PartyZone: Dansþáttur þjóðarinnar á RÚV

Party Zone listinn mars 2024

Mál málanna í þessum þætti er glænýr PartyZone listi topp 30.

Sem fyrr fáum við plötusnúðana til að gramsa í plötukössunum sínum og segja okkur hvaða lög eru að trylla á dansgólfunum þessa dagana. Þáttastjórnendur grúska sömuleiðis í helstu kreðsum danstónlistarinnar.

Útkoman er funheitur PartyZone listi með öllu því þéttasta sem hefur verið að koma út í danstónlistinni síðustu vikur. Múmía kvöldsins er síðan klassík frá árinu 1991, en það fannst nýverið upptaka af árslista Partyzone sem útvarpað var á framhaldsskólastöðinni Útrás í janúar 1992.

Þessi týndi árslisti var settur í hlaðvarp þáttarins um daginn og hefur vakið mikla lukku.

Frumflutt

21. mars 2024

Aðgengilegt til

21. mars 2025

PartyZone, oft nefndur Dansþáttur þjóðarinnar, er kominn aftur heim á RÚV eftir nokkura ára fjarveru en þátturinn var á dagskrá Rásar 2 á laugardagskvöldum í

16 ár (1999-2014).

Þátturinn er líklega elsti starfandi útvarpsþátturinn á Íslandi en hann hóf göngu sína á framhaldsskólaútvarpsstöðinni Útrás haustið 1990.

Sem fyrr er PartyZone útvarpsþáttur danssenunnar og plötusnúðanna á Íslandi. Í þættinum er farið yfir allt það nýjasta og heitasta í danstónlistinni í bland við klassikar perlur danstónlistarinnar sem heita þá múmíur kvöldsins. PartyZone listinn Topp 30 er fyrirferðamikill dagskrárliður þar sem við fáum plötusnúðana til liðs við okkur við val listans.

Við munum fá betri plötusnúða þjóðarinnar í heimsókn í þáttinn þar sem þeir taka Dj sett. Þátturinn er ávalt nálægt skemmtanalífinu og flytur fréttir af því helsta sem er að gerast í danslífi landsmanna.

Umsjónarmenn: Helgi Már Bjarnason og Kristján Helgi Stefánsson ásamt reglulegri aðstoð frá Símoni Guðmundssyni (Simon FKNHNDSM).