Kynslóðir mætast

Tímavél, fjölskyldan og samfélagsbreytingar

Hvert myndir þú fara ef þú mættir fara í tímavél? Hverju myndir þú breyta ef þú fengir að stjórna landinu? Í lokaþættinum af Kynslóðir mætast fá viðmælendurnir meðal annars að fara í tímavél og segja hverju þeir vildu fá að breyta í íslensku samfélagi. Auk þess fáum við að heyra hvernig hlutverk kynjanna hafa breyst, hvaða heilræði eldra fólk hefur handa ungu fólki nú og hvernig viðmælendurnir sjá fjölskylduformið þróast í framtíðinni.

Þátturinn var fyrst á dagskrá 9. október 2011.

Birt

9. okt. 2011

Aðgengilegt til

27. maí 2027

Hvernig horfum við á nútíðina og hvernig spáum við í framtíðina? Getum við litið til baka og greint fortíðina? Getum við komist að því hver viðhorf ungs fólks voru árið 1940? En árið 2011? Hvernig hafa hugmyndir fólks breyst á 50 árum? Og hvernig sér það þróunina fyrir sér næstu 50 ár?

Í þáttunum Kynslóðir mætast verður rætt við þrettán Íslendinga sem fæðast og alast upp á ólíkum tímum. Eldri viðmælendurnir eiga það sameiginlegt að hafa fæðst áður en Ísland varð lýðveldi og yngri viðmælendurnir fæddust allir eftir að Gleðibankinn var orðinn að klassík og Perlan að kennileiti í Reykjavík. Í eldri hópnum er yngsti viðmælandinn 73 ára og sá elsti 90 og í yngri hópnum er sá elsti 18 ára gamall og þeir yngstu 14 ára gamlir. Á milli elsta og yngstu viðmælendanna eru 76 ár.

Hvaða hugmyndir hafa þessir einstaklingar um menntun, störf, byggðarþróun, náttúruna, auðlindir, alþjóðamál, íslenska tungu og íslenskan mat? Hverju myndu þeir vilja breyta í íslensku samfélagi? Endurspegla tvær kynslóðir tvö ólík viðhorf? (Áður á dagskrá 2011)

Hvað eiga kynslóðirnar sameiginlegt? Hvað greinir þær að? Hvaða breytingar hafa orðið á hugmyndum fólks á hálfri öld? Hvernig sjá þessar tvær kynslóðir framtíðina fyrir sér? Umsjón: Gerður Jónsdóttir.