, útsetjari, upptökustjóri, lagahöfundur og söngvari. Þá hefur hann einnig starfað sem hljómsveitar- og tónlistarstjóri í sjónvarpi, útvarpi og leikhúsi, undirleikari hjá fjölda listamanna og unnið við tónlistarkennslu. Svo var það matarspjallið með Sigurlaugu Margréti, besta vini bragðlaukanna. Í dag sagði hún okkur frá frönskum súkkulaðikökum og napóleonskökum. Sem sagt gómsætt og gott matarspjall í dag. UMSJÓN GUNNAR HANSSON OG GUÐRÚN GUNNARSDÓTTIR

Óskar Halldórsson les. (Áður flutt 1984)

Steinunn Jóhannesdóttir les.

Una Hildardóttir, forseti Landssambands ungmennafélaga: ræðir tilgang og stefnu félagsins Jón Thoroddsen, grunnskólakennari: Segir frá lestir með börnum og heimspekilegri samræðutækni Vera Illugadóttir: Um villuráfandi sauði í Ástralíu og Nýja-Sjálandi

Umræður um menningu og listir. Umsjón: Anna Marsibil Clausen. (Frá því í dag)