Grasrótarhreyfing, sem kallar sig á Facebook, Arkitektúruppreisnin á Íslandi - Byggjum fallegt aftur, hefur verið að sækja í sig veðrið síðustu mánuði með gagnrýni á byggingastíl nýbygginga á Íslandi og kallar eftir umræðu um að leitað verði aftur í upprunann og byggðar verði fallegri og vandaðri byggingar en gert hefur verið síðustu ár. Arkitektúruppreisnin á Íslandi tengist sambærilegum erlendum samtökum sem eru hreyfiafl í samfélögum og víða í Evrópu. Þórhallur Bjarni Björnsson verðandi nemi í arkitektúr og Snædís Traustadóttir húsasmíðameistari standa meðal annarra fyrir þessari umræðu og komu í þáttinn í dag.
Páll Ásgeir Ásgeirsson, útivistarfrömuður og leiðsögumaður, kom með Veganesti vikunnar í dag og fjallaði í dag um gamlar þjóðleiðir sem gaman er að ganga.
Svo var fugl dagsins auðvitað á sínum stað.
Tónlist í þættinum í dag:
Mannakorn - Daglega fer mér fram.
Sade - Smooth operator.
McLachlan, Sarah - Blackbird
UMSJÓN HELGA ARNARDÓTTIR OG GUÐRÚN GUNNARSDÓTTIR
Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.
