Í ferðasögu vikunnar, sem er alla föstudaga í Sumarmálum, ferðuðumst við til franska héraðsins Normandí og Japans með Ágústu Rós Árnadóttur verkefnastjóra í Stafrænni Reykjavík. Hún er nýkomin úr þriggja vikna dvöl í Normandí þar sem hún og eiginmaðurinn ásamt tveimur börnum á táningsaldri leigðu sér aldagamla uppgerða íbúð, upplifðu mannlífið og keyrðu um héraðið. Hún segist lifa fyrir ferðalög, leggur mikið upp úr því að dvelja lengi á hverjum stað til að geta drukkið í sig menningu viðkomandi lands. Hún sagði okkur frá geðstirðum frökkum, stórbrotnu landslagi og matarmenningu Normandí og svo í seinni hlutanum sagði hún frá heimsókn sinni til Japan árið 2019 sem heillaði hana upp úr skónum. Fyrir utan hvað maturinn þar í landi er framúrstefnulegur og gómsætur þá segir hún Japani einstaklega ljúft fólk og þar sé stórbrotið landslag og bað- og salernismenningin sé eitthvað til að ræða sérstaklega og mögulega taka sér til fyrirmyndar.
Svo var fugl dagsins auðvitað á sínum stað.
Tónlist í þættinum:
Gordjöss / Páll Óskar Hjálmtýsson (Bragi Valdimar Skúlason)
Hamingjan er hér / Jónas Sig og Ritvélar framtíðarinnar (Jónas Sigurðsson)
Je vous trouve un charme fou / Hoshi & Gaetan Roussel (Gaetan Roussel)
Rainha Estrela / Tito Paris (Tito Paris)
UMSJÓN GUNNAR HANSSON OG HELGA ARNARDÓTTIR
Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.
