Atli Harðarson prófessor við Menntavísindasvið Háskóla Íslands kom í þáttinn í dag, en hann skrifaði pistil á visir.is þar sem hann var að ræða snjallsímanotkun og þá sérstaklega hjá börnum og unglingum. Þar talar hann um nýja bók sem hefur vakið mikla athygli, en í henni er farið meðal annars yfir tvær miklar breytingar í lífi unga fólksins sem valda því að nú þjáist mun fleiri ungmenni af kvíða og þunglyndi en á árum áður. Annars vegar er það tilkoma samfélagsmiðla og snjallsíma og hins vegar að börn verji minni tíma saman, í hópi með öðrum börnum í frjálsum leik án eftirlits og afskipta fullorðinna, sem er auðvitað að einhverju leyti afleiðing hins fyrr nefnda. Atli fór betur með okkur yfir þetta mikilvæga málefni í þættinum í dag.
Síldarminjasafnið á Siglufirði var safn vikunnar í þættinum í dag. Framkvæmdum við Salthúsið er loks lokið, en húsið á sér mjög merkilega sögu sem hægt er að rekja aftur til Hvítahafsstrandar Rússlands og keisara Rússlands. Þar hefur nú verið opnað glænýtt Síldarkaffi þar sem boðið er upp á síldarrétti, smörrebröd og heimabakaðar kökur. Sýningar safnsins eru í þremur ólíkum húsum og gestum gefst þar færi til að kynnast sögunni í breiðu samhengi; síldarsöltun og lífi síldarkvenna í brakkanum, síldarbræðslu og stóriðjunni og síðast síldveiðum og lífinu á höfninni. Anita Elefsen safnstjóri sagði okkur meira frá þessu í þættinum.
Svo var fugl dagsins auðvitað á sínum stað.
Tónlist í þættinum:
Ekkert þras / Egill Ólafsson, Lay Low, Högni Egilsson og Moses Hightower (Egill Ólafsson)
Gott er að lifa / Bergþóra Árnadóttir (Bergþóra Árnadóttir)
Allar mínar götur / Halli Reynis (Halli Reynis)
Turn turn turn / Byrds (Peter Seeger)
UMSJÓN GUNNAR HANSSON OG GUÐRÚN GUNNARSDÓTTIR
Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.
