Í dag var síðasti þáttur Sumarmála í þetta sinn, Mannlegi þátturinn hefur svo aftur göngu sína á mánudaginn. Við fengum því í dag síðustu ferðasöguna í bili, en í þáttinn komu Auðunn Jakob Pálsson og Jón Ólafsson, en þeir hafa unnið í flóttamannaaðstoð í Úganda, þar sem þeir hafa verið að leggja hönd, eða hendur, á plóg með frumkvöðlaverkefni sem býður upp á færanlegar einingar sem hægt er að búa í og flytja eftir þörfum hverju sinni. Verkefnið er unnið í samstarfi við Rauða Krossinn í Úganda og forsætisráðuneyti landsins. Þessi skýli hafa til dæmis nýst sem læknamóttökur og þeir Auðunn og Jón sögðu okkur betur frá verkefninu í þættinum í dag.
Svo var auðvitað fugl dagsins á sínum stað.
Tónlist í þættinum:
Ágústnótt / Sextett Ólafs Gauks (Oddgeir Kristjánsson, Árni úr Eyjum)
Mull of Kintyre / Paul Mchartney (Paul McCartney og Denny Laine)
Kuliko Jana / Sauti Soul & Aaron Rimbui (Aaron Rimbui, Bien Aime Alusa, Delvin Savara Mudigi, Polycarp Ochieng Otieno & Willis Asutin Chimano)
Yoga / Asake (Ololade Ahmed)
UMSJÓN GUÐRÚN GUNNARSDÓTTIR OG GUNNAR HANSSON
Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.
