Þau Hrafnhildur Halldórsdóttir, Hólmfríður María Ragnhildardóttir og Rúnar Róbertsson halda landanum vel upplýstum um menn og málefni á leið úr vinnu. Þau fylgjast með fréttum og dægurmálum og spila nóg af góðri tónlist.
Eins og undanfarna daga þá fylgdum við fréttastofunni sem heldur utan um Oddvitaumræður í útvarpi og sjónvarpi og í kvöld eru það Skagafjörður og Grindavík. Við ætlum að heyra í íbúa á Sauðárkróki hann heitir Áskell Heiðar Ásgeirsson er fjögurra barna faðir og kennari og við spyrjum hann út í lífið og tilveruna í Skagafirði.
HönnunarMars hefst í næstu viku. Til að segja okkur nánar frá dagskránni kom til okkar Gunnþórunn Jónsdóttir kynningarstjóri Miðstöðvar hönnunar og arkitektúrs.
Frumvarp um breytingar á umferðarlögum sem varðar eldri ökumenn og að þeir þurfi ekki að endurnýja ökuskírteini sín jafn oft og núgildandi lög kveða á um er nú til umfjöllunar á Alþingi. Nanna Margrét Gunnlaugsdóttir, þingmaður Miðflokksins, fer fyrir hópi þingmanna sem standa fyrir frumvarpinu. Nanna Margrét, kom til okkar.
Til að skilja mikilvægi þess að einhver hlaupi maraþon á innan við tveimur klukkustundum þarftu líka að skilja að þar til nýlega var hugmyndin um að þetta gerðist í raun og veru algjörlega fáránleg. Sumir höfðu spáð að þetta myndi ekki gerast fyrr en í fyrsta lagi 2075 og það þótti bratt. En þetta varð að veruleika um daginn þegar Sabastian Sawe, kenískur hlaupari, hljóp maraþon á 1 klst 59 mínútum og 30 sekúndum . Marteinn Urbancic, sem heldur úti hlaðvarpi um hlaup skoðaði þetta afrek með okkur.
Á morgun er 1. maí, dagur verkalýðsins, og af því tilefni ræddum við stöðu launafólks á tímum mikilla efnahagsbreytinga. Kjarasamningar, þrálát verðbólga og stýrivaxtahækkanir hafa sett mark sitt á heimilin, á sama tíma og íbúðaverð hefur hækkað verulega – þróun sem margir finna skýrt fyrir í eigin buddu.Til að fara yfir stöðuna og hvað fram undan fengum við til okkar Sólveigu Önnu Jónsdóttur, formann Eflingar, og Vilhjálm Birgisson formann Starfsgreinasambandsins.
Umferðin á höfuðborgarsvæðinu var til umræðu á fundi fyrr í vikunni, þar sem bent var á að hinn dæmigerði borgarbúi gæti varið allt að 92 klukkustundum á ári fastur í umferð – sem jafngildir rúmum tveimur vinnuvikum.Fundurinn, Greiðari leið – hugmyndir óskast!, beindi sjónum að þróun vandans og mögulegum lausnum frá ólíkum sjónarhornum Við ræddum helstu atriði sem þarna komu fram við Konráð S. Guðjónsson sem var einn frummælanda.
