Bæn og hugleiðing að morgni dags.

Vínil plata úr safninu dregin fram og spiluð í heild.

Vínill vikunnar þessa viku, og næstu reyndar líka, er helgaður 50 ára afmælisplötu Félags íslenskra hljómlistarmanna sem kom út síðla árs 1982.

Félag íslenskra hljómlistarmanna, FÍH, er stéttarfélag tónlistarmanna, stofnað að frumkvæði þeirra Bjarna Böðvarssonar og Þórhalls Árnasonar 28. febrúar 1932. Í febrúar 1982 var fimmtíu ára afmæli félagsins fagnað með viku tónlistarhátíð þar sem íslensk tónlistarsaga var rifjuð upp á fjölda tónleika víða á Stór-Reykjavíkursvæðinu, á skemmtistöðum og sjúkrastofnunum. Hátíðin var tekin upp og gefin út á tvöfaldri hljómplötu seinna á afmælisárinu.

Í dag hlýðum við á fyrri plötu albúmsins, A og B hlið, sem segja má að spanni tónlist frá upphafi tuttugustu aldar vel fram á sjötta áratug aldarinnar, en í næstu viku bregðum við seinni plötunni undir nálina og hlýðum á tónlist frá sjöunda og áttunda áratugnum.

A-hlið fyrri plötu afmælisútgáfunnar hefst með laginu Á persnesku markaðstorgi í flutningi útvarpshljómsveitar í anda Þórarins Guðmundssonar. Þá leikur danshljómsveit í anda Bjarna Böðvarssonar Little Brown Jug, Hljómsveit Jónatans Ólafssonar flytur valsasyrpu, Hljómsveit Aage Lorange Tanze Möchte Ich, Dixieland-hljómsveit Árna Ísleifssonar At a Georgia Camp Meeting, Hljómsveit Grettis Björnssonar If I Had You og Haukur Morthens og hljómsveit Fjörlaufa smára. Lagið Komdu fljótt, kæra vor sem Ásgeir Sverrisson og hljómsveit fluttu komst ekki fyrir vegna plássleysis.

B-hliðin hefst með því að K.K. sextettinn flytur Isn't It Romantic og Hyllingu no 1 (Sunday Kind Of Love), Hljómsveit Braga Hlíðberg Bændapolka, Árni Elfar og hljómsveit East Of The Sun, Hljómsveit Björns R. Einarssonar Chi, Baba, Chi Baba, Hljómsveit Karls Lilliendahl Manstu vinur, Sextett Ólafs Gauks lögin Segðu ekki nei, Bjössi á Hól og Þú ert minn súkkulaðís og Ragnar Bjarnason og Jón Sigurðsson syngja Úti í Hamborg. Lokalag plötunnar, Vor við flóann með Hljómsveit Ragnars Bjarnasonar, komst ekki fyrir vegna plássleysis.

Útvarpsfréttir.

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Þátturinn var fyrst á dagskrá 31. maí 2014.

Umsjón: Jón Óskar Hafsteinsson

Jón Óskar leikur tónlist að eigin vali.

Umsjón: Kristján Kristjánsson.

frá Veðurstofu Íslands.

Anna Marsý leitar uppi ástarsögur fyrir hlustendur Rásar 1 og hlaðvarpsins: þessar rómantísku, þessar sorglegu, þessar hversdagslegu og allt þar á milli.

Umsjón: Anna Marsbil Clausen

Sigurður upplifði dýpsta dal síns þjálfaraferils þegar Þórbergur féll í yfirlið í miðri lyftu á stórmóti. Gætu þeir aftur náð hæstu hæðum aðeins fjórum vikum síðar?

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir Vikulokanna 4. júlí voru Gunnar Sigurðarson, stjórnmálafræðingur og sérfræðingur hjá Samtökum iðnaðarins, Björn Berg Gunnarsson, fjármálaráðgjafi og Kolbrún Halldórsdóttir, formaður BHM.

Umsjón: Ingvar Þór Björnsson

Tónlist héðan og þaðan

Íslenskt lag eða tónverk.

Útvarpsfréttir.

Einn þeirra sem er í haldi tengslum við stærsta kókaínsmygl sögunnar var dæmdur fyrir meiriháttar skattalagabrot árið 2024.

Úkraínumenn gerðu í nótt árásir á olíuinnviði við Sankti Pétursborg. Tugir dróna voru skotnir niður og lenti einn í Peterhof, sögufrægum stað utan við borgina.

Um sjö gyltur misstu fóstur vegna innbrots í svínabú Stjörnugríss á Kjalarnesi í maí. Forstjóri segir það stórtjón.

Lögregla segir engin tæknileg vandamál hafa komið upp á Íslandi við innleiðingu Entry Exit landamærakerfisins. Kerfið hefur valdið töfum víða um Evrópu og er unnið að úrlausnum

Tuttugu þúsund mótmælendur hafa komið saman í borginni Erfurt í Þýskalandi í morgun og gerðu tilraun til þess að stöðva landsfund stjórnmálaflokksins Alternative fur Deutchland.

Það var mikið um dýrðir í Madison Square Garden í New York í gær þegar poppstjarnan Taylor Swift og ruðningskappinn Travis Kelce gengu í það heilaga.

Veðrið leikur við gesti á Goslokahátíð í Vestmannaeyjum.

Heimsmeistarar Argentínu lentu í verulegum vandræðum með Grænhöfðaeyjar í 32 liða úrslitum Heimsmeistaramótsins í fótbolta.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Við höldum áfram að rifja upp valin brot frá liðnum vetri og nú er komið að þeim sem fæðast með silfurskeið í munninum. Þó sum þeirra hafi þurft að skila henni. Það er allavega raunin með fyrra umfjöllunarefnið okkar í dag, manninn sem áður var kallaður Andrés prins, en nú Andrew Mountbatten Windsor eftir að hann var sviptur öllum sínum tiltlum og meðfæddri meðgjöf í lífinu. Anna Lilja Þórisdóttir segir okkur söguna alla.

Svanasöngur Downton Abbey kom í kvikmyndahús fyrir áramót. Þetta var þriðja og síðasta rmyndin sem kom í kjölfar feykivinsælla sjónvarpsþáttaraða um Crowley fjölskylduna og aðra íbúa á öllum hæðum Downton Abbey. Þættirnir hafa unnið alþjóðleg verðlaun um allan heim, slegið áhorfsmet og persónurnar eiga sér margar fastan sess í hjörtum aðdáenda. Birta Björnsdóttir fjallar um þættina vinsælu.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Eftir að Hulda Ragnhildur Hjálmarsdóttir lauk námi í arkítektúr langaði hana í meira frelsi og fann það í tónlist. Eftir að hafa lokið námi í tónsmíðum við nýmiðladeild Listaháskólans var hún skiptinemi við Sibelíusarakademíuna í Helsinki. Hulda gefur gefið út nokkuð af tónlist ein og í samstarfi við aðra, til að mynda í GARGANI og CATPURSE,

Lagalisti:

Óútgefið - Track 2

Óútgefið - Calm song bounce.2

Óútgefið - Soma Pipe Sounds

Óútgefið - Marginal Notes

Óútgefið - Clustering

SHE HAS CANDY - SHE HAS CANDY

Stjórnendur Lestarinnar, þau Lóa og Kristján, kryfja popplög með Friðriki Margrétar Guðmundssyni, tónskáldi, tónlistarmanni og poppmeinafræðingi.

Friðrik kryfur lagið Lover Girl, af nýútkominni plötu Laufeyjar, A Matter of Time.

Umsjón:

Lóa Björk Björnsdóttir, Kristján Guðjónsson og Friðrik Margrétar-Guðmundsson

Í þáttunum er ferill Michael Jackson rakin í tali og tónum. Barnastjarna, skemmtikraftur, poppstjarna af áður óþekktri stærð, frík og fyrirbæri; Bakgrunnur hans og helstu áhrifavaldar verða til umfjöllunar og leitast verður við að setja fjölbreytilegan feril hans í menningarsögulegt samhengi.

Umsjón: Berglind María Tómasdóttir

Í þessum lokaþætti skoðum við þann Michael Jackson sem birtist okkur við æfingar vegna fyrirhugaðra tónleika í heimildamyndinni This Is It. Eftir andlát Michael Jackson í júní 2009 jukust vinsældir hans til muna og er hægt að tala um nýtt upphaf og endurnýjun í því samhengi.Við skoðum áhrif Michael Jackson og ímynd að honum framliðnum.

Þátturinn var fyrst á dagskrá 1. ágúst 2015.

Útvarpsfréttir.

Umsjón: Illugi Jökulsson

Umsjón: Illugi Jökulsson

Fyrsti þáttur af fimm þar sem Illugi Jökulsson ræðir við fræðafólk af ýmsu tagi um nýjar rannsóknir og/eða bækur sem það vinnur að. Í þessum þætti segir Sveinn Máni Jóhannesson sagnfræðingur frá bókinni The Scientific Military State sem hið virta háskólaforlag University of Chicago Press gaf nýlega út eftir hann. Á þessum 250 ára afmælisdegi Bandaríkjanna er við hæfi að fræðast um þá hlið uppbyggingar hins nýja ríkis, sem Sveinn Máni fjallar um, en jafnframt er spjallað um bæði meðferð Bandaríkjamanna á frumbyggjum, Trump og fleira.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Pétur Grétarsson ræðir við Mikael Mána Ásmundsson gítarleikara og tónsmið um músíkina sem hann hefur sent frá sér undanfarin ár og hvernig glíman við laglínurnar og spuanann hefur farið fram.

Tónlist í þættinum:

Half sun - samnefnd plata 2026

Let´s Start at the Beginning - Nostalgia Machine 2021

Board Games - Bobby 2019

Innermost - samnefnd plata 2023

Mother and Time - Khemeia 2025

July Song - Half Sun 2026

Fréttir

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Í þættinum er fjallað um borgina sögufrægu Timbúktú í norðanverðu Malí. Þegar vígamenn íslamista tóku borgina yfir á vormánuðum 2012 tókst bókavörðum borgarinnar á nær ótrúlegan hátt að forða þúsundum ómetanlegra fornhandrita frá glötun.

frá Veðurstofu Íslands

Dánarfregnir.

Sveiflutónlist og söngdansar að hætti hússins.

Jónatan Garðarsson valdi.

Kvintett Sam Yahel leikur lögin Half Baked, A Sleepin' Bee, Searchin', Never Let Me Go, Hymn For Her og Block. Nicholas Payton leikur lögin The Last Goodbye, Zigaboogaloo, Back To The Source, Time Traveling, Concentratic Circles, Paraphernalia og People Make The World Go Round. Hljómsveit Nat Adderley leikur lögin Work Song, Sack of Woe, Fallout, Mean to Me og My Heart Stood Still.

Þáttur um íslensku og önnur mál.

Umsjón: Anna Sigríður Þráinsdóttir, Atli Sigþórsson og Guðrún Línberg Guðjónsdóttir

Þáttur um íslenskt mál og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir.

Bæjarfógetinn í Reykjavík hafði í nægu að snúast við að selja eigur skuldara á uppboði á árunum í kringum aldamótin 1900. Uppboðin voru auglýst í blöðum og þar voru gjarnan taldir upp helstu munir úr innbúum sem þar yrðu seldir svo sem sófar og kommóður, skatthol og skammel, servantar og púff. Fjallað var um ýmis húsgagnaheiti og grennslast fyrir um uppruna þeirra.

Umsjón: Melkorka Ólafsdóttir

Umsjón: Melkorka Ólafsdóttir

Daníel Bjarnason, tónskáld og hljómsveitarstjóri, segir frá sínu uppáhalds tónverki.

Clifford Curzon leikur 2. kafla úr Píanókonsert nr. 1 eftir Johannes Brahms, ásamt London Symphony Orchestra, stjórnandi er Georg Szell.

Í Sagnaslóð er leitað fanga úr fortíðinni. Frásagnir úr sögu þjóðarinnar.

Umsjón: Birgir Sveinbjörnsson og Jón Ormar Ormsson.

frá Veðurstofu Íslands

Leikin er gamaldags tónlist frá öldinni sem leið: dægurlög, harmóníkutónlist, djass og danslög. Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum. Umsjónarmaður þáttarins er Lana Kolbrún Eddudóttir.

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir Vikulokanna 4. júlí voru Gunnar Sigurðarson, stjórnmálafræðingur og sérfræðingur hjá Samtökum iðnaðarins, Björn Berg Gunnarsson, fjármálaráðgjafi og Kolbrún Halldórsdóttir, formaður BHM.

Umsjón: Ingvar Þór Björnsson