Lóa Pind Aldísardóttir leikstjóri og framleiðandi sagði okkur ferðasögur vikunnar, sem er fastur liður á föstudögum í sumar. Lóa hefur gert þættina Hvar er best að búa sem hafa verið sýndir á Stöð 2 við miklar vinsældir undanfarin ár. Lóa er að hefja sína sjöttu þáttaröð en hún hefur ferðast til yfir fjörutíu staða í heiminum til að heimsækja Íslendinga sem kjósa að búa annars staðar og forvitnast um tilveru þeirra í framandi aðstæðum. Meðal annars heimsótti hún Síerra Leóne síðastliðið haust til að forvitnast um líf fjögurra manna fjölskyldu úr miðbæ Reykjavíkur sem býr í Freetown. Hún hefur að auki flakkað um heiminn til að skoða mannlífið víðar á hnettinum en hér á norðurhveli og þar stendur meðal annars upp úr fjögurra vikna dvöl á Kúbu fyrir fjórum árum. Lóa sagði okkur frá Síerra Leóne og Kúbu í þættinum, en hún segir að þjóðfélagið á Kúbu og kerfið þar sé það sem hún hafi kynnst.
Svo var fugl dagsins auðvitað á sínum stað.
Tónlist í þættinum:
Ég flýg burt / Rúnar Júlíusson (Albert E. Brumley, texti Þorsteinn Eggertsson)
The Way You Look Tonight / Jóhann Helgason og Gammar (Irving Berlin)
Woman / Cell7, Daniel Bangura, Hildur, Mohammed & Kamara Osusu (Hildur Kristín Stefánsdóttir, Ragna Kjartansdóttir)
Guantanamera / Joseito Fernández (Joseito Fernándes)
UMSJÓN GUNNAR HANSSON OG HELGA ARNARDÓTTIR
Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.
